ព័ត៌មានជាតិ
រំលឹកឆ្នាំ ២០២០ យានដ្រូនមួយធ្លាក់ដោយអាថ៌កំបាំងក្បែរផ្ទះពលរដ្ឋក្នុងខេត្តកោះកុង
កាលពីឆ្នាំ ២០២០ យានដ្រូនមួយត្រូវបានប្រជាពលរដ្ឋប្រទះឃើញធ្លាក់ដោយអាថ៌កំបាំង និងបានរាយការណ៍ទៅសមត្ថកិច្ចដើម្បីចុះស្រាវជ្រាវកំណត់អត្តសញ្ញាណ។
យានដ្រូននេះមានទំហំធំប្រវែងបណ្តោយ ៥ ម៉ែត្រ ទទឹងស្លាបប្រវែង ៤,៨៥ ម៉ែត្រ សរុបទំហំជិត ១០ ម៉ែត្រ។ នៅលើយាន មានបញ្ជាក់លេខសម្គាល់ ១៧០១០០២។
យន្តហោះគ្មានមនុស្សបើកនេះ ត្រូវបានប្រជាពលរដ្ឋរស់នៅភូមិកាយ ឃុំកោះស្តេច ស្រុកគីរីសាគរ ខេត្តកោះកុង ប្រទះឃើញកាលពីវេលាម៉ោង ៦ ល្ងាច ថ្ងៃទី១៦ ខែមករា ឆ្នាំ២០២០ នៅលើវាលស្មៅក្បែរផ្ទះ។
ក្រោយមានការប្រទះឃើញយន្តហោះដ្រូនខ្នាតធំ ១ គ្រឿង ធ្លាក់នៅវាលព្រៃមួយកន្លែងក្បែរផ្ទះសម្បែងពលរដ្ឋ ក្នុងភូមិពាមកាយ ឃុំកោះស្តេច ស្រុកគិរីសាគរ ក្រុមការងារជំនាញនៅតែមិនទាន់អាចកំណត់អត្តសញ្ញាណបាននៅឡើយទេ។
ដើម្បីបង្ការសុវត្ថិភាពផងនោះអាជ្ញាធរ បានស្នើសុំទៅមន្ត្រីអង្គភាពស៊ីម៉ាកមកជួយពិនិត្យស្វែងរកសារធាតុជាតិផ្ទុះដ្រូននេះក្រែងផ្ទុកដោយគ្រឿងផ្ទុះណាមួយដើម្បីការពារសុវត្ថិភាព។ ក្រុមស៊ីម៉ាកបានចុះទៅពិនិត្យមើលដ្រូននោះពិនិត្យឃើញថាគ្មានជាតិផ្ទុះនៅក្នុងដ្រូននោះទេ។
នៅលើគណនីហ្វេសប៊ុកលោក ខៀវ កាញារីទ្ធ រដ្ឋមន្រ្តីក្រសួងព័ត៌មានបានបញ្ជាក់ថា ក្រុមការងារនៃអគ្គបញ្ជាការក្រសួងការពារជាតិបានកាត់ដ្រូននោះជាបំណែកៗដឹកយកទៅទីបញ្ជាការកងទ័ពនៅឯភ្នំពេញ ដើម្បីពិនិត្យនិងវិភាគបន្តទៀត។
លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) នៅលើហ្វេសប៊ុកផេកនៅថ្ងៃសៅរ៍ទី ១៨ ខែមករា ឆ្នាំ២០២០ បានឲ្យដឹងថា ដ្រូនដែលធ្លាក់នៅខេត្តកោះកុងជាប្រភេទដ្រូនខ្នាតធំ ដែលចុះចតប្រើឆត្រយោង។
យ៉ាងណាមិញមកដល់ពេលនេះ មន្រ្តីពាក់ព័ន្ធមិនទាន់បញ្ជាក់ចំពោះដ្រូនដែលធ្លាក់ជារបស់អ្នកណា មកពីណា និងដើម្បីអ្វីនោះ ដោយសារប៉ះពាល់ដល់សន្តិសុខជាតិ។
បើតាមការសន្និដ្ឋានដ្រូនដែលធ្លាក់នេះទំនងជាដ្រូនស៊ើបការណ៍។ តាមប្រភពអះអាងថា ដ្រូននេះប្រភេទ IAI Searcher មានតម្លៃប្រមាណជា ៦ លានដុល្លារក្នុងមួយគ្រឿង អាចហោះនិងថតរូបក្នុងចម្ងាយ ៣០០ គម និងកម្ពស់ហោះ ៦,១០០ មែត្រ។
ដោយឡែកកាលពីឆ្នាំ ២០១៨ ក៏មានបំណែកដែកដ៏ធំមួយដែលគេសង្ស័យថាជាយានដ្រូន បានធ្លាក់មកលើដីនៅជិតតំបន់ប្រាសាទព្រះវិហារ បន្ទាប់ពីគេបានឮសំឡេងផ្ទុះយ៉ាងខ្លាំងនៅលើអាកាស។ ហេតុការណ៍នេះបានកើតឡើងនៅវេលាម៉ោងប្រមាណជាង ៦ ព្រឹក ថ្ងៃទី២៥ ខែតុលា ឆ្នាំ ២០១៨ បង្កឲ្យមានការភ្ញាក់ផ្អើលដល់ទាហាន និងប្រជាពលរដ្ឋនៅតំបន់នោះ។
លោក ឈុំ សុជាតិ អ្នកនាំពាក្យក្រសួងការពារជាតិបានបញ្ជាក់ថា បំណែកដែលធ្លាក់នោះអាចជាបំណែកដ្រូន ឬយន្តហោះស៊ើបការណ៍គ្មានមនុស្សបើក។ យ៉ាងណាលោកនៅមិនទាន់សន្និដ្ឋានថាជាករណីអ្វីនៅឡើយទេ ខណៈក្រុមជំនាញបន្តស្រាវជ្រាវ៕
កុមារា អាយុ ៩ឆ្នាំម្នាក់ លង់ទឹកស្លាប់នៅស្រុកឆ្លូង
សំណាកចំណីអាហារ១២មុខ ត្រូវបានមន្ត្រីជំនាញពិនិត្យរកសារធាតុហាមឃាត់
អបអរសាទរ! U20 កម្ពុជា បានឈ្នះ បារ៉ែន បង្កើតក្តីសង្ឃឹមឡើងវគ្គបន្ត
តុលាការកាត់ទោសបុរសស្រវឹងបើករថយន្តបុកមនុស្សស្លាប់៤នាក់នៅស្ពានអាកាសឬស្សីកែវ ឱ្យជាប់ពន្ធធនាគា៥ឆ្នាំ
លោក លី ធុជ៖ សម្ដេចធិបតី ជាមេដឹកនាំសកម្មក្នុងការអំពាវនាវឱ្យបណ្តាប្រទេសនានាគាំទ្រដល់អនុសញ្ញាអូតាវ៉ា
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
លោក លៀក លីដា បង្ហាញការខកចិត្តចំពោះការរិះគន់របស់ Allan
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ម្ចាស់ផលិតកម្ម LD ប្រកាសថា បើជំនួបវិនិយោគរឿងខ្ទង់ ៨មុឺនដុល្លារ របស់ Allan មិនជោគជ័យ មករកលោក
ភាគកណ្តាលវៀតណាម មានមនុស្សស្លាប់ដោយសារទឹកជំនន់ ខណៈជាង ១ម៉ឺននាក់ ត្រូវជម្លៀស
-
ព័ត៌មានជាតិ៧ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១៨ ម៉ោង agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ជីវិតកម្សាន្ដ១៧ ម៉ោង agoលោក លៀក លីដា បង្ហាញការខកចិត្តចំពោះការរិះគន់របស់ Allan