ព័ត៌មានជាតិ

CDC អនុម័តជាផ្លូវការលើគម្រោងវិនិយោគថ្មីចំនួន ៩ មានទុនជាង ៥០ លានដុល្លារ

បានផុស

២ years មុន

នៅ

ថ្ងៃអង្គារ ២៧ មិថុនា ២០២៣

ដោយ

គម្រោងវិនិយោគថ្មីចំនួន ៩ មានទុន ៥៤,៨ លានដុល្លារអាមេរិក ត្រូវបានក្រុមប្រឹក្សាអភិវឌ្ឍន៍កម្ពុជា (CDC) អនុម័តជាផ្លូវការ ដោយអាចបង្កើតការងារជូនប្រជាពលរដ្ឋបានប្រមាណ ១៣៨៤៩ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ប្រចាំថ្ងៃរបស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គម្រោងវិនិយោគថ្មីទាំង ៩ នេះ រួមមាន៖

១-ក្រុមហ៊ុន“ KITCHEN BRIGHTS (CAMBODIA) INDUSTRIAL CO., LTD”

ជាគម្រោងបង្កើតរោងចក្រផលិតសម្ភារៈផ្ទះបាយ ដែលមានទីតាំងវិនិយោគស្ថិតនៅភូមិបន្លាស្អិត ឃុំរលាំងចេក ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៩,៧ លានដុល្លារអាមេរិក និងអាចបង្កើតការងារបានចំនួន ១.៤១៤កន្លែង។

២-ក្រុមហ៊ុន“FRESH SOURCE INTERNATIONAL (CAMBODIA) CO., LTD”

គម្រោងបង្កើតរោងចក្រផលិតអំពូលភ្លើងគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ ៣ ភូមិចមពល ឃុំពពេល ស្រុកត្រាំកក់ ខេត្តតាកែវ ក្នុងទុនវិនិយោគចំនួន ៦ លានដុល្លារអាមេរិក និងអាចបង្កើតការងារបាន ៤៦៥ កន្លែង។

៣-ក្រុមហ៊ុន“YANGJIE OUTDOOR MANUFACTURING (CAMBODIA) CO., LTD”

គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ ក្នុងទុនវិនិយោគចំនួន ៥,២ លានដុល្លារអាមេរិក និងអាចបង្កើតការងារបានចំនួន ១.៥៣១ កន្លែង។

៤-ក្រុមហ៊ុន“X J X INDUSTRIAL CO., LTD”

គម្រោងបង្កើតរោងចក្រផលិតគ្រឿងបន្សំសំលៀកបំពាក់ ស្បែកជើង និងកាបូប ដែលមានទីតាំងវិនិយោគស្ថិតនៅភូមិអង្គសុគន្ធា ឃុំមហាឫស្សី ស្រុកគងពិសី ខេត្តកំពង់ស្ពឺ ក្នុងទុនវិនិយោគចំនួន ៥,២ លានដុល្លារអាមេរិក និងអាចបង្កើតការងារបានចំនួន ៤៨៥ កន្លែង។

៥-ក្រុមហ៊ុន“CAMBODIAN XIN HUANG MING GARMENT CO.,LTD”

គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅសួនឧស្សាហកម្មកាណាស៊ីធី ផ្លូវវេងស្រេង ភូមិត្រពាំងថ្លឹង ២ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគចំនួន ៥,១ លានដុល្លារអាមេរិក ព្រមទាំងអាចបង្កើតការងារបានប្រមាណ ១.១៤១ កន្លែង។

៦-ក្រុមហ៊ុន”L&G PACKAGING MATERIALS CO., LTD”

គម្រោងបង្កើតរោងចក្រផលិតក្រដាសទ្រនាប់ពុម្ព (សំលៀកបំពាក់-ស្បែកជើង-កាបូប) ក្រដាសម៉ាកឃឺ និងក្រដាសវេច ខ្ចប់ ដែលមានទីតាំងវិនិយោគស្ថិតនៅភូមិព្រៃបឹង ឃុំបែកចាន ស្រុកអង្គស្នួល ខេត្តកណ្ដាល ក្នុងទុនវិនិយោគចំនួន ៥,១ លានដុល្លារអាមេរិក និងអាចបង្កើតការងារបានចំនួន ៦៤៧ កន្លែង។

៧-ក្រុមហ៊ុន“OPTIMA GARMENT (CAMBODIA) CO., LTD”

គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅផ្លូវជាតិលេខ ២ ភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ ក្នុងទុនវិនិយោគចំនួន ៥,១ លានដុល្លារអាមេរិក និងអាចបង្កើតការងារបានចំនួន ១.២២៦ កន្លែង។

៨- ក្រុមហ៊ុន“LINGRICH BICYCLE (CAMBODIA) CO., LTD.”

គម្រោងបង្កើតរោងចក្រផលិតទោចក្រយាន ទោចក្រយានអគ្គិសនី គ្រឿងបង្គំទោចក្រយាន និងគ្រឿងបន្លាស់ទោចក្រយានគ្រប់ប្រភេទ ដែលមានទីតាំងវិនិយោគ ស្ថិតនៅក្នុងតំបន់សេដ្ឋកិច្ចពិសេស តាយសេង បាវិត ខេត្តស្វាយរៀង ក្នុងទុនវិនិយោគប្រមាណ ៧,២ លានដុល្លារអាមេរិក និងអាចបង្កើតការងារបានចំនួន ៦.២៥០ កន្លែង។

៩-ក្រុមហ៊ុន “LATIDO ELECTRICAL CO., LTD.”

គម្រោងបង្កើតរោងចក្រផលិតគ្រឿងអគ្គិសនី និងគ្រឿងបង្គំបរិក្ខារអគ្គិសនីគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ហាយ-ផាក ខេត្តស្វាយរៀង ក្នុងទុនវិនិយោគប្រមាណ ៦,២ លានដុល្លារអាមេរិក និងអាចបង្កើតការងារបានចំនួន ៦៩០ កន្លែង។

គួរបញ្ជាក់ថា នៅក្នុងខែឧសភា ឆ្នាំ ២០២៣ កន្លងទៅនេះ CDC បានអនុម័តគម្រោងវិនិយោគចំនួន ១០ ក្រុមហ៊ុន មានទុនវិនិយោគចំនួន ៦០,១៤ លានដុល្លារ ដោយផ្ដល់ឱកាសការងារជូនប្រជាពលរដ្ឋចំនួន ១៣៩៨៧ កន្លែង៕

អត្ថបទ ៖ សំអឿន

Related Topics:ទុនវិនិយោគ