ព័ត៌មានជាតិ
រដ្ឋមន្រ្តីបង្ហើបលទ្ធភាពផ្លូវល្បឿនលឿនទី ៤ ទៅក្រចេះ មណ្ឌលគីរី រតនគិរី ស្ទឹងត្រែង ព្រះវិហារ
លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូន បានបង្ហើបពីលទ្ធភាពក្នុងការស្ថាបនាផ្លូវល្បឿនលឿនទី ៤ ក្រោយគម្រោងផ្លូវល្បឿនលឿនទី ៣ ទៅសៀមរាប បានឈានទៅចុះកិច្ចព្រមព្រៀងក្របខណ្ឌហើយគ្រោងបើកការដ្ឋានសាងសង់នៅបំណាច់ឆ្នាំ ២០២៤។
លោក ស៊ុន ចាន់ថុល រដ្ឋមន្ត្រីក្រសួងសាធារណការបានថ្លែងក្នុងពិធីចុះហត្ថលេខាលើកិច្ចព្រមព្រៀងក្របខ័ណ្ឌ (Framework Agreement – FA) គម្រោងសាងសង់ផ្លូវល្បឿនលឿនពីរាជធានីភ្នំពេញ-សៀមរាប-ប៉ោយប៉ែត ជាមួយតំណាងក្រុមហ៊ុនសាជីវកម្មស្ពាន និងថ្នល់ចិន (CRBC) កាលពីម្សិលមិញថា ប្រមុខរដ្ឋាភិបាលបញ្ជាក់ហើយក្រោយមានផ្លូវល្បឿនលឿនទី ១ ប្រាកដជាមានទី ២ និងទី ៣ ជាបន្តបន្ទាប់។
ក្រោយគម្រោងផ្លូវល្បឿនលឿនទី ៣ ភ្នំពេញ-សៀមរាប-ប៉ោយប៉ែត បានឈានទៅចុះកិច្ចព្រមព្រៀងក្របខណ្ឌ ហើយអាចឈានទៅបើកការដ្ឋាននៅឆ្នាំក្រោយ លោករំពឹងថានឹងមានផ្លូវលឿនទី ៤ បន្តទៀតទៅតំបន់ភូមិភាគឦសានដែលមានខេត្តក្រចេះ ស្ទឹងត្រែង មណ្ឌលគីរី រតនគីរី។
«បើមាន ៣ មាន ៤ ហើយ។ ខ្ញុំបិទភ្នែកស្រមៃៗថាទី ៤ អាចនឹងមានពីភ្នំពេញទៅក្រចេះស្នួល ទៅមណ្ឌលគីរី ទៅសែនមនោរម្យ ចេញទៅកោះញែក ទៅបានលុងរតនគិរី ត្រឡប់ទៅស្ទឹងត្រែងអូរពងមាន់ ឡើងទៅព្រះវិហារតទៅសៀមរាបត្រឡប់មកភ្នំពេញវិញ»។
បើតាមលោករដ្ឋមន្រ្តី ថ្ងៃក្រោយជុំវិញប្រទេសនឹងមានផ្លូវល្បឿនលឿនធ្វើដំណើរងាយស្រួល គួបផ្សំជាមួយផ្លូវជាតិដែលបានស្ថាបនាប្រទាក់ក្រឡាទូទាំងប្រទេស។
កម្ពុជាមានផ្លូវល្បឿនលឿនទីមួយ តភ្ជាប់ពីភ្នំពេញខេត្តព្រះសីហនុដែលបើកឲ្យប្រើប្រាស់កាលពីចុងឆ្នាំ២០២២។ កាលពីម្សិលមិញនេះ ក្នុងឱកាសបានបើកការដ្ឋានសាងសង់ផ្លូវល្បឿនលឿនទីពីរភ្នំពេញ-បាវិតច្រកព្រំដែនវៀតណាម ក្រោមវត្តមានសម្តេចតេជោនាយករដ្ឋមន្រ្តី នៅរសៀលថ្ងៃដដែលក្រសួងសាធារណការបានចុះហត្ថលេខាក្របខណ្ឌជាមួយក្រុមហ៊ុនសាជីវកម្មស្ពាននិងថ្នល់ចិន (CRBC) លើគម្រោងសាងសង់ផ្លូវល្បឿនលឿនទី ៣ ពីរាជធានីភ្នំពេញ-សៀមរាប-ប៉ោយប៉ែត។ បន្ទាប់ពីចុះកិច្ចព្រមព្រៀងក្របខ័ណ្ឌ តាមការសន្យារបស់ក្រុមហ៊ុន យ៉ាងយូរត្រឹមបំណាច់ឆ្នាំ២០២៤ ផ្លូវល្បឿនលឿនទី ៣ ភ្នំពេញ-សៀមរាប-ប៉ោយប៉ែត នឹងត្រូវបើកការដ្ឋានសាងសង់៕
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ជីវិតកម្សាន្ដ១៨ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា