ព័ត៌មានជាតិ
ក្រសួងអប់រំនិងអង្គការ WFPនឹងផ្តល់ស្បៀងអាហារដល់សិស្សជួបការលំបាកនៅខេត្ត គោលដៅចំ នួន១០
ក្រសួងអប់រំយុវជននិងកីឡានិងអង្គការស្បៀងអាហារពិភពលោក(WFP)នឹងផ្តល់ស្បៀងអាហារដល់សិស្សជួបការលំបាកនៅខេត្តគោលដៅចំនួន១០ដើម្បីឲ្យពួកគេទទួលបាននូវសុខភាពល្អកំលាំងមាំ មួននិងមានបញ្ញាស្មារតីល្អព្រមទាំងមករៀនសូត្របានពេញលេញ។
ថ្លែងនៅក្នុងកិច្ចប្រជុំស្ដីពីការអនុវត្តកម្មវិធីផ្តល់ស្បៀងអាហារតាមសាលារៀនជាមួយលោកបណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា លោកស្រី Claire Conanតំណាងអង្គការស្បៀងអាហារពិភពលោកប្រចាំនៅប្រទេសកម្ពុជា បានមានប្រសាសន៍ថា ដំណើរការនៃការ ផ្តល់ស្បៀងអាហារតាមសាលារៀន បានអនុវត្តនៅប្រទេសកម្ពុជាតាំងពីឆ្នាំ១៩៩៩ ដោយចាប់ផ្តើមពី ៦៤សាលា មានសិស្ស៣៧៥០០នាក់ និងបានពង្រីកជាបន្តបន្ទាប់មកដល់បច្ចុប្បន្ន ក្រោមជំនួយឧបត្ថម្ភគាំទ្រពីកម្មវិធីស្បៀងអាហារពិភពលោក។
![](https://www.kampucheathmey.com/wp-content/uploads/2021/01/140974763_4376257609067486_7593434000232700100_o-1024x932.jpg)
លោកស្រីបានបន្តថា កម្មវិធីផ្តល់អាហារតាមសាលារៀនបាននឹងកំពុងអនុវត្តនៅក្នុងប្រទេសកម្ពុជាតាមខេត្តគោលដៅចំនួន១០ ក្រោមការជួយឧបត្ថម្ភគាំទ្រផ្នែកបច្ចេកទេសនិងថវិកាពីកម្មវិធីផ្តល់ស្បៀងអាហារពិភពកលោកមាន៥ខេត្ត រួមមានខេត្តពោធិសាត់ កំពង់ឆ្នាំង កំពង់ធំ ឧត្តរមានជ័យនិងស្រុកខ្លះក្នុងខេត្តសៀមរាប។
លោកស្រីបានបន្តទៀតថា ចំណែកកម្មវិធីផ្តល់ស្បៀងអាហារតាមសាលារៀនក្រោមការឧបត្ថគាំទ្រដោយថវិការាជរដ្ឋាភិបាលកម្ពុជា និងមានកិច្ចសហការពីគណៈកម្មាធិការប្រតិបត្តិ ក្រុមប្រឹក្សាជាតិគាំពារសង្គម នៃក្រសួងសេដ្ឋកិច្ចនិងហិរញ្ញវត្ថុ ជាអ្នកជួយសម្របសម្រួលមាន៦ខេត្តរួមមានកំពង់ ចាម ស្ទឹងត្រែង ព្រះវិហារ បាត់ដំបង បន្ទាយមានជ័យ និងស្រុកខ្លះក្នុងខេត្ត សៀមរាប។
![](https://www.kampucheathmey.com/wp-content/uploads/2021/01/141581087_4376257445734169_465935345824355908_o-1024x938.jpg)
លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានថ្លែង អំណរគុណដល់អង្គការស្បៀងអាហារពិភពលោកដែលចូលរួមសហការយ៉ាងសកម្មជាមួយក្រសួងអប់រំ យុវជន និងកីឡា ក្នុងការផ្តល់ស្បៀងអាហារតាមសាលារៀននៅក្នុងប្រទេសកម្ពុជា បានជួយជម្រុញឱ្យកុមារមករៀន ទៀងទាត់ និងទាន់ពេលវេលា ព្រមទាំងបានរក្សាពួកគេឱ្យនៅក្នុងថ្នាក់រៀនរហូតដល់ចប់ម៉ោង សិក្សាជាពិសេសកុមារតូៗ ម្យ៉ាងវិញទៀតការផ្តល់ស្បៀងអាហារប្រកបដោយអាហាររូបបត្ថម្ភគ្រប់គ្រាន់គឺដើម្បីបង្កើនសុខភាពផ្លូវ កាយ បញ្ញាស្មារតី និងអារម្មណ៍ ឱ្យពួកគេផ្តោតលើការសិក្សាបានល្អប្រសើរ។
លើសពីនេះទៀ កម្មវិធីនេះក៏បានបង្កើនប្រាក់ចំណូលដល់ពលរដ្ឋក្នុងសហគមន៍គោលដៅ តាមរយៈ ផលិតកម្មចម្រុះ ដើម្បីផ្គត់ផ្គង់ដល់កម្មវិធីផ្តល់អាហារតាមសាលារៀន ដោយប្រើប្រាស់កសិផលក្នុងសហគមន៍ផងដែរ។
![](https://www.kampucheathmey.com/wp-content/uploads/2021/01/students-1.jpg)
បើតាមក្រសួងអប់រំយុវជននិងកីឡាតាមរយៈការអនុវត្តកម្មវិធីផ្តល់ស្បៀងអាហារនេះបានជួយបង្កើនអត្រាចុះឈ្មោះចូលរៀនរបស់សិស្សពី៨០% នៅឆ្នាំ២០១៤ ដល់៩៩%មកដល់បច្ចុប្បន្ននិងកាត់បន្ថយអត្រាបោះបង់ចោលការសិក្សារបស់សិស្សពី ៨%មកនៅ៦% ព្រមទាំងជួយបង្កើនអត្រាសិស្សរៀនឡើងថ្នាក់ពី៧៦% ដល់៨៨%ផងដែរ។
គួរបញ្ជាក់ថា នៅឆ្នាំសិក្សា២០១៩-២០២០ ក្រសួងអប់រំយុវជននិងកីឡា បានសម្រេចទទួលយកការផ្ទេរកម្មវិធីស្បៀងអាហារនៅតាមសាលារៀនដោយប្រើប្រាស់ថវិកា របស់រាជរដ្ឋាភិបាលក្រោមរូបភាពកម្មវិធីផ្តល់អាហារពេលព្រឹកនិងផ្តល់អាហរថ្ងៃត្រង់ដោយ ប្រើប្រាស់កសិផលក្នុងសហគមន៍៕
អត្ថបទ ៖ សំអឿន
![](https://www.kampucheathmey.com/wp-content/uploads/2021/01/students01.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៨ ម៉ោង ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍២០ ម៉ោង ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ២០ ម៉ោង ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម២១ ម៉ោង ago
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង