ព័ត៌មានជាតិ

ឃុំខ្លួនបុរសនីហ្សេរីយ៉ាម្នាក់ ពាក់ព័ន្ធអំពើឆបោកតាមវីង

បានផុស

៤ years មុន

នៅ

ថ្ងៃចន្ទ ២៥ មករា ២០២១

ដោយ

ចៅក្រមស៊ើបសួរសាលាដំបូងរាជធានីភ្នំពេញ លោក កើត សាំង នារសៀលថ្ងៃទី ២៥មករា ឆ្នាំ២០២១ បានចេញដីកាសម្រេចឃុំខ្លួនបុរសជនជាតិនីហ្សេរីយ៉ាម្នាក់ ដាក់ពន្ធនាគារបណ្ដោះអាសន្ន ក្រោមការចោទប្រកាន់ពីបទឆបោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនត្រូវចោទឈ្មោះ okeke ikchukwu ភេទប្រុស អាយុ៣៩ឆ្នាំ ជនជាតិនីហ្សេរីយ៉ា ស្នាក់នៅផ្ទះលេខ ២១បេ សង្កាត់ផ្សារដើមថ្កូវ ខណ្ឌចម្ការមន ត្រូវបានតុលាការសម្រេចដាក់ឲ្យស្ថិតក្រោមការត្រួតពិនិត្យតាមផ្លូវតុលាការពីបទ « ឆបោក » ប្រព្រឹត្តនៅរាជធានីភ្នំពេញកាលពីអំឡុងថ្ងៃ២១មករា ឆ្នាំ២០២១ តាមបញ្ញត្តមាត្រា ២៧៧ មាត្រា ៣៧៨ នៃក្រមព្រហ្មទណ្ឌ ។

សមត្ថកិច្ចអាវុធហត្ថបានចាប់ខ្លួនជនសង្ស័យកាលពីថ្ងៃទី ២១មករា ឆ្នាំ២០២១ ក្រោយពីជននេះបានប្រព្រឹត្តអំពើឆបោកមួយតាមរយៈកន្លែងផ្ញើប្រាក់វីង ហើយបានបញ្ជូនមកតុលាការកាលពីថ្ងៃអាទិត្យទី ២៤មករា។ ក្នុងនោះ ក្រោយពីបានធ្វើការសាកសួរ លោក សំម ឬទ្ធីវាសនា ព្រះរាជអាជ្ញារងនៃអយ្យការអមតុលាការបាមសម្រេចចោទប្រកាន់លោក okeke ikchukwu ពីបទឆបោក ហើយបញ្ជូនជនត្រូវចោទឲ្យចៅក្រមសើបសួរចាត់ការបន្តបន្ទាប់រហូតដល់ចេញដីកាសម្រេចឃុំខ្លួននេះ ៕

អត្ថបទ៖ មករា

សូមចុចអាន៖ ទំនិញខូចគុណភាពជិត១តោន ត្រូវបានកម្លាំងជំនាញធ្វើការដុតកម្ទេចចោល

Related Topics:សាលាដំបូងរាជធានីភ្នំពេញ