ព័ត៌មានជាតិ

លោក ប្រាក់ សុខុន នឹងអញ្ជើញចូលរួមកិច្ចពិភាក្សាក្រៅផ្លូវការស្ដីពី «បញ្ហាមីយ៉ាន់ម៉ា» នៅថៃ ចំនួន ២ ថ្ងៃ

បានផុស

២ years មុន

នៅ

ថ្ងៃសៅរ៍ ១៧ មិថុនា ២០២៣

ដោយ

រដ្ឋមន្ត្រីក្រសួងការបរទេសកម្ពុជា នឹងដឹកនាំគណៈប្រតិភូ អញ្ជើញចូលរួមក្នុងកិច្ចពិភាក្សាក្រៅផ្លូវការ ស្ដីពីបញ្ហាមីយ៉ាន់ម៉ា នៅប្រទេសថៃ ដែលនឹងប្រព្រឹត្តទៅចំនួន ២ ថ្ងៃ។ នេះបើតាមសេចក្ដីប្រកាសរបស់ក្រសួងការបរទេសកម្ពុជា នៅព្រឹកថ្ងៃទី ១៧ ខែមិថុនា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាស បានឲ្យដឹងថា តបតាមការអញ្ជើញរបស់ លោក ដន ប្រាម៉ាត់វីណៃ ឧបនាយករដ្ឋមន្ត្រី រដ្ឋមន្ត្រីការបរទេស នៃព្រះរាជាណាចក្រថៃ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងដឹកនាំគណៈប្រតិភូអញ្ជើញចូលរួមក្នុងកិច្ចពិភាក្សាក្រៅផ្លូវការ ស្ដីពីបញ្ហាមីយ៉ាន់ម៉ា ដែលនឹងប្រព្រឹត្តទៅពីថ្ងៃទី ១៨-១៩ ខែមិថុនា ឆ្នាំ ២០២៣ នៅប្រទេសថៃ។

បើតាមសេចក្ដីប្រកាសដដែលនេះ ជំនួបផ្លាស់ប្ដូរយោបល់ដោយផ្ទាល់ខាងលើ នឹងរួមចំណែកដល់ការរិះរកមធ្យោបាយនានា ដើម្បីតាមដាននូវអនុសាសន៍ដែលបានលើកឡើងដោយថ្នាក់ដឹកនាំមួយចំនួន ក្នុងកិច្ចប្រជុំកំពូលអាស៊ានលើកទី ៤២ កាលពីខែឧសភា ឆ្នាំ ២០២៣ និងជំរុញបន្ថែមទៀតនូវការអនុវត្តកិច្ចព្រមព្រៀងជាឯកច្ឆន្ទ ៥ ចំណុច (5PC) ព្រមទាំងការវាយតម្លៃ និងសេចក្ដីសម្រេចចិត្ត ១៥ ចំណុច របស់ថ្នាក់ដឹកនាំអាស៊ាន ស្ដីពីការអនុវត្តកិច្ចព្រមព្រៀងជាឯកច្ឆន្ទ ៥ ចំណុច៕

អត្ថបទ ៖ ពិសី

Related Topics:លោក ប្រាក់ សុខុន