ព័ត៌មានជាតិ

អភិបាលខេត្តបាត់ដំបង ណែនាំឲ្យកាយដីចាក់ទប់ធ្វើច្រាំងស្ទឹងចេញឲ្យអស់

បានផុស

២ years មុន

នៅ

ថ្ងៃសៅរ៍ ២៤ មិថុនា ២០២៣

ដោយ

ក្រោយមានប្រតិកម្មពីមហាជនលើសំណង់មួយកន្លែងសង់លយនៅលើច្រាំងដងស្ទឹងសង្កែ អភិបាលខេត្តបាត់ដំបងបានចាត់ឲ្យអ្នកជំនាញចុះទៅពិនិត្យទីតាំងជាក់ស្តែងដើម្បីពិនិត្យវាយតម្លៃបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយបញ្ចប់ការដឹកនាំកិច្ចប្រជុំកាលពីម្សិលមិញនេះ លោក សុខ លូ អភិបាលខេត្តបាត់ដំបងបានបញ្ជាឲ្យអាជ្ញាធរចុះទៅពិនិត្យទីតាំងសំណង់អគារដែលសង់តាមមាត់ច្រាំងស្ទឹងសង្កែ ក្រោយមានប្រតិកម្មពីមហាជនដោយចោទសាងសង់ខុសបច្ចេកទេសរំលោភប៉ះពាល់ដល់ដីចំណីមាត់ស្ទឹង។

បើតាមមន្រ្តីអាជ្ញាធរដែលបានចុះទៅពិនិត្យបានបញ្ជាក់ថា សំណង់អគារនេះសាងសង់ស្ថិតនៅលើដីកម្មសិទ្ធិរបស់គេ។ ការធ្វើច្រាំងស្ទឹងគឺតាមលំនាំនិងតាមដំណេកស្ទឹងពីធម្មជាតិ។ យ៉ាងណាមិញ អ្វីដែលនៅខ្វះខាតគឺម្ចាស់សំណង់មិនទាន់កាយដីដែលចាក់ទប់ធ្វើច្រាំងស្ទឹងចេញអស់នៅឡើយ។ ចំណុចនេះលោកអភិបាលខេត្តបានឯកភាពណែនាំឲ្យកាយចេញឲ្យអស់ឲ្យដូចស្ថានភាពដើមនិងឲ្យបានលឿនមុនទឹកឡើង។

បើតាមការពិនិត្យបន្ថែមរបស់អាជ្ញាធរ បើមើលពីត្រើយម្ខាងសំណង់សសរខាងក្រោមដែលសង់លយចូលចំណីស្ទឹង អាចបង្កឲ្យស្ទះចរន្តទឹកតិចតួចដែរនៅពេលខែទឹកឡើង។ ដោយអនុវត្តតាមការណែនាំពីអាជ្ញាធរ ម្ចាស់ដីក៏យល់ព្រមដោយស្ម័គ្រចិត្តយកចេញវេរ៉ង់ដាដែលបានធ្វើលើច្រាំងស្ទឹងចេញ៕

Related Topics:លោក សុខ លូ