Connect with us

ព័ត៌មានជាតិ

មន្ត្រីជាន់ខ្ពស់ធនាគារជាតិ៖ ការចរាចរណ៍ប្រាក់រៀល​លើទីផ្សារកើនឡើង ដល់ជាង ១៤ទ្រីលានរៀល

បានផុស

នៅ

មន្ត្រីជាន់ខ្ពស់ធនាគារជាតិនៃកម្ពុជា បានលើកឡើងថា ការចរាចរណ៍ប្រាក់រៀលជាមួយអត្រាកំណើនមធ្យមប្រចាំឆ្នាំ ១៦,៦% ពោលគឺ ពីប្រមាណ ៣៥៦ប៊ីលានរៀល នៅឆ្នាំ១៩៩៨ កើនឡើងរហូតដល់១៤,១ទ្រីលានរៀល នៅឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសិក្ខាសាលាផ្សព្វផ្សាយ ស្តីពី “ប្រាក់រៀល ចំណេះដឹងហិរញ្ញវត្ថុ និងប្រព័ន្ធបាគង” ដើម្បីអបអរសាទរទិវា​ប្រាក់រៀល ព្រមទាំងចូលរួមលើកកម្ពស់ការយល់ដឹងពីប្រាក់រៀល ក៏ ដូចជាចំណេះដឹងផ្នែកហិរញ្ញវត្ថុ និងប្រព័ន្ធបាគង​ឱ្យកាន់តែទូលំទូលាយនៅទូទាំងប្រទេសនៅថ្ងៃទី១៥មិថុនានេះ នៅស្រុកស្ទោង ខេត្តកំពង់ធំ លោកស្រីបណ្ឌិត ជា សិរី ទេសាភិបាលរង ធនាគារជាតិនៃកម្ពុជា បានមានប្រសាសន៍ថា ឆ្នាំនេះ ជាឆ្នាំទី៤៣ហើយ ដែលកម្ពុជា បានបោះផ្សាយ និងដាក់ឱ្យចរាចរណ៍ប្រាក់រៀលឡើងវិញ ដែលជារយៈពេលដ៏យូរក្នុងប្រវត្តិសាស្ត្រ ដែលកម្ពុជាប្រើប្រាស់ រូបិយវត្ថុរបស់​ខ្លួនប្រកបដោយនិរន្តរភាព និងកាន់តែចម្រើនទៅមុខឥតឈប់ឈរ។

លោកស្រីបាន បន្តថា សន្តិភាពដែលសម្រេចបាន ក្រោមនយោបាយឈ្នះ-ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្តល់ជាមូលដ្ឋានដល់ការអភិវឌ្ឍសេដ្ឋកិច្ច សង្គម និងជំនឿទុកចិត្តមកលើប្រាក់រៀលឡើងវិញ។

លោកស្រី បានបន្តទៀតថា ជំនឿទុកចិត្តផ្សាភ្ជាប់មិនអាចខ្វះបានជាមួយនឹងសុខសន្តិភាព ស្ថិរភាព នយោបាយ និងស្ថិរភាពសេដ្ឋកិច្ច ដែលនាំឱ្យប្រជាជនមានការងារធ្វើ មានជីវភាពល្អប្រសើរ និងប្រើប្រាស់លុយរៀល​កាន់តែ​ទូលំទូលាយ។

បើតាមលោកស្រី ជា សិរី ការប្រែក្លាយសេដ្ឋកិច្ចកម្ពុជាឱ្យងាកពីប្រាក់ដុល្លារអាមេរិក មកពឹងផ្អែក លើប្រាក់រៀលជាចម្បង ត្រូវការការចូលរួមយ៉ាងសកម្មពីគ្រប់ភាគីពាក់ព័ន្ធទាំងអស់ ទាំងសា្ថប័នសាធារណៈ ឯកជន និងប្រជាជនទូទៅ។

មន្រ្តីជាន់ខ្ពស់រូបនេះ សង្កត់ធ្ងន់ថា «គោលដៅរបស់ធនាគារជាតិនៃកម្ពុជា គឺការប្រើប្រាស់ប្រាក់រៀល ឱ្យកាន់តែ​ទូលំទូលាយ មិនមែនទៅយកឈ្នះប្រាក់ដុល្លារអាមេរិក ឬដកប្រាក់ដុល្លារអាមេរិក ទាំងស្រុងចេញពីកម្ពុជា​តែមួយប៉ប្រិចភ្នែកនោះទេ គឺប្រជាជន ត្រូវមានស្មារតីបន្តដំណើរ ក្នុងការប្រើប្រាស់ប្រាក់រៀលជាប្រចាំ ដើម្បីសម្រេច​បានគោលដៅ បើទោះបីជាត្រូវការពេល វេលាយូរបន្តិចក្ដី»៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៦ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៦ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៧ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ៩ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម