ព័ត៌មានជាតិ
ស្ថានទូតជប៉ុនគ្រោងរៀបចំពិធីបុណ្យផ្កាយ ឆ្នាំ ២០២៣ នៅចុងសប្ដាហ៍នេះ
ស្ថានទូតជប៉ុនប្រចាំកម្ពុជា នឹងរៀបចំព្រឹត្តិការណ៍ពិធីបុណ្យផ្កាយ ឆ្នាំ២០២៣ រយៈពេល ២ថ្ងៃ ពោលគឺនៅថ្ងៃទី២៤ ដល់ថ្ងៃទី២៥ ខែមិថុនា ឆ្នាំ២០២៣នេះ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។ ពិធីបុណ្យផ្កាយនេះសហការរៀបចំដោយមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) និងការិយាល័យទំនាក់ទំនងភ្នំពេញ នៃមូលនិធិជប៉ុន។
![](https://www.kampucheathmey.com/wp-content/uploads/2023/06/image-1229-edited.png)
សេចក្ដីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា បានឱ្យដឹថា ពិធីបុណ្យផ្កាយ ត្រូវបានរៀបចំឡើងជារៀងរាល់ឆ្នាំ ចាប់តាំងពីឆ្នាំ២០០៤ មកម្ល៉េះ ហើយសម្រាប់នៅឆ្នាំ២០២៣ ពិធីបុណ្យផ្កាយរៀបចំឡើងដើម្បីបន្តជំរុញការផ្លាស់ប្តូរវប្បធម៌រវាងជប៉ុន និងកម្ពុជាថែមទៀត ជាពិសេសការចូលរួមអបអរសាទរខួបអនុស្សាវរីយ៍ លើកទី៧០ នៃទំនាក់ទំនងរវាងប្រទេសទាំងពីរ ជប៉ុន-កម្ពុជា។
ក្នុងពិធីបើកព្រឹត្តិការណ៍ជាផ្លូវការ នៅថ្ងៃទី២៤ ខែមិថុនា នឹងមានការថ្លែងសុន្ទរកថារបស់លោកឯកអគ្គរាជទូតជប៉ុនប្រចាំកម្ពុជា តំណាងរាជរដ្ឋាភិបាលកម្ពុជា និងការសម្ដែងសិល្បៈវប្បធម៌ជប៉ុន-កម្ពុជា ព្រមទាំងកម្មវិធីមួយចំនួនទៀត រួមមាន៖ តោះយើងទៅ Cosplay នៅតាណាបាតា ការប្រគំតន្ត្រីជប៉ុនខ្នាតតូច ការសម្ដែងរឿងខ្លី “ដំណាលរឿងតាណាបាតា និងរឿងទិព្វសូដាចន្ទ” ការប្រឡងចម្រៀងណូដូជីម៉ាន់ ២០២៣ ជាដើម។
![](https://www.kampucheathmey.com/wp-content/uploads/2023/06/image-1231-edited.png)
ក្រៅពីកម្មវិធីទាំងនេះ ក៏មានការរៀបចំសិក្ខាសាលាមួយចំនួនទាក់ទងនឹងប្រធានបទ Cosplay ថ្នាក់សាកល្បងធ្វើនំ ការឈ្វេងយល់អំពីរឿងខ្លី កំណាព្យ និងទំនុកច្រៀង សិល្បៈបត់ក្រដាស “អូរិហ្គាមី” កាតក្រដាស “ឃិរីហ្គាមី” ការសរសេរអក្សរផ្ចង់ជប៉ុន “ស្យូដូ” ការសរសេរ និងចងព្យួរក្រដាសបំណងប្រាថ្នាលើមែកឫស្សី ការធ្វើបន្តោងរូប ការបង្ហាញសម្លៀកបំពាក់ប្រពៃណីជប៉ុន “យូកាតា” ក៏ដូចជាការតាំងពិព័រណ៍ផងដែរ។
![](https://www.kampucheathmey.com/wp-content/uploads/2023/06/image-1235-edited.png)
គួរបញ្ជាក់ថា ពិធីបុណ្យផ្កាយ គឺជាកម្មវិធីបុណ្យប្រពៃណីជប៉ុន ដែលតែងតែប្រារព្ធឡើងនៅថ្ងៃទី៧ ខែកក្កដា ជារៀងរាល់ឆ្នាំ នៅប្រទេសជប៉ុន ដើម្បីរំឮកដល់ដំណើររឿងរបស់គូស្នេហ៍នៅលើឋានសួគ៌មួយគូ គឺនារីតម្បាញ និងបុរសគង្វាលគោ។ តាមតំណាលរឿង គូស្នេហ៍មួយគូនេះ ត្រូវបានបំបែកដោយទន្លេអាម៉ាណុហ្គាវ៉ា ហើយអាចជួបគ្នាបានតែម្តងគត់ក្នុងមួយឆ្នាំ គឺនៅថ្ងៃទី៧ ខែកក្កដា។ ដូច្នេះ នៅក្នុងថ្ងៃនោះ ប្រជាជនជប៉ុននាំគ្នាសរសេរ បំណងប្រាថ្នារបស់ខ្លួន ហើយចងព្យួរទៅនឹងមែកឬស្សី ដើម្បីបួងសួងឱ្យបានសម្រេចតាមការប៉ងប្រាថ្នារបស់ខ្លួន៕
អត្ថបទ៖ ធឿន វ៉ាន់សុង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៦ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?