ព័ត៌មានជាតិ

អតីតសកម្មជនបក្សភ្លើងទៀន២គ្រួសារនៅឃុំតាំងក្រាំង ស្រុកបាធាយ សម្រេចផ្ដួលស្លាកបក្សភ្លើងទៀនចេញពីមុខផ្ទះ

បានផុស

១ year មុន

នៅ

ថ្ងៃអង្គារ ២៧ មិថុនា ២០២៣

ដោយ

កំពង់ចាម ៖ គ្រួសារអតីតសកម្មជនបក្សភ្លើងទៀនចំនួន២គ្រួសារ បានសម្រេចចិត្តចូលរួមជីវភាពជាមួយគណបក្សប្រជាជនកម្ពុជាវិញ ខណៈពេលនេះពួកគាត់អស់ជំនឿជឿលើមេដឹកនាំបោកប្រាស់រត់ចោលស្រុកទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្លាកបក្សភ្លើងទៀន ត្រូវសកម្មជនទម្លាក់ចេញពីមុខផ្ទះជាបន្តបន្ទាប់ ដោយពួកគេ អស់ជំនឿ និងលែងគាំទ្រទៀតហើយ ជាក់ស្ដែង នៅព្រឹក ថ្ងៃទី២៧ ខែមិថុនា ឆ្នាំ២០២៣ លោកស្រី ចិន ធារ៉ា អាយុ៣២ឆ្នាំ រួមនឹងគ្រួសារសម្រេចចិត្តដកស្លាកគណបក្សភ្លើងទៀនចេញពីមុខផ្ទះ ព្រោះអីពួកគាត់ឈប់គាំទ្រនិងជឿជាក់លើគណបក្សមួយនេះហើយ។

ចំណែក លោកស្រី សោម អយ អាយុ៦០ឆ្នាំ និងគ្រួសារក៏បានសម្រេចចិត្តផ្តួលរលំស្លាកគណបក្សភ្លើងទៀនចេញពីមុខផ្ទះដែរ ដោយលោកស្រីបញ្ជាក់ថា មេដឹកនាំគណបក្សភ្លើងទៀននេះគឺលោក សម រង្សី ប្រើប្រាស់នយោបាយបោកប្រាស់ប្រជាពលរដ្ឋ ពោលគឺ ញុះញង់ឲ្យខ្មែរស្អប់ខ្មែរ និងមិនដែលគិតគូរសុខទុក្ខសកម្មជនខ្លួនឡើយ។ ដូច្នោះអតីតសកម្មជនទាំង២គ្រួសារស្ម័គ្រចិត្តចូលរួមជីវភាពជាមួយគណបក្សប្រជាជនកម្ពុជាចាប់ពីពេលនេះតទៅ៕

អត្ថបទ និង រូបភាព ៖ ឡេក ចាន់ពេជ្រ