ព័ត៌មានជាតិ
គ.ជ.ប ព្រមានគណបក្សមួយ បើនៅតែធ្វើឲ្យប៉ះពាល់ដល់ដំណើរការចុះឈ្មោះបោះឆ្នោត នឹងមានវិធានការតាមច្បាប់
មន្ត្រីជាន់ខ្ពស់ គ.ជ.ប បានព្រមានចំពោះតំណាងគណបក្សនយោបាយ ដែលបង្ក ឬធ្វើឲ្យមានការរំខានដល់ដំណើរ ការពិនិត្យបញ្ជីឈ្មោះ និងចុះឈ្មោះបោះឆ្នោត ហើយការព្រមាននេះបានធ្វើឡើងបន្ទាប់ពីមានការជជែកគ្នាតឹងសរសៃកមួយ រវាងមន្ត្រីជាន់ខ្ពស់គ.ជ.ប នៅក្នុងកិច្ចប្រជុំកាលពីព្រឹកថ្ងៃទី ០៩ ខែតុលា ជាមួយតំណាងគណបក្សសម្ព័ន្ធ ដើម្បីប្រជាធិបតេយ្យ។
ឆ្លើយតបសំណួររបស់អ្នកសារព័ត៌មាន ដែលបានលើកឡើងថា ការជជែកគ្នានៅក្នុងកិច្ចប្រជុំ មានការតឹងសរសៃក ហើយតំណាងគណបក្ស LDP បានលើក ឡើងពីការរឹតត្បិតសិទ្ធិក្នុងការ ចូលរួមសង្កេតការណ៍របស់គាត់ ចំណែកមន្ត្រីជាន់ខ្ពស់ គ.ជ.ប ក៏បានលើកឡើងអំពីដំណើរការនៃការចុះឈ្មោះបោះឆ្នោត ដែលមិនអាចប្រមូលទិន្នន័យលំអិតរបស់ប្រជាពលរដ្ឋ ដែលបង្កទៅជារឿងចារកម្មបាត់សុវត្ថិភាពរបស់បុគ្គលជាដើម តើអាចមានការដាក់ពិន័យដែរឬទេ ? លោក ហង្ស ពុទ្ធា បានអះអាងថា គ.ជ.ប ជាស្ថាប័នដែលអនុវត្តច្បាប់ ធ្វើតាមនីតិវិធីនៃការបោះឆ្នោត ដូច្នេះការរារាំង ឬការរំខានណាមួយដល់ការិយាល័យបោះឆ្នោតជាបឋម គឺមានការណែនាំ ហើយកន្លងមកក៏មានការណែនាំ អំពីយន្តការសំខាន់ៗដូចជា ការជជែកគ្នាជាលក្ខណៈប្រចាំ ដូចជាកិច្ចប្រជុំនាថ្ងៃនេះជាដើម ហើយប្រសិនបើសម័យស្ថាប័នពាក់ព័ន្ធណាមួយ មិនពេញចិត្ត ឬមិនអស់ចិត្តនៅអ្វីដែលបានលើកឡើង គឺអាចធ្វើលិខិតជាលាយលក្ខណ៍អក្សរ តាមរយៈរដ្ឋបាល ដើម្បីឲ្យ គ.ជ.ប ឆ្លើយតបវិញ ហើយបើមិនអាចទទួលយកបានទៀត គឺស្ថាប័នពាក់ព័ន្ធនោះអាចធ្វើជាពាក្យបណ្ដឹង។ លោកបន្តថា មានពេលខ្លះខាងស្ថាប័នបានចោទប្រកាន់ខាងនេះខុស ឬខាងនោះខុស តែដើមចោទមិនប្រាកដថាត្រូវ ហើយចុងចោទ ក៏មិនប្រាកដថាខុសដែរ ដូច្នេះខាងស្ថាប័នកុំទាន់អះអាងថា ខ្លួនឯងត្រូវ។
បើតាមលោក ហង្ស ពុទ្ធា “គ.ជ.ប មិនធ្វើជាដើមបណ្ដឹងទេ ប៉ុន្តែបើប្រសិនបើមានស្ថាប័នណាមួយប្តឹង គ.ជ.ប នឹងចាត់វិធានការទៅតាមច្បាប់ នេះជាទិដ្ឋភាពទីមួយ ហើយទិដ្ឋភាពទីពីរទៀត ដោយសារស្ថាប័នដែលមកចូលរួមប្រជុំនៅថ្ងៃនេះ អាចថាចុះបញ្ជីនៅក្រសួងមហាផ្ទៃ ឬក្រសួងណាមួយ គាត់មានតម្កល់លក្ខន្តិកៈរបស់ខ្លួន គាត់មានច្បាប់ដោយឡែកដូចជាច្បាប់គណបក្សនយោបាយច្បាប់របស់អង្គការសង្គមស៊ីវិល ដែលថាភិបាល អញ្ចឹងបើគាត់ធ្វើសកម្មភាពអ្វីមួយ ដែលធ្វើឲ្យប៉ះពាល់ដល់សណ្ដាប់ធ្នាប់សាធារណៈ អាជ្ញាធរដែនដី ក៏មានតួនាទីចូលរួមរក្សាសណ្ដាប់ធ្នាប់សាធារណៈផងដែរ ហើយករណីទី៣ ក្រៅពីអាជ្ញាធរដែនដី គាត់នៅមានក្រសួងសាមី ដែលចុះបញ្ជីឲ្យគណបក្ស ឬអង្គការសង្គមស៊ីវិលរបស់គាត់ ដូច្នេះស្ថាប័ននេះ ក៏តាមដានមើលផងដែរ”។
ប្រសិនបើគណបក្សនយោបាយនោះនៅតែបន្តរំខាន លោកហង្ស ពុទ្ធា បានអះអាងថា “គ.ជ.ប នឹងធ្វើលិខិតព្រមាន ដល់ស្ថាប័ននោះ ដែលធ្វើឲ្យប៉ះពាល់ដល់ដំណើរការនៃការបោះឆ្នោត ឬការប្រព្រឹត្តទៅនៃការចុះឈ្មោះបោះឆ្នោត ប្រសិនបើសកម្មភាពនោះនៅតែបន្ត នឹងចាត់វិធាន ការទៅតាមច្បាប់ជាធរមាន។ នៅក្នុងមាត្រា១៤២ គ.ជ.ប និងប្រើឆន្ទានុសិទ្ធិរបស់ខ្លួន ដើម្បីដោះស្រាយនូវរាល់បញ្ហាទាំងឡាយ ដែលពាក់ព័ន្ធដល់ស្ថាប័ន ដល់ដំណើរការចុះឈ្មោះ និងការទទួល ខុសត្រូវរបស់ គ.ជ.ប ខ្លួនឯង ដូច្នេះការបង្កើតគោលការណ៍ណាមួយ ដោយគណបក្ស ឬដោយសមាគមអង្គការមិន មែនរដ្ឋាភិបាល ដោយបង្ខំឲ្យ គ.ជ.ប អនុវត្តទៅតាមអ្វីដែលខ្លួនគិតឃើញ គឺមិនអាចទៅរួចទេ”។
គួររំលឹកថា ការលើកឡើង ឬការព្រមានរបស់មន្ត្រីជាន់ខ្ពស់ គ.ជ.ប នៅពេលនេះមិនបានបញ្ជាក់ចំឈ្មោះគណបក្សណានោះទេ ប៉ុន្តែនៅក្នុងកិច្ចប្រជុំកាលព្រឹកថ្ងៃទី០៩ ខែតុលា អនុប្រធានគណបក្សសម្ព័ន្ធដើម្បីប្រជាធិបតេយ្យ បានជជែកគ្នាតឹងសរសៃកជាមួយមន្ត្រីជាន់ខ្ពស់ គ.ជ.ប
ទាក់ទងទៅនឹងការកត់ត្រាព័ត៌មានលំអិតអ្នកចុះឈ្មោះបោះឆ្នោត ដូចជាថ្ងៃខែឆ្នាំកំណើត ព្រមទាំងលេខឯកសារ ដែលបម្រើឲ្យការចុះបោះឆ្នោត និងការថតយកឯកសាររបស់អ្នកចុះឈ្មោះបោះឆ្នោតជាពិសេសឯកសារបញ្ជាក់អត្តសញ្ញាណជាដើម ដែលអះអាងថា ត្រូវបានអាជ្ញាធរបានចេញដោយរំលោភច្បាប់ ហើយបើទោះបីជាមានការពន្យល់ពីមន្ត្រីជាន់ខ្ពស់ គ.ជ.ប ក៏ដោយ តំណាងគណបក្សរូបនោះនៅតែបន្តជជែកតវ៉ានៅក្នុងអង្គប្រជុំដដែល។
ទាក់ទងទៅនឹងការជជែកតឹងសរសៃក នៅក្នុងអង្គប្រជុំនេះ លោកស្រី លឹម គឹមលី អគ្គនាយិការបស់អង្គការសហគមន៍គ្រួសារអភិវឌ្ឍន៍កសិកម្មបានថ្លែងថា បញ្ហាការជជែកគ្នានៅក្នុងវេទិកានេះ វាមិនត្រូវយកវេទិកា រំខានដល់ការជជែកពិភាក្សាគ្នានោះទេ។ ពីព្រោះគ.ជ.ប បានពន្យល់ក្បោះក្បាយណាស់ ហើយគណបក្សនយោបាយមកដល់ពេលនេះមានវ័យចំណាស់ហើយគួរតែយល់អំពីការងាររបស់គ.ជ.ប។
បើតាមលោកស្រី លឹម គឹមលី ដំណើរការពិនិត្យបញ្ជីឈ្មោះនិងចុះឈ្មោះបោះឆ្នោតនៅពេលនេះ គ.ជ.ប បានរៀបចំត្រឹមត្រូវហើយក្រុមប្រឹក្សា ឃុំ សង្កាត់ ដែលរង់ចាំចុះឈ្មោះបោះឆ្នោត ក៏រៀបចំបានល្អ ដោយមានពេលខ្លះ ពួកគាត់រង់ចាំលើសម៉ោងកំណត់ទៀតផង៕
អត្ថបទ៖ កោះកែវ
រដ្ឋមន្ត្រីក្រសួងព័ត៌មាន គាំទ្រការកំណត់អាយុអប្បបរមា សម្រាប់អ្នកប្រើប្រាស់ផលិតផលគ្រឿងស្រវឹងនៅប្រទេសកម្ពុជា
រដ្ឋបាលរាជធានី ប្រើប្រាស់រថយន្តក្រុងជាង៦០០គ្រឿង ដឹកជញ្ជូនពលរដ្ឋ ដោយឥតគិតថ្ងៃទៅស្រុកកំណើតក្នុងឱកាសបុណ្យភ្ជុំបិណ្ឌ
អគ្គស្នងការរង ឱ្យសិក្ខាកាមរៀនចប់វគ្គហិរញ្ញប្បទានដល់ការរីកសាយភាយអាវុធមហាប្រល័យ យកចំណេះចែករំលែកបន្ត
សម្ដេចធិបតី ឱ្យសមាគមសម្ព័ន្ធខ្មែរ-ចិន ពិនិត្យលទ្ធភាពបណ្ដាក់ទុនវិនិយោគនៅបណ្ដាខេត្តតាមព្រំដែន ពិសេសខេភាគឦសាន
ក្រសួងការងារ ស្នើកុំឱ្យថ្នាំងថ្នាក់នឹងអ្នករត់តុ ទោះបម្រើសេវាមិនបានល្អ ព្រោះអ្នកទាំងនោះមិនបានសម្រាកថ្ងៃបុណ្យឡើយ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ