ព័ត៌មានជាតិ
មកស្គាល់យុវវ័យ ៣រូប តែងបង្ហាញគន្លឹះល្អៗសម្រាប់ការរៀនសូត្រ
បណ្តាញទំនាក់ទំនងសង្គម ត្រូវបានប្រើប្រាស់ជាប្រយោជន៍យ៉ាងទូលំទូលាយ មិនថាសម្រាប់ការសិក្សារៀនសូត្រ មុខជំនួញ ឬគោលបំណងដទៃផ្សេងទៀត។ អ្វីដែលគួរឱ្យកត់សម្គាល់ យុវជនសម័យថ្មីនាពេលបច្ចុប្បន្ន កាន់តែយល់ច្បាស់ និងចូលចិត្តចែករំលែកនូវអ្វីដែលល្អៗសម្រាប់គ្នា ពិសេសតាមរយៈ បណ្តាញទំនាក់ទំនងសង្គមនេះផ្ទាល់តែម្តង ដូចជាការបង្កើតមាតិកាទាក់ទងនឹងការកម្សាន្ត ព័ត៌មាន ពិសេសចំណេះ ជំនាញ និងបទពិសោធន៍។
កម្ពុជាថ្មី សូមធ្វើការចែករំលែកប្រភពធនធានមនុស្ស ៣រូប ក្នុងចំណោមអតីតសិស្សនិទ្ទេសA ជាច្រើនផ្សេងទៀត នៃអ្នកជំនាន់ក្រោយរបស់កម្ពុជា ដែលសុទ្ធសឹងតែជាអ្នកផលិត និងចែករំលែកមាតិកាចំណេះដឹងសំខាន់ៗ។
១. ប៉ូលី រតនៈ (Poly ratanak)
ការចាប់ផ្តើមផលិតវីដេអូឃ្លីបពីគន្លឹះខ្លះៗទាក់ទងនឹងការរៀនសូត្ររបស់ រតនៈ ដំបូងគឺនៅអំឡុងឆ្នាំ២០១៧ ជាមួយនឹងការចែករំលែកវិធីសាស្ត្រសិក្សាលើមុខវិជ្ជាផ្សេងៗ សម្រាប់សិស្សកម្រិតវិទ្យាល័យ រហូតដល់គន្លឹះសិក្សារៀនសូត្រ អំពីចំណេះដឹងទូទៅ។ យុវជនវ័យក្មេងរូបនេះ តែងតែងផលិតវីដេអូទាក់ទងគន្លឹះ និងវិធីសាស្ត្រសិក្សារៀនសូត្រ ក៏ដូចជាណែនាំសៀវភៅល្អៗសម្រាប់អ្នកដែលចូលចិត្តអាន ហើយទទួលបានគាំទ្រ និងតាមដានច្រើនពីសាធារណជន ពិសេសសិស្ស-និស្សិត។
២. សេង រ័ត្នសេដ្ឋាមុនី (SENG Rothsethamony)
កញ្ញា សេង រ័ត្នសេដ្ឋាមុនី ជាអតីតសិស្សនិទ្ទេស A (ឆ្នាំ២០១៨) ដែលបច្ចុប្បន្ន កំពុងបន្តការសិក្សានៅសហរដ្ឋអាមេរិក និងជាអ្នកផលិតមាតិកាមួយរូប ដែលសាធារណជនភាគច្រើនស្គាល់យុវតីរូបនេះ តាមរយៈការចែករំលែកចំណេះដឹង និងគន្លឹះសិក្សារៀនសូត្រដើម្បីទទួលបានអាហាររូបករណ៍ជាដើម។ ក្រៅពីនោះ ក៏សង្កេតឃើញ រ័ត្នសេដ្ឋាមុនី ចែក រំលែកនូវបទពិសោធល្អៗ ទាក់ទងនឹងសកម្មភាពទូទៅមួយចំនួននៅអាមេរិកផងដែរ។
៣. ភាព សុភ័ក (Pheap Sopheak)
ភាព សុភ័ក អតីតសិស្សនិទ្ទេស A (ឆ្នាំ២០១៩) មួយរូបទៀត ដែលយុវវ័យភាគច្រើនស្គាល់ថា ជាអ្នកផលិតមាតិកា ចំណេះដឹងមួយរូប ដែលតែងតែផ្តល់ជាគន្លឹះសម្រាប់សិស្ស-និស្សិត ក្នុងការរៀនសូត្រ និងវិធីសាស្ត្រល្អៗផ្សេងទៀត ក្នុងការធ្វើអ្វីមួយដែលជាប្រយោជន៍សម្រាប់ខ្លួន។ ក្នុងសកម្មភាពនៃការចែករំលែកនេះទៀតសោត ប្អូនប្រុស ភាព សុភ័ក ក៏មានជាការផលិតវីដេអូបែប Review ពីសៀវភៅប្រលោមលោក និងសៀវភៅលើកទឹកចិត្តផងដែរ។
គួរបញ្ជាក់ថា មកដល់ពេលបច្ចុប្បន្ននេះ អតីតសិស្សនិទ្ទេសA ទាំង៣រូបនេះ នៅតែជាអ្នកផលិតមាតិកាចែករំលែកពីចំណេះដឹង ទស្សនៈវិជ្ជា បទពិសោធន៍ និងសកម្មភាពល្អៗផ្សេងទៀត ដែលសុទ្ធសឹងជាគុណប្រយោជន៍ដល់យុវវ័យ ពិសេសសិស្ស-និស្សិត ៕
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ