ក្រសួង២ កំពុងជ្រើសរើសអ្នកចូលបម្រើការងារក្នុងតួនាទីផ្សេងៗជាច្រើននាក់

ក្រសួងបរិស្ថាន និងក្រសួងសេដ្ឋកិច្ច និងហិរញ្ញវត្ថុ កំពុងប្រកាសជ្រើសរើសធនធានមនុស្សចូលបម្រើការងារជាច្រើនរូបតាមតួនាទីផ្សេងៗគ្នា។

ក្រសួងបរិស្ថាន បានប្រកាសជ្រើសរើសនិស្សិតស្ម័គ្រចិត្ត ដែលមានបំណងចង់ធ្វើការងារជាមួយនឹងក្រសួងបរិស្ថានចំនួន​១០នាក់ ចូលបម្រើការងារស្ម័គ្រចិត្តជាមួយក្រសួងតាមតួនាទីផ្សេងៗរយៈពេល៦ខែ ទៅ ១ឆ្នាំ។ ក្នុងសេចក្តីប្រកាសរបស់ក្រសួងកាលពីថ្ងៃទី១៩ ខែមិថុនា ក្រសួងប្រកាសរើសនិស្សិតស្ម័គ្រចិត្តចំនួន១០នាក់ នៅក្នុងនាយកដ្ឋានព័ត៌មាន និងផ្សព្វផ្សាយបរិស្ថាន នៃអគ្គនាយកដ្ឋានចំណេះដឹង និងព័ត៌មានបរិស្ថាន ៣ផ្នែក មានដូចជា ផ្នែកសារព័ត៌មានចំនួន០៥នាក់ ផ្នែករដ្ឋបាលចំនួន០២នាក់ និងផ្នែកព័ត៌មានវិទ្យាចំនួន០៣នាក់ (IT)។

សម្រាប់និស្សិតដែលមានចំណាប់អារម្មណ៍ អាចធ្វើការចុះឈ្មោះដោយផ្ទាល់នៅក្រសួងបរិស្ថាន ដែលស្ថិតនៅខណ្ឌចំការមន រាជធានីភ្នំពេញ។ ឈប់ទទួលពាក្យនៅថ្ងៃទី២៣ ខែមិថុនា ឆ្នាំ២០២៣។ ក្រោយពីបញ្ចប់ការងារស្ម័គ្រចិត្តនេះ ក្រសួង ក៏មានចេញជាវិញ្ញាបនបត្របញ្ចាក់ពីក្រសួងបរិស្ថានផងដែរ។

ចំពោះការប្រកាសរបស់អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ. គ. ហ.) នៃក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី២០ ខែមិថុនាវិញ គឺបានប្រកាសជ្រើសរើសមន្ត្រីជំនួយការគណនេយ្យ០១រូប ដែលមានគុណសម្បត្តិដូចខាងក្រោម៖

• មានកម្រិតវប្បធម៌ផ្នែកបរិញ្ញាបត្រគណនេយ្យ ឬ សញ្ញាបត្រប្រហាក់ប្រហែល
• បទពិសោធន៍ការងារផ្នែកគណនេយ្យ និងហិរញ្ញវត្ថុយ៉ាងតិច២ឆ្នាំ
• មានជំនាញកុំព្យូទ័រ MS Excel, MS Word, MS PowerPoint
• មានជំនាញផ្នែកកុំព្យូទ័រគណនេយ្យ ឬ ប្រើប្រាស់ប្រព័ន្ធ Peachtree Accounting System
• ស្ទាត់ជំនាញក្នុងការសរសេរ និយាយ ភាសាខ្មែរ និងអង់គ្លេស។

សម្រាប់បេក្ខជន បេក្ខនារី ដែលមានចំណាប់អារម្មណ៍ អាចដាក់ពាក្យដោយភ្ជាប់ជាមួយ ប្រវត្តិរូបសង្ខេប និង Cover Letter ជាភាសាអង់គ្លេស។ សញ្ញាបត្របញ្ជាក់ពីការសិក្សាថតចម្លង លិខិតបញ្ជាក់ពីបទពិសោធន៍ការងារ និងឯកសារពាក់ព័ន្ធនានា ចំពោះអ្នកធានា គឺ២រូប។

យ៉ាងណាមិញ ការជ្រើសរើសត្រូវធ្វើដោយមានវិញ្ញាសារសរសេរ និងការសម្ភាសន៍ផ្ទាល់មាត់។ បេក្ខជន បេក្ខនារី ដែលមានចំណាប់អារម្មណ៍ អាចដាក់ពាក្យបានតាមរយៈ Email ([email protected]) ផុតកំណត់នៅថ្ងៃទី៣ ខែកក្កដា ឆ្នាំ២០២៣។ អ. គ. ហ. ទទួលពាក្យស្នើសុំចុះឈ្មោះតាមរយៈប្រព័ន្ធអនឡាញតែប៉ុណ្ណោះ។ លោកអ្នកអាចអានព័ត៌មានលម្អិតតាមរយៈ https://www.pfm.gov.kh/…/TOR%20Accounting%20Assistant.pdf ៕