ព័ត៌មានជាតិ
គ.ជ.ប ចេញសេចក្ដីណែនាំ ស្តីពី ការអនុញ្ញាតឲ្យភ្នាក់ងារសន្តិសុខបោះឆ្នោត ចូលទៅបោះឆ្នោតនៅការិយាល័យបោះឆ្នោត
គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីណនាំ ស្តីពី ការអនុញ្ញាតឲ្យភ្នាក់ងារសន្តិសុខបោះឆ្នោត ចូលទៅបោះឆ្នោតនៅការិយាល័យបោះឆ្នោត សម្រាប់ការបោះឆ្នោតជ្រើសតាំង តំណាងរាស្ត្រ នីតិកាលទី ៧ ឆ្នាំ ២០២៣។

សេចក្ដីណែនាំ បានឲ្យដឹងថា ក្នុងគោលបំណងឲ្យភ្នាក់ងារសន្តិសុខបោះឆ្នោត ដែលការពារនៅតាមការិយាល័យបោះឆ្នោត និងរាប់សន្លឹកឆ្នោត បានទៅបោះឆ្នោតគ្រប់ៗគ្នា នៅតាមការិយាល័យបោះឆ្នោតរបស់ខ្លួន និងឆាប់បានមកការពារ តាមគោលដៅរបស់ខ្លួនវិញ គណៈកម្មាធិការជាតិរៀបចំការបោះឆ្នោត (គ.ជ.ប) បានណែនាំដូចខាងក្រោម៖
-ភ្នាក់ងារសន្តិសុខបោះឆ្នោតទាំងអស់ ដែលស្ថិតក្នុងឯកសណ្ឋានតាមប្រភេទនៃកងកម្លាំងនីមួយៗ និងមានពាក់ប្រឡង់ដៃសន្តិសុខបោះឆ្នោត ដែលផ្តល់ដោយ គ.ជ.ប ត្រូវបានអនុញ្ញាតឲ្យចូលបោះឆ្នោត នៅការិយាល័យបោះឆ្នោត ដែលសាមីខ្លួនមានឈ្មោះក្នុងបញ្ជីបោះឆ្នោត។ ប៉ុន្តែមិនអនុញ្ញាតឲ្យយកអាវុធចូលក្នុងការិយាល័យបោះឆ្នោតឡើយ ហើយពេលបោះឆ្នោតរួចត្រូវប្រញាប់ទៅកាន់គោលដៅដែលខ្លួនត្រូវការពារវិញ។
-ភ្នាក់ងារសន្តិសុខបោះឆ្នោត ដែលត្រូវទៅបោះឆ្នោតនៅការិយាល័យឆ្ងាយពីកន្លែងគោលដៅការពារ ត្រូវរើសពេលដែលមិនសូវមានប្រជាពលរដ្ឋមកបោះឆ្នោត ដោយត្រូវប្តូរវេនគ្នាចេញទៅបោះឆ្នោត ហើយមិនត្រូវទុកគោលដៅការពារគ្មានភ្នាក់ងារសន្តិសុខបោះឆ្នោតទេ។
-ប្រធានគណៈកម្មការការិយាល័យបោះឆ្នោត (គ.ក.ប) ត្រូវជួយសម្របសម្រួលឲ្យភ្នាក់ងារសន្តិសុខបោះឆ្នោត ចូលទៅបោះឆ្នោតឲ្យបានលឿន ដើម្បីឆាប់បានវិលមកកាន់គោលដៅ ដែលត្រូវការពារវិញ៕
អត្ថបទ ៖ សួស សិត


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ