Connect with us

ព័ត៌មានជាតិ

ក្រុមហ៊ុន Socialyse ភ្នំពេញ​បង្ហាញ​ពី​សក្តានុពល​នៃ​និន្នាការ​ឌីជីថល​សកល​ ដើម្បី​ឆ្លើយតប​តម្រូវការ​ក្នុង​ប្រទេស​កម្ពុជា

បានផុស

នៅ

​សម្រាប់​ការផ្តើម​នៅ​ឆ្នាំ 2021 រឿង​ដំបូង​ដែល Socialyse ភ្នំពេញ​ដែលជា​ក្រុមហ៊ុន​ឌីជីថល​ឈានមុខ​នៅ​កម្ពុជា​បានធ្វើ គឺ​មើល​ឡើងវិញ​នូវ​ការអនុវត្ត​ពេល​អតីតកាល ជាពិសេស​ជាមួយនឹង​និន្នាការ និង​ការផ្លាស់ប្តូរ​នានា​នៅ​ជុំវិញ​ពិភពលោក ដើម្បី​ស្វែងរក​ភាព​ដែល​អាច​អនុវត្ត​បាន​នៅក្នុង​ទីផ្សារ​របស់​យើង​។

ពួកគាត់​ទទួលយក​គ្រប់​សំណួរ​ពី​អតិថិជន និង​ដៃគូ​សហការ ហើយ​បាន​ធ្វើការ​ស្រាវជ្រាវ​យ៉ាង​ស៊ីជម្រៅ រួច​ផ្ទៀងផ្ទាត់​ពី​ប្រភព​ផ្សេងៗ​ក្នុងស្រុក និង​ទូទាំង​សកលលោក ហើយ​ផ្តួចផ្តើម​ជាការ​សិក្សា​ដ៏​សំខាន់​មួយ​ទាក់ទង​នឹង ”​និន្នាការ​ឌីជីថល​ក្នុងប្រទេស​កម្ពុជា និង​ពិភពលោក​”​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការសិក្សា​បង្ហាញ​ឲ្យ​ឃើញថា​អតិថិជន និង​ដៃគូ​សហការ​នឹង​បង្កើន​ការធ្វើផែនការ​ឌីជីថល​ឲ្យ​កាន់​តែមាន​ប្រសិទ្ធភាព​នៅក្នុង​ឆ្នាំ 2021​។ លោក Benjamin Houghton ដែលជា Group Regional Director ប្រចាំ​ក្រុមហ៊ុន Socialyse បាន​មានប្រសាសន៍​ឲ្យ​ដឹងថា “​ក្រុមហ៊ុន Socialyse ភ្នំពេញ​យកចិត្តទុកដាក់​ចំពោះ​អតិថិជន​របស់​យើង​។ យើង​មិនមែន​គ្រាន់តែ​ជា‘​ក្រុមហ៊ុន​ឌីជីថល​’ ហើយ​យើង​ក៏​មិនដែល​ដំណើរការ​តាម​វិធី​នេះដែរ​។ យើង​ជា​ដៃគូ​ជឿជាក់​របស់​អតិថិជន ហើយ​ទំនួល​ខុសត្រូវ​មួយ​របស់​យើង គឺ​ធានាថា​ គ្រប់គ្នា​នឹង​ទទួលបាន​ព័ត៌មាន​ថ្មីៗ ដែល​ជួយ​ឲ្យ​អាជីវកម្ម​រីកចម្រើន និង​ជោគជ័យ​។​

​ជំនួស​ឲ្យ​ការរៀបចំ​ព្រឹត្តិការណ៍​ជួប​មុខ​គ្នា​ផ្ទាល់ (face-to-face event) ការសិក្សា​នាពេល​បច្ចុប្បន្ន​ដែល​បាន​ចែករំលែក​ដោយ​ដៃគូ​សហការ​ក្រុមហ៊ុន Socialyse តាមរយៈ​វីដេអូ​ឌីជីថល​ក្រោម​ប្រធានបទ​ដូចជា​៖

– ​គុណសម្បត្តិ​នៃ​ការចូលរួម​ផ្សព្វផ្សាយ​ពី​តារា​ល្បី និង​ខ្លឹមសារ​របស់ Micro-influencer

– តើ​ទម្រង់​វីដេអូ​វែង​ផ្សព្វផ្សាយ​ពី ‘​ប្រេន​ផលិតផល​’ មាន​ឥទ្ធិពល​នៅលើ​ប្រព័ន្ធ​ផ្សព្វផ្សាយ​ដែរ​ទេ​?

– ​តើ ‘​ខ្លឹមសារ​ឡូយៗ​’ ទាំងអស់​មាន​ឥទ្ធិពល​ពី​បរទេស​មែន​ទេ​?

– ​តើ​ទម្លាប់​ប្រើ​អ៊ីនធឺណិត​បាន​ផ្លាស់ប្តូរ​ព្រោះ​ស្ថានភាព​កូ​វីដមែន​ទេ​?

– តើ​ទីផ្សារ E-commerce កំពុង​ប្រតិបត្តិការ​នៅ​កម្ពុជា​មែន​ទេ​?

​យោងតាម​លោក Ben បាន​ឲ្យ​ដឹងថា ជម្រើស​នៃ​ទម្រង់​វីដេអូ​ផ្សព្វផ្សាយ​ជា​គោលដៅ​ចម្បង សម្រាប់​ឆ្នាំ 2021​។ គាត់​បាន​មានប្រសាសន៍ថា “​កាលពី​ឆ្នាំមុន យើង​បានរៀបចំ​ព្រឹត្តិការណ៍​មួយ​ដែល​យើង​បាន​នាំយក Facebook & Google ជា​លើកដំបូង​មក​ប្រទេស​កម្ពុជា​។ ឆ្នាំនេះ យើង​បត់បែន​តាម​ស្ថានភាព​នៃ​ជំងឺ​កូ​វីដ ហើយ​យើង​បាន​បង្កើត​វីដេអូ​ឌីជីថល​ផ្សេងៗ ដើម្បី​ឆ្លើយតប​ទៅនឹង​សំណួរ​ដែល​យើង​ទទួលបាន​ពី​អតិថិជន​។ យើង​រួមបញ្ចូល​ទាំង​ការសិក្សា​ស្រាវជ្រាវ ការវិភាគ​ទិន្នន័យ និង​បទសម្ភាសន៍​ជាមួយ​អ្នកជំនាញ ដើម្បី​ផលិត​វីដេអូ​នេះ​ឡើង ដែល​បាន​ថត​នៅក្នុង​ស្ទូ​ឌី​យ៉ូ​ដោយ​ក្រុម​អ្នកជំនាញ​ឌីជីថល​របស់​យើង​ផ្ទាល់​។​”

​ក្រៅពី​ចែករំលែក​ខ្លឹមសារ​ទាក់ទង​ឌីជីថល​ដ៏​សំខាន់​នេះ ក្រុមហ៊ុន Socialyse ក៏​យក​ឱកាស​នេះ​ដើម្បី​ធ្វើ​ឲ្យ​កាន់តែ​ប្រសើរ​នូវ​ការពង្រឹង​ចក្ខុវិស័យ​របស់ខ្លួន​នៅក្នុង​ឆ្នាំ 2021 ជាមួយ​ការ​រចនា​

​ឡូហ្គោ​ថ្មី និង​ការិយាល័យ​ធ្វើការ​ថ្មី​។ គាត់​បាន​បន្ថែមទៀតថា “​យើង​បាន​ប្រើ​ឡូហ្គោ​តាម​ក្រុមហ៊ុន Socialyse សកល​នៅក្នុង​ការិយាល័យ​របស់​យើង ដើម្បី​ភាពស្រស់​ស្រាយ​ទាក់ទាញ​នៅក្នុង​ឆ្នាំ 2021​។ ឡូហ្គោ​ថ្មី​នេះ​នឹង​ជួយ​ឲ្យ​យើង​មាន​ភាពរហ័សរហួន និង​អាច​បត់បែន រំលេច ពណ៌​ចម្រុះ​បង្កប់​ដោយ​ភាព​ឆ្លាត​វៃ ហើយ​នេះ​ជាការ​ងារ​ដែល​យើង​ធ្វើ​នៅពេល​យុទ្ធនាការ​របស់​យើង​សម្រប​តាម​ទស្សនិកជន​ដែលមាន​ចំណេះដឹង​។

​នៅពេលដែល​វីដេអូ​អំពី​និន្នាការ​ឌីជីថល​ត្រូវបាន​បញ្ជូនទៅ​អតិថិជន​របស់​ក្រុមហ៊ុន Socialyse ពួកយើង​នៅតែ​បើកចំហ​សម្រាប់​ការចែករំលែក​បន្ត​។ កិច្ចការ​ទាំងនេះ​អាចធ្វើ​បាន​ដោយ​ទាក់ទង​ក្រុមហ៊ុន Socialyse តាមរយៈ​អ៊ីមែល​៖ [email protected]

​អំពី​ក្រុមហ៊ុន Havas Socialyse

Havas Socialyse ជា​ក្រុមហ៊ុន​ចុងក្រោយ​នៃ​បណ្តាញ​អ្នកជំនាញ​ឌីជីថល​របស់​ក្រុមហ៊ុន Socialyse សកល ដែលមាន​ការិយាល័យ​បម្រើការ 39 កន្លែង និង​ប្រតិបត្តិការ​នៅក្នុង 80 ប្រទេស​។ ជាមួយ​ការផ្តល់ជូន​នូវ​សេវាកម្ម​ឌីជីថល 360 ដឺ​ក្រេ ក្រុមហ៊ុន Havas Socialyse មាន​បុគ្គលិក​ចម្រុះ​ជាតិ​សាសន៍​ពោរពេញ​ដោយ​សមត្ថភាព និង​ទេពកោសល្យ ដែល​បង្កើន​លទ្ធភាព​ដំណើរការ​តាម​ក្រុមហ៊ុន Havas និង​ក្រុមហ៊ុន​ដៃគូ​សហការ Vivendi Group ជាស​កល​៕

អត្ថបទពាណិជ្ជកម្ម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម