សម្ដេចតេជោ ហ៊ុន សែន ៖ កំពង់ស្ពឺ អាចទទួលបានការវិនិយោគបន្ថែមលើផ្នែកកសិឧស្សាហកម្ម និងផ្នែកបច្ចេកវិទ្យានានា

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ខេត្តកំពង់ស្ពឺ នឹងអាចទទួលបានការវិនិយោគបន្ថែម ទៅលើផ្នែកកសិឧស្សាហកម្ម និងផ្នែកបច្ចេកវិទ្យានានា។ ការលើកឡើងរបស់សម្ដេចតេជោ ហ៊ុន សែន ធ្វើឡើងក្នុងជួបសំណេះសំណាលជាមួយកម្មករ-និយោជិត នៅក្រុងច្បារមន និងស្រុកសំរោងទង ខេត្តកំពង់​ស្ពឺ នាព្រឹកថ្ងៃទី ២៧ ខែមិថុនា ឆ្នាំ ២០​២៣។

សម្ដេចតេជោ ហ៊ុន សែន បានថ្លែងដោយមិននឹកស្មានថា ខេត្តកំពង់ស្ពឺក្លាយជាខេត្តទីពីរបន្ទាប់ពីភ្នំពេញ ដែលមានរោងចក្រច្រើនជាងគេនោះទេ។ ក្រៅពីរោងចក្រកាត់ដេរ ខេត្តកំពង់ស្ពឺ ក៏នឹងអាចទទួលបានការវិនិយោគបន្ថែម ទៅលើផ្នែក​កសិឧស្សាហកម្ម និងផ្នែកបច្ចេកវិទ្យា ជាដើម។

សម្ដេចតេជោ ហ៊ុន សែន ថ្លែងបែបនេះថា «នៅមានទៀត ផ្នែកកសិឧស្សាហកម្ម និងផ្នែកបច្ចេកវិទ្យានានា នឹងអាចមកទៀត ប៉ុន្មានថ្ងៃមុន វ៉ី សំណាង (អភិបាលខេត្តកំពង់ស្ពឺ) បានទៅហុងកុង ដើម្បីទាក់ទាញវិនិយោគពីទីនោះ មកកាន់នេះបន្ថែមទៀតៗ»៕