លោកគ្រូវិទ្យាល័យច្បារអំពៅសំរាកម៉ោងសិក្សាយកផ្លែទុរេនមកលក់ដើម្បីជីវភាព

ពិតជាគួរឲ្យកោតសសើរខ្លាំងណាស់ដែលលោកគ្រូវិទ្យាល័យច្បារអំពៅបានយកពេលសម្រាកបង្រៀនសិស្សដឹកផ្លែធុរេនមកលក់ដើម្បីផ្គត់ផ្គង់ជីវភាព។

យោងតាមប្រភពផ្ទាល់ពីលោកគ្រូ សួង សារឿន អាយុ៥៨ ឆ្នាំ ជាគ្រូវិទ្យាល័យច្បារអំពៅមានទីលំនៅភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញបានឲ្យដឹងថា លោកគ្រូឆ្លៀតពេលសម្រាកពីការបង្រៀនសិស្សបាននាំយកផ្លែទុរេនមកដាក់លក់នៅក្បែរសាលាខណ្ឌច្បារអំពៅដើម្បីផ្គត់ផ្គង់ជីវភាពក្នុងគ្រួសារ។ ចំពោះផ្លែទុរេននេះគឺលោកគ្រូបេះ​ពីចម្ការផ្ទាល់ខ្លួនរបស់លោកគ្រូនៅឯខេត្តកំពត។

លោកគ្រូ សួង សារឿន បានបញ្ជាក់ទៀតថាចំការរបស់លោកមានដើមប្រមាណជា៥០០ដើមហើយផលកម្រៃពីទុរេននេះគឺគួរសមខ្ទង់មុឺនដុល្លារ។ ឯការចំណាយវិញគឺត្រូវផ្គត់ផ្គង់ទៅកម្មករថែចំការចំនួន៤នាក់ក្នុងៗ ២០០ ដុល្លាររួមទាំងបាយទឹក៣ពេល។

ក្នុងនោះលោកគ្រូ សួង សារឿន បានថ្លែងអំណរគុណដល់អតិថិជន ជាច្រើនដែលតែងតែជួយទិញផ្លែធុរេនរបស់លោកយកទៅពិសារព្រោះផ្លែធុរេននេះមិនប្រើប្រាស់ជីគីមីដោយប្រើតែលាមកមាន់និងសត្វប្រចៀវប៉ុណ្ណោះ។

អ្វីដែលគួរឲ្យកត់សម្គាល់នោះគឺលោកគ្រូ សួង សារឿន បានប្រើប្រាស់មធ្យោបាយដឹកផ្លែទុរេនមកលក់គឺរថយន្តលុចស៊ីស​៣៣០ ដ៏ទំនើបទៀតផង៕

អត្ថបទ៖ នរា