សម្ដេចតេជោ ហ៊ុន សែន ចង់ឲ្យរោងចក្រមួយក្លាយជា​សហគមន៍សុខសាន្ដមួយ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា សម្ដេច ចង់ឲ្យរោងចក្រមួយក្លាយជា​សហគមន៍សុខសាន្ដមួយ ដោយធ្វើយ៉ាងណាកុំឲ្យមានការប្រើប្រាស់គ្រឿងញៀន កុំឲ្យមានបងតូចបងធំ និងកុំឲ្យមានជម្លោះនៅក្នុងរោងចក្រជាដើម។

ការថ្លែងរបស់សម្ដេចតេជោ ហ៊ុន សែន បានធ្វើឡើងក្នុងពិធីជួបសំណេះសំណាលជាមួយកម្មករ-កម្មការិនីជិត ២ម៉ឺននាក់ មកពីរោងចក្រ-សហគ្រាសចំនួន ១១ នៅក្នុងខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី ១៣ ខែមិថុនា ឆ្នាំ ២០២៣នេះ។

សម្ដេចតេជោ ហ៊ុន សែន ថ្លែងបន្តថា «ត្រូវខិតខំធ្វើយ៉ាងម៉េច ដើម្បីរួមចំណែកអនុវត្តគោលនយោបាយភូមិឃុំមានសុវត្ថិ ភាព ដែលខ្ញុំពិតជាមានការរីករាយណាស់ ដោយសង្កេតឃើញថា នៅក្នុងក្របខ័ណ្ឌរោងចក្រសហគ្រាសនៅទូទាំងប្រទេស មិនមែនជាទីកន្លែងប្រើប្រាស់គ្រឿងញៀនទេ នេះការសប្បាយរីករាយ»៕