រាជរដ្ឋាភិបាលដាក់ឲ្យប្រើប្រាស់ App សាធារណៈដើម្បីកំណត់អត្តសញ្ញាណកម្មគ្រួសារក្រីក្រ

រាជរដ្ឋាភិបាលកម្ពុជាបានដាក់ឱ្យប្រើប្រាស់កម្មវិធីសាធារណៈនៃអត្តសញ្ញាណកម្មគ្រួសារក្រីក្រ ឈ្មោះថា
Public​ IDPoor App សម្រាប់ជាវិធានដល់កិច្ចអន្តរាគមន៍លើការងារគាំពារសង្គមនៅកម្ពុជាប្រកបដោយប្រ
សិទ្ធភាព គណនេយ្យភាព និងតម្លៃភាពសង្គម។

ថ្លែងក្នុងពិធីប្រកាសផ្សព្វផ្សាយដាក់ឱ្យប្រើប្រាស់ប្រព័ន្ធគ្រប់គ្រងមតិជំទាស់ និងសំណូមពរនៃកម្មវិធីអត្តសញ្ញាណកម្មគ្រួសារក្រីក្រ និងគ្រួសារងាយរងហានិភ័យកាលពីថ្ងៃទី០៨មិថុនា លោកទេសរដ្ឋមន្រ្តី ឆាយ ថន រដ្ឋមន្រ្តីក្រសួងផែនការ
បានមានប្រសាសន៍ថា កម្មវិធីថ្មីនេះបានភ្ជាប់ជាមួយប្រព័ន្ធមូលដ្ឋានទិន្នន័យគ្រួសារក្រីក្រថ្នាក់ជាតិដែលអាចឱ្យក្រសួងផែនការ និងមន្ទីរផែនការរាជធានី-ខេត្ត ធ្វើការវាយតម្លៃ និងជួយពង្រឹងគុណភាព ប្រសិទ្ធភាព និងវឌ្ឍនភាពនៃការអនុវត្តនីតិវិធីអត្តសញ្ញាណកម្មគ្រួសារក្រីក្រ និងគ្រួសារងាយរងហានិភ័យ។

លោកទេសរដ្ឋមន្រ្តីបានបន្តថា កម្មវិធីសាធារណៈនៃអត្តសញ្ញាណកម្មគ្រួសារក្រីក្រនេះអាចដំឡើងលើទូរស័ព្ទដៃ និងឧបករណ៍ឆ្លាតវៃ ដើម្បីផ្តល់ឱកាស និងភាពងាយស្រួលដល់សាធារណជន និងអ្នកពាក់ព័ន្ធផ្សេងៗក្នុងការផ្តល់មតិជំទាស់
និងសំណូមពរទៅអ្នកអនុវត្ត និងអ្នកគ្រប់គ្រងកម្មវិធីកំណត់អត្តសញ្ញាណគ្រួសារក្រីក្រ និងគ្រួសារងាយរងហានិភ័យអំពីបញ្ហាផ្សេងៗដែលពួកគេជួបប្រទះ។

លោក Justin Whyatt ឯកអគ្គរាជទូតអូស្ត្រាលីប្រចាំកម្ពុជា បានគាំទ្រចំពោះការដាក់ឱ្យដំណើរការនូវកម្មវិធីសង្គមមួយនេះ។ លោកបានមានប្រសាសន៍ថា នេះគឺជាការពង្រីកវិសាលភាពគ្របដណ្តប់ដល់គ្រួសារងាយរងហានិភ័យ
និងក្រុមគោលដៅផ្សេងៗបន្ថែមទៀត៕

អត្ថបទ៖ សំអឿន