ព័ត៌មានជាតិ
ផ្លូវទំនប់ស្រះលួងប្រវែង៦៧៥ម៉ែត្រ ស្ថិតក្នុងសង្កាត់ពញាពន់ត្រូវបានជួសជុលកែលម្អរួចរាល់
ទន្ទឹមនឹងការស្ដារស្រះលួង ដែលជាស្រះបុរាណមានតាំងពីយូរយារមកហើយនោះ អាជ្ញាធរខណ្ឌព្រែកព្នៅបានធ្វើការជួសជុលកែលម្អផ្លូវ១ខ្សែស្ថិតនៅតាមបណ្ដោយស្រះលួងប្រវែង៦៧៥ម៉ែត្រ ក្នុងភូមិស្រែដូនតូច សង្កាត់ពញាពន់ ចាប់ពីផ្លូវ១៥១ដល់ព្រំប្រទល់ឃុំឈ្វាំង ស្រុកពញាឮ ខេត្តកណ្ដាលដែលមកទល់ពេលនេះបានរួចរាល់ជាស្ថាពរហើយ។
លោក ទៀប យោទ្ធារម្យ ប្រធានការិយល័យសាធារណៈការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ បានឲ្យដឹងថា ការជួសជុលកែលម្អផ្លូវនេះ ក្នុងគោលបំណងដើម្បីជាទំនប់ព័ទ្ធស្រះផង និងដើម្បីសម្រួលដល់ការធ្វើចរាចរជូនដល់ប្រជាពលរដ្ឋនៅតំបន់នេះផងដែរ។ កំណាត់ផ្លូវ១ខ្សែនេះ ចាប់ពីផ្លូវ១៥១ដល់មាត់ស្រះលួងផ្នែកខាងត្បូងមានទទឹង៧ម៉ែត្រ ប៉ុន្ដែចាប់ពីមាត់ស្រះលួងខាងត្បូង ដល់ព្រំប្រទល់ឃុំឈ្វាំង គឺមានទទឹងជាង១០ម៉ែត្រ ដោយសារនៅទីនោះពុំមានផលប៉ះពាល់ដល់លំនៅដ្ឋានរបស់បងប្អូនប្រជាពលរដ្ឋ។
លោកបន្តថា តាមពិតផ្លូវនេះបានដំណើរការជួសជុលតាំងពីខែកក្កដា ឆ្នាំ២០២០មក ដោយធ្វើការឈូស ឆាយកិនបង្ហាប់ កាត់ដើមឈើ ដែលដុះមកលើផ្លូវ និងរុះសំយ៉ាបផ្ទះដែលសង់លយចូលមកលើទ្រូងផ្លូវផងដែរ។ ដោយសារបញ្ហាគ្រោះទឹកជំនន់ផង ដោយសារជំងឺឆ្លងកូវីដ១៩ផង ទើបធ្វើឲ្យការជួសជុលផ្លូវនេះ មានការយឺតយ៉ាវ។
លោកបានឲ្យដឹងទៀតថា ផ្លូវទំនប់ស្រះលួង ត្រូវបានរដ្ឋបាលខណ្ឌព្រែកព្នៅដាក់បញ្ចូលក្នុងគម្រោងមូលនិធិអភិវឌ្ឍខណ្ឌរយៈពេល៥ឆ្នាំរួចហើយ ដែលទៅថ្ងៃអនាគត និងត្រូវធ្វើការជួសជុលដោយចាក់បេតុង។
ដោយឡែកលោក សុខ សម្បត្តិ អភិបាលនៃគណអភិបាលខណ្ឌព្រែកព្នៅ បានបញ្ជាក់ថា ផ្លូវទំនប់ស្រះលួងនេះ ពីមុនមានទទឹងតែ៥ម៉ែត្រប៉ុណ្ណោះ គឺមានលក្ខណៈតូចចង្អៀតដែលកន្លែងខ្លះរថយន្ដចៀសគ្នាស្ទើរមិនរួច។ ប៉ុន្ដែនៅជំហានដំបូងនេះ ត្រូវបានពង្រីកដល់បង្គោលភ្លើង មានទំហំ៧ម៉ែត្រដែលអាចឲ្យបងប្អូនប្រជាពលរដ្ឋធ្វើចរាចរបានប្រសើរជាងមុន។
លោកអភិបាលខណ្ឌ មានប្រសាសន៍ថា ផ្លូវនេះជាផ្លូវដ៏សំខាន់មួយ សម្រាប់ប្រជាពលរដ្ឋនៅតំបន់នេះធ្វើចរាចរចេញចូលរវាងខណ្ឌព្រែកព្នៅ និងស្រុពញាឮ ហើយជាពិសេសនៅរដូវប្រាំងបងប្អូនប្រជាពលរដ្ឋ តែងធ្វើចរាចរទៅមកចេញចូលក្នុងការដឹកជញ្ជូនទឹកចេញពីស្រះលួងយកទៅប្រើប្រាស់ខណៈដែលអាជ្ញាធរខណ្ឌបានស្ដារស្រះលួងឡើងវិញរួចរាល់៕
អត្ថបទ ៖ ឧត្តរ៉ា
កម្ពុជា និង IFC សហការគ្នាដើម្បីអភិវឌ្ឍន៍ទីផ្សារឧបករណ៍និស្សន្ទ
តារាសម្តែងជើងចាស់ រ៉េត រ៉ូស ប្រាស់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
អតីតរាជទូតផុតអាណត្តិ២រូប ត្រូវតែងតាំងជាអនុរដ្ឋលេខាធិការ និងអគ្គនាយក
ហ្វីលីពីនចាប់ជនជាតិចិនពីបទចារកម្មតាមជំរំយោធា
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ