ព័ត៌មានជាតិ

ក្រសួងអប់រំ នឹងរៀបចំការប្រឡងវាស់ស្ទង់សមត្ថភាពគណិតវិទ្យាអន្តរជាតិ ស្តង់ដារប្រទេសជប៉ុន នៅចុងខែកញ្ញា

បានផុស

២ years មុន

នៅ

ថ្ងៃសៅរ៍ ១ កក្កដា ២០២៣

ដោយ

ក្រសួងអប់រំ យុវជន និងកីឡា សហការជាមួយវិទ្យាស្ថានវិញ្ញាបនបត្រគណិតវិទ្យា នៃប្រទេសជប៉ុន និងសហគមន៍អ្នកគណិតវិទ្យាកម្ពុជា នឹងរៀបចំការប្រឡងវាស់ស្ទង់សមត្ថភាពគណិតវិទ្យាអន្តរជាតិ ស្តង់ដារប្រទេសជប៉ុន SUKEN TEST 2023 សម្រាប់សិស្សថ្នាក់ទី ៤ ដល់ថ្នាក់ទី ១២ និងនិស្សិតសាកលវិទ្យាល័យ ដែលនឹងប្រព្រឹត្តទៅនៅថ្ងៃទី ៣០ ខែកញ្ញា ឆ្នាំ ២០២៣ នៅវិទ្យាស្ថានជាតិអប់រំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងរបស់ក្រសួងអប់រំ យុវជន និងកីឡា ដែលទទួលបាននៅថ្ងៃទី ០១ កក្កដានេះ បានឲ្យដឹងថា ការប្រឡងនេះ មានគោលបំណង ដើម្បីចូលរួមពង្រឹងសមត្ថភាព សិស្ស និស្សិត និងពង្រឹងប្រសិទ្ធភាព នៃការរៀន ការបង្រៀន ការសិក្សាស្រាវជ្រាវ និងលើកកម្ពស់គុណភាពអប់រំតវិទ្យានៅកម្ពុជា។

ក្រសួង បានណែនាំដល់សិស្ស និស្សិត ដែលមានចំណាប់អារម្មណ៍ សូមមកចុះឈ្មោះចូលរួមប្រឡង នៅអគារមជ្ឈមណ្ឌលស្រាវជ្រាវ គរុកោសល្យជំនាន់ថ្មី នៃវិទ្យាស្ថានជាតិអប់រំ ចាប់ពីពេលផ្សាយដំណឹងនេះតទៅ រហូតដល់ថ្ងៃទី ១៥ ខែកញ្ញា ឆ្នាំ ២០២៣ វេលាម៉ោង ៥ និង ០០ នាទី ជាកំណត់៕

អត្ថបទ ៖ សំអឿន

Related Topics:ក្រសួងអប់រំ យុវជន និងកីឡា