ព័ត៌មានជាតិ
ពិព័រណ៍ការងារផ្ដល់ឱកាសសម្រាប់យុវជនស្វែងរកការងារធ្វើ
លោកស្រី ឌី ចង្កុលណី អនុប្រធានទីភ្នាក់ងារជាតិមុខរបរ និងការងារ លើកឡើងថា ពិព័រណ៍ការងារ និងមគ្គុទេសក៍អាជីព បានផ្ដល់ឱកាសសម្រាប់សិស្ស-និស្សិត ក៏ដូចជាយុវជនទូទៅស្វែងរកការងារធ្វើបានល្អប្រសើរ។

បើតាមលោកស្រី ឌី ចង្កុលណី គឺពិព័រណ៍ការងារ និងមគ្គទេសក៍អាជីពនេះ ជាការអនុវត្តស្របតាមគោលនយោបាយរបស់រាជរដ្ឋាភិបាល ក្នុងការពង្រីកការបើកចំហឱកាសការងារឲ្យបានទៅដល់សាធារណជនគ្រប់រូប ប្រកបដោយតម្លាភាព និងសមធម៌។
លោកស្រី ថ្លែងថា ពិព័រណ៍នេះ ក៏សំដៅប្រែក្លាយឱកាសការងារទាំងអស់ទៅជាមុខរបរកាន់តែប្រសើរសម្រាប់ប្រជាពលរដ្ឋកម្ពុជា ជាពិសេស ការជួយតម្រង់ទិស ការងារ និងមាគ៌ាអាជីពសម្រាប់យុវជន ដែលជាកម្លាំងពលកម្មវ័យក្មេង។
តាមរយៈពិព័រណ៍កាងារនេះ ក៏នឹងបង្កើតឲ្យមានបរិយាកាសប្រកបដោយភាពសកម្ម និងភាពឆ្លើយតបទាន់ពេលវេលា សំដៅពង្រីកវិសាលភាពការងារ និងការស្រូបយកកម្លាំងពលកម្ម ដែលមានសក្តានុពល និងជំនាញគ្រប់ប្រភេទចូលទៅក្នុងឱកាសការងារលើគ្រប់វិស័យនៅមួយកន្លែងដោយងាយស្រួល។ នេះជាការបញ្ជាក់បន្ថែមរបស់លោកស្រីអនុប្រធានទីភ្នាក់ងារជាតិមុខរបរ និងការងារ។
យុវតី នៅ សុភា ជានិស្សិតឆ្នាំទី៣ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានបង្ហាញអារម្មណ៍រីករាយដែលបានចូលរួមក្នុងពិព័រណ៍ការងារនេះ ព្រោះក្នុងពិព័រណ៍នេះមានក្រុមហ៊ុនច្រើន ហើយបានផ្ដល់ឱកាសការងារជាច្រើនល្អៗសម្រាប់យុវជនដែលអត់ទាន់មានការងារធ្វើ។
កញ្ញា សុភា បានបន្តថា ពិព័រណ៍នេះមានសារៈសំខាន់ណាស់សម្រាប់យុវជន ដែលកំពុងស្វែងរកការងារធ្វើ ដែលអាចដាក់ CV ដោយផ្ទាល់ជាមួយក្រុមហ៊ុនធំៗនៅទីតាំងពិព័រណ៍នេះបានភ្លាមៗ។

គួរជម្រាបថា ពិព័រណ៍ការងារ និងមគ្គទេសក៍អាជីព រៀបចំឡើងដោយទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជារាជធានីភ្នំពេញ និងគាំទ្រដោយអង្គការអន្តរជាតិខាងការងារ (ILO)។
ពិព័រណ៍នេះ មានរយៈពេលពីរថ្ងៃ គឺចាប់ផ្តើមពីថ្ងៃទី១៣ ដល់ថ្ងៃទី១៤ ខែមិថុនា ដោយបានផ្តល់ឱកាសការងារសរុបប្រមាណ ៤៥០០កន្លែង ពីក្រុមហ៊ុនធំៗចំនួន២៥ នៅអគារ KAMPUS ជិតស្ពានអាកាសក្បាលថ្នល់។
គោលបំណងសំខាន់នៃពិព័រណ៍ការងារនេះ គឺការបង្កើតជាវេទិកាប្រាស្រ័យទាក់ទងគ្នាដោយផ្ទាល់នៅមួយកន្លែង ដើម្បីស្វែងយល់ពីតម្រូវការងារ ការជ្រើសរើសកម្លាំងពលកម្ម និងការដាក់ពាក្យស្នើសុំការងារ សម្ភាសការងារជូនដល់សាធារណជន ដើម្បី កាន់តែងាយស្វែងរក ងាយចូលរួម ឆ្លើយតបឆាប់រហ័ស និងចំគោលដៅ៕
ដោយ៖ ធឿន វ៉ាន់សុង



-
ព័ត៌មានជាតិ៥ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៥ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៥ ម៉ោង ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ៣ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៤ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៥ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២ ថ្ងៃ ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ