ព័ត៌មានជាតិ

ព័ត៌មានលម្អិត ផ្លូវល្បឿនលឿនភ្នំពេញ-ក្រុងបាវិតតម្លៃជាង១ពាន់៣រយលានដុល្លារ

បានផុស

១ year មុន

នៅ

ថ្ងៃពុធ ៧ មិថុនា ២០២៣

ដោយ

ផ្លូវល្បឿនលឿនទី២ ភ្នំពេញ-ក្រុងបាវិត ខេត្តស្វាយរៀង បានសម្ពោធបើកការដ្ឋានសាងសង់ នាព្រឹកថ្ងៃទី៧ ខែមិថុនា ឆ្នាំ២០២៣នេះ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ខណៈផ្លូវនេះត្រូវរំពឹងថា នឹងបង្កភាពងាយស្រួលក្នុងការធ្វើដំណើរ និងជួយជំរុញដល់កំណើនសេដ្ឋកិច្ចជាតិ។ ខាងក្រោយនេះគឺជាព័ត៌មានលម្អិតផ្លូវល្បឿនលឿនភ្នំពេញ ក្រុងបារិត៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

- ប្រវែងផ្លូវសរុប៖ ១៣៥,១០គីឡូម៉ែត្រ

– ចំណុចចាប់ផ្ដើម៖ ឃុំថ្មគរ ស្រុកល្វាឯម ខេត្តកណ្តាល

– ចំណុចបញ្ចប់៖ ក្រុងបាវិត ខេត្តស្វាយរៀង

– បើកការដ្ឋានសាងសង់៖ ០៧/មិថុនា/២០២៣

– បញ្ចប់ការសាងសង់៖ នឹងបញ្ចប់នៅក្នុងអំឡុងឆ្នាំ២០២៧

– រយៈពេលសាងសង់៖ ៤៨ខែ

– ទំហំទឹកប្រាក់៖ ប្រមាណ ១,៣៥ពាន់លានដុល្លារអាមេរិក

– សាងសង់ដោយ៖ ក្រុមហ៊ុនសាជីវកម្មស្ពាន និងថ្នល់ចិន(CRBC)

គម្រោងសាងសង់នេះ នឹងផ្តល់អត្ថប្រយោជន៍យ៉ាងធំធេង ដូចជាការសម្រាលបន្ទុកចរាចរណ៍ លើផ្លូវជាតិលេខ១ ដែលកំពុងមានកំណើនចរាចរណ៍ដ៏មមាញឹក និងមានហានិភ័យខ្ពស់ នៃគ្រោះថ្នាក់ចរាចរណ៍ ហើយផ្លូវល្បឿនលឿននេះ នឹងជួយកាត់បន្ថយពេលវេលាធ្វើដំណើរ មកត្រឹមប្រមាណ ១ម៉ោងកន្លះ ដែលកន្លងមក យើងប្រើប្រាស់ពេលវេលាប្រមាណ ៤ម៉ោង សម្រាប់រថយន្តទេសចរណ៍ និងប្រមាណ ៥-៦ម៉ោងសម្រាប់រថយន្តកុងតឺន័រ។ មួយវិញទៀត ផ្លូវល្បឿនលឿននេះ នឹងជួយជំរុញឱ្យមានកំណើនវិនិយោគ ពាណិជ្ជកម្ម និងទេសចរណ៍នៅរាជធានីភ្នំពេញ ក្រុងថ្មីអរិយក្សត្រ នៃខេត្តកណ្តាល ខេត្តព្រៃវែង ខេត្តស្វាយរៀង និងក្រុងបាវិត ជាពិសេសសកម្មភាពពាណិជ្ជកម្ម ទេសចរណ៍ និងការដឹកជញ្ជូន ឆ្លងកាត់ព្រំដែនទ្វេភាគី រវាងប្រទេសកម្ពុជា-វៀតណាម ក្នុងក្របខណ្ឌអាស៊ាន និងមហាអនុតំបន់មេគង្គជាដើម៕