ព័ត៌មានជាតិ

ការចុះបញ្ជីដីធ្លីទូទាំងប្រទេសសម្រេចបានជាង ៩៨ ភាគរយ

បានផុស

២ years មុន

នៅ

ថ្ងៃសុក្រ ២៣ មិថុនា ២០២៣

ដោយ

មន្ត្រីក្រសួងដែនដីនគរូបនីយកម្មនិងសំណង់បានឲ្យដឹងថា ការចុះបញ្ជីដីធ្លីទូទាំងប្រទេសសម្រេចបានជាង ៩៨ ភាគរយ នៃចំនួនក្បាលដីប៉ាន់ស្មានចំនួន ៧ លានក្បាលដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡៅ ទិព្វសីហា រដ្ឋលេខាធិការក្រសួងដែនដី នគរូបនីយកម្មនិងសំណង់បានបញ្ជាក់ថា ការចុះបញ្ជីដីមានលក្ខណៈជាប្រព័ន្ធសម្រេចបាន ៦ ២៤០ ៣៦១ បណ្ណ និងការចុះបញ្ជីដីមានលក្ខណៈដាច់ដោយដុំសម្រេចបាន ៦២៨ ២០៦ បណ្ណសរុបស្មើនឹង ៩៨,១% នៃចំនួនក្បាលដីប៉ាន់ស្មានដំបូង ៧ លានក្បាលដីទូទាំងប្រទេស។

លោកបន្តថា វិស័យរៀបចំដែនដីនិងនគរូបនីយកម្មនិងសំណង់ ត្រូវបានចាត់ទុកជាមូលដ្ឋានមួយដ៏សំខាន់សម្រាប់ការគ្រប់គ្រងនិងជំរុញការអភិវឌ្ឍន៍ប្រកបដោយចិរភាព។

ដោយឡែកទាក់ទងវិស័យសំណង់វិញ លោករដ្ឋលេខាធិការបានបញ្ជាក់ថា រយៈពេល ៥ ខែ ឆ្នាំ ២០២៣ ក្រសួងបានផ្តល់លិខិតអនុញ្ញាតសាងសង់សំណង់ចំនួន ១៤៦៣ គម្រោង លើទុនវិនិយោគជាង ២២៧០ លានដុល្លារអាមេរិកពោលគឺបានកើនឡើង ១៣៨ ភាគរយ បើធៀបរយៈពេលដូចគ្នាកាលពីឆ្នាំ ២០២២។

លោកបានអះអាងបន្ថែមថា បើតាមការប៉ាន់ស្មានតម្រូវការលំនៅដ្ឋាននៅប្រទេសកម្ពុជាក្នុងមួយឆ្នាំមានប្រមាណ ៨០ ម៉ឺនខ្នង។ ដោយឡែកនៅរាជធានីភ្នំពេញគិតជាមធ្យមមានប្រមាណ ៥ ម៉ឺនខ្នងក្នុងមួយឆ្នាំ៕

Related Topics:លោក ឡៅ ទិព្វសីហា