ព័ត៌មានជាតិ
កម្ពុជា អាចក្លាយជាប្រទេសអភិវឌ្ឍន៍ទៅបាន លុះត្រាយុវជនរៀនជំនាញបច្ចេកទេស និងវិជ្ជាជីវៈ
លោក ហ៊ីង ស៊ីដេត ប្រតិភូរាជរដ្ឋាភិបាលទទួលបន្ទុកជាអគ្គនាយក អគ្គនាយកដ្ឋានអប់រំបណ្ដុះបណ្ដាល បច្ចេកទេស និងវិជ្ជាជីវៈ (TVET) បានអះអាងថា ដើម្បីឲ្យប្រទេសកម្ពុជាក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសមានប្រាក់ចំណូលខ្ពស់នៅឆ្នាំ ២០៥០ ទៅបាន លុះត្រាណាពលរដ្ឋ និងយុវជន រៀនជំនាញបច្ចេកទេស និងវិជ្ជាជីវៈ។
លោកបានប្រាប់កម្ពុជាថ្មីថា ការអប់រំបណ្ដុះបណ្ដាល បច្ចេកទេស និងវិជ្ជាជីវៈ ពិតជាមានសារសំខាន់ណាស់ដល់សេដ្ឋកិច្ចជាតិ ព្រោះថាប្រទេសជាតិមួយមានការរីកចម្រើនទៅបានលុះត្រាតែសម្បូរទៅដោយធនធានមនុស្សដែលមានជំនាញ និងវិជ្ជាជីវៈ សូម្បីតែប្រទេសសាំងហ្គាពួរមានសេដ្ឋកិច្ចជឿនលឿន ក៏យុវជនរៀនខាង TVET ច្រើនជាងរៀននៅតាមឧត្ដមសិក្សាដែរ។
លោក បានអះអាងទៀតថា «ការរៀន TVET ប្រៀបបានបីដូចជាមានធនាគារដាក់តាមខ្លួនអីចឹង ដែលធ្វើដំណើរទៅណាមានការងារធ្វើ និងមានប្រាក់ចាយរហូត ព្រោះថារៀន TVET អនុវត្តច្រើន រៀនទ្រឹស្ដីតិច រៀនចប់ទទួលបានការងារធ្វើភ្លាមៗ ព្រោះទីផ្សារមានតម្រូវការច្រើន»។
លោកអគ្គនាយក បានបញ្ជាក់ថា បច្ចុប្បន្នក្នុង ១ ឆ្នាំៗ មានសិស្សសិក្ខាកាមចូលរៀនជំនាញវិជ្ជាជីវៈប្រមាណ ៩ ម៉ឺននាក់ ហើយពេលចប់ការសិក្សាគេទទួលយកធ្វើការតែម្ដង មានប្រាក់ខែសមរម្យ។ ចំណែកអ្នកមិនចង់ធ្វើការអាចទៅបើកមុខរបរផ្សេងៗទៅតាមជំនាញរៀងៗខ្លួនដោយខ្លួនឯង។
លោកអគ្គនាយក បានឲ្យដឹងទៀតថា ប្រសិនបើទៅថ្ងៃមុខយុវជនមិនមានជំនាញច្បាស់លាស់ទេ នឹងជួបការលំបាកហើយ ព្រោះថាប្រទេសជាតិ ក៏ដូចជាពិភពលោក ត្រូវការធនធានដែលមានជំនាញ និងបច្ចេកទេសកាន់តែខ្ពស់ ឆ្លើយតបតាមឧស្សាហកម្ម និងបច្ចេកវិទ្យាទំនើបៗ។
លោកអគ្គនាយក បានអំពាវនាវដល់សហគមន៍ គ្រួសារសិស្សានុសិស្ស យុវជន ជនងាយរងគ្រោះ និងសាធារណជន ងាកមកចាប់អារម្មណ៍ និងទទួលយកជំនាញបច្ចេកទេស និងវិជ្ជាជីវៈដែលជាជម្រើសដ៏ល្អមួយសម្រាប់ការស្វែងរកឱកាសការងារ និងការបង្កើតមុខរបរដោយខ្លួនឯង ដើម្បីជីវភាពផ្ទាល់ខ្លួនផង និងរួមចំណែកក្នុងការអភិវឌ្ឍសេដ្ឋកិច្ចជាតិផង៕
អត្ថបទ ៖ សំអឿន
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
នាយកដ្ឋានបង្ការពន្លត់អគ្គិភ័យ គ្រោងបំពាក់លេខ Hotline 118 នៅតាមបណ្ដារាជធានី ខេត្ត ទូទាំងប្រទេស ដើម្បីអន្តរាគមន៍ទាន់ពេលវេលា
សហគមន៍មួយក្នុងខេត្តព្រះវិហារដើរតួសំខាន់ក្នុងការដាំម្ទេសខ្មាំង
ក្បាច់គុន «ឥន្ទ្រីពស់» ជាចំណុចរបត់មួយ នាំ ឈិនឡុង ឲ្យក្លាយជាតារាពិភពលោក
ក្រសួងការងារ ប្រកាសតម្រូវការកម្លាំងពលកម្មក្នុងស្រុកជាង ៧ ម៉ឺនកន្លែង បម្រើវិស័យធំៗ ៣
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៧ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៥ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១៧ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»