ព័ត៌មានជាតិ

KOICA-WITHHEBRON បណ្ដុះបណ្ដាលអំពីការពង្រឹងសមត្ថភាពសម្រាប់បុគ្គលិកសុខាភិបាល នៅមជ្ឈមណ្ឌលវេជ្ជសាស្ត្រ ហេប្រុន

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

WITHHEBRON ថ្មីៗនេះ បានធ្វើវគ្គបណ្ដុះបណ្ដាលពង្រឹងសមត្ថភាពសម្រាប់អ្នកជំនាញថែទាំសុខភាពនៅមជ្ឈមណ្ឌលវេជ្ជសាស្ត្រ ហេប្រុន កាលពីថ្ងៃសៅរ៍ ទី ១០ ខែមិថុនា ឆ្នាំ ២០២៣។

ការបណ្ដុះបណ្ដាលលើកកម្ពស់សមត្ថភាពនេះ ជាវគ្គទីពីរ បន្ទាប់ពីវគ្គដែលបានធ្វើឡើងកាលពីថ្ងៃទី ២២ ខែវិច្ឆិកា ឆ្នាំ២០២២ គឺជាផ្នែកមួយ នៃ”គម្រោងពង្រឹងសមត្ថភាពការពារ និងត្រួតពិនិត្យមេរោគនៅកម្ពុជា” ដែលគាំទ្រដោយទីភ្នាក់ងារសហប្រតិបត្តិការអន្តរជាតិកូរ៉េ (KOICA) ពីឆ្នាំ ២០២១ ដល់ឆ្នាំ ២០២៣។

**លោកវេជ្ជបណ្ឌិត Yong Don Lee ធ្វើបទបង្ហាញស្ដីពី Hypertension of Adrenal Origin**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គបណ្ដុះបណ្ដាលដែលធ្វើឡើងនៅមជ្ឈមណ្ឌលវេជ្ជសាស្ត្រ ហេប្រុន បានទាក់ទាញអ្នកចូលរួមសរុបចំនួន ៣៤ នាក់។ ក្រៅពីវេជ្ជបណ្ឌិត និងគិលានុបដ្ឋាយិកានៅមជ្ឈមណ្ឌលវេជ្ជសាស្ត្រ ហេប្រុន ព្រឹត្តិការណ៍នេះក៏មានការចូលរួមពីវេជ្ជបណ្ឌិតមកពីមន្ទីរពេទ្យផ្សេងទៀតដូចជា មន្ទីរពេទ្យជប៉ុនសាន់រ៉ាយ មន្ទីរពេទ្យជាតិតេជោសន្តិភាព និងមន្ទីរពេទ្យ Hope ព្រមទាំងនិស្សិតពេទ្យផងដែរ។ សហគមន៍សុខាភិបាលក្នុងតំបន់បានបង្ហាញពីចំណាប់អារម្មណ៍យ៉ាងខ្លាំងចំពោះវគ្គបណ្ដុះបណ្ដាលនេះ។

សិក្ខាកាមដែលបានចូលរួមវគ្គបណ្ដុះបណ្ដាលពង្រឹងសមត្ថភាពបុគ្គលិកសុខាភិបាល ក្នុងស្រុក(១)

សិក្ខាកាមដែលបានចូលរួមវគ្គបណ្ដុះបណ្ដាលពង្រឹងសមត្ថភាពបុគ្គលិកសុខាភិបាល ក្នុងស្រុក (២)

វគ្គបណ្ដុះបណ្ដាលមានប្រធានបទចំនួនប្រាំមួយ ៖ (១) Hypertension of Adrenal Origin (២) Acute Coronary Syndrome (៣) Standard Care in Diabetes (៤) Acute Cough in Children (៥) Thalassemia (៦)Healthcare Associated Infection: Case Review ។ វាគ្មិនកិត្តិយសរួមមានលោកវេជ្ជបណ្ឌិត Yong Don Lee និងលោកវេជ្ជបណ្ឌិត Ryu Kyu Hyung បេសកជនផ្នែកវេជ្ជសាស្ត្រនៅមជ្ឈមណ្ឌលវេជ្ជសាស្ត្រ ហេប្រុន លោកវេជ្ជបណ្ឌិត Seo Jeong-ho មកពី KOICA និងលោកវេជ្ជបណ្ឌិត Ethan Helm សាស្ត្រាចារ្យរងផ្នែករោគសរីរវិទ្យា នៃសាកលវិទ្យាល័យ វិទ្យាសាស្ត្រសុខាភិបាល។ មជ្ឈមណ្ឌលវេជ្ជសាស្ត្រ ហេប្រុន គ្រោងនឹងបន្តបើកវគ្គបណ្ដុះបណ្ដាលពង្រឹងសមត្ថភាព ដែលជាផ្នែកមួយ នៃកិច្ចខិតខំប្រឹងប្រែងបន្តរបស់ខ្លួន ដើម្បីរួមចំណែកដល់ការអភិវឌ្ឍអ្នកជំនាញផ្នែកសុខាភិបាលនៅកម្ពុជា។

**រូបថតជាក្រុម បន្ទាប់ពីបញ្ចប់វគ្គបណ្ដុះបណ្ដាល**

* មជ្ឈមណ្ឌលវេជ្ជសាស្ត្រហេប្រុន (HMC) បានចាប់ផ្តើមនៅឆ្នាំ ២០០៧ ជាមួយនឹងការបើកគ្លីនិកឥតគិតថ្លៃមួយនៅទីក្រុងភ្នំពេញ ប្រទេសកម្ពុជា។ វាជាមន្ទីរពេទ្យដែលព្យាបាលអ្នកជំងឺប្រហែល ៦០,០០០ នាក់ ជារៀងរាល់ឆ្នាំ ដោយមានគ្រែអ្នកជំងឺចំនួន ១០០ បន្ទប់វះកាត់ចំនួន ៣ និងបន្ទប់ព្យាបាលជំងឺចំនួន ១២ ព្រមទាំងផ្ដល់ការវះកាត់ជំងឺបេះដូង និងមហារីក។ មជ្ឈមណ្ឌលវេជ្ជសាស្ត្រហេប្រុន ខិតខំគាំទ្រដល់សុខភាពអ្នកជំងឺក្រីក្រ ដោយប្រតិបត្តិការការវះកាត់នៅប្រទេសកូរ៉េ ដោយបានអញ្ជើញគ្រូពេទ្យវះកាត់ និងជួយដល់កុមារដែលត្រូវការការវះកាត់បេះដូង តាមរយៈកិច្ចសហប្រតិបត្តិការជាមួយបុគ្គលិកពេទ្យ នៃប្រទេសកូរ៉េ និងកម្ពុជា។ មជ្ឈមណ្ឌលវេជ្ជសាស្ត្រហេប្រុន ក៏បានរួមចំណែកដល់ការបណ្ដុះបណ្ដាលគ្រូពេទ្យជំនាញ ផ្នែកវេជ្ជសាស្ត្រប្រកបដោយនិរន្តរភាព នៃប្រទេសកម្ពុជា តាមរយៈប្រតិបត្តិការ នៃមហាវិទ្យាល័យគិលានុបដ្ឋាយិកា និង Residency Program។

* WITHHEBRON ដែលមានមូលដ្ឋាននៅក្នុងទីក្រុងសេអ៊ូល ប្រទេសកូរ៉េខាងត្បូង គឺជាអង្គការមិនរកប្រាក់ចំណេញសម្រាប់ការអភិវឌ្ឍអន្តរជាតិ ដែលគាំទ្រជាប្រព័ន្ធដល់ប្រតិបត្តិការ និងសកម្មភាពរបស់មជ្ឈមណ្ឌលវេជ្ជសាស្ត្រហេប្រុន Hebron នៅកម្ពុជា ដែលផ្ដល់ការព្យាបាល អាហារូបករណ៍ និងការគាំទ្រផ្នែកថែទាំសុខភាពក្នុងស្រុកសម្រាប់សហគមន៍ដែលខ្វះខាតនៅជុំវិញពិភពលោក៕

Related Topics:KOICA-WITHHEBRON