​សម្ដេចតេជោ ហ៊ុន សែនប្រកាសស្វែងរកម្ចាស់គណនី Tik Tok ដាក់ឈ្មោះសម្ដេច

សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅថ្ងៃទី ២៩ ខែមិថុនា ឆ្នាំ ២០២៣នេះ បានប្រកាសស្វែងរកម្ចាស់គណនីដែលបង្កើត Tik Tok ដាក់ឈ្មោះ សម្ដេច ហើយផ្ដល់ផ្ដល់តួនាទីការងារជាជំនួយការរបស់សម្ដេច ខណៈសម្ដេចចង់បានគណីនោះយកមកប្រើបន្តគ្រាដែលសម្ដេចអះអាងថា ម្ចាស់គណនីមិនមានចេតនាអាក្រក់លើសម្ដេចនោះឡើយ។

សម្ដេចតេជោ ហ៊ុន សែន ទើបតែបង្កើតគណី Tik Tok នៅយប់ថ្ងៃទី ២៨ ខែមិថុនា ដែលមានអ្នកចូលរួមជាង ១ ម៉ឺននាក់ ស្របពេលដែលសម្ដេចបានឃើញមានគណនីប្រើឈ្មោះរបស់សម្ដេចដែលមានអ្នកចូលរួមជាង ៣០ ម៉ឺននាក់ និងអ្នកចូលចិត្តជាង ៤ លាន។

សម្ដេចប្រកាសឱ្យអ្នកដែលបានបង្កើត Tik Tok​ ប្រើឈ្មោះសម្ដេច ចេញមុខមកទំនាក់ទំនង ជាមួយជំនួយការសម្ដេច ដែលជារដ្ឋលេខាធិការ ទីស្ដីការគណៈរដ្ឋមន្ត្រី លោក ឌួង តារា នឹងផ្ដល់ការងារជាជំនួយការរបស់សម្ដេច ដោះស្រាយលើបញ្ហាឌីជីថល។

សម្ដេចតេជោ ហ៊ុន សែន មានប្រសាសន៍ថា៖ «​ខ្ញុំមិនគ្រាន់តែមិនស្ដីបន្ទោសទេ តែខ្ញុំសូមកោតសរសើរ ហើយខ្ញុំនឹងផ្ដល់ការងារជាជំនួយការរបស់ខ្ញុំ ដើម្បីជួយគ្រប់គ្រងទៅលើបញ្ហាបណ្ដាញសង្គមឌីជីថល ​ដូច្នេះប្រសិនលឺការអំពាវនាវនេះហើយ សូមអ្នកដែលបានបង្កើតគណនី Tik Tok របស់ខ្ញុំដើម្បីចូលរួមជាមួយគ្នា»៕