ព័ត៌មានជាតិ

សមត្ថកិច្ចចុះចាត់វិធានការលើទីតាំងល្បែងអាប៉ោង ក្នុងស្រុករតនមណ្ឌល

បានផុស

៤ years មុន

នៅ

ថ្ងៃអង្គារ ២៦ មករា ២០២១

ដោយ

វង់ល្បែងអាប៉ោងមួយកន្លែង ស្ថិតនៅភូមិស្វាយ ស ឃុំត្រែង ស្រុករតនមណ្ឌល ខេត្តបាត់ដំបង ត្រូវបានសមត្ថកិច្ចចុះចាត់វិធានការ ត្រឹមធ្វើការអប់រំ និងចុះកិច្ចសន្យាបញ្ឈប់សកម្មភាពជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងល្បែងនេះ បានប្រព្រឹត្តឡើងនៅក្នុងផ្ទះឈ្មោះ ឡាច សាវុធ ហៅបឹង អាយុ ៥៦ ឆ្នាំ ស្ថិតនៅភូមិស្វាយស ឃុំត្រែង ស្រុករតនមណ្ឌល ដែលកន្លងមក បានបើកលេងយ៉ាងជំហរ ។

ជុំវិញបញ្ហានេះដែរ ទាំងលោកអធិការរង រស់ លឹមសឺន ក៏ដូចជាលោកនាយផ្នែកព្រហ្មទណ្ឌ សោម សុធា បានបញ្ជាក់ថា លោកមិនបានដឹងទាល់តែសោះ។ ដូច្នេះលោកនឹងចុះទៅពិនិត្យមើលជាក់ស្ដែង ទើបនៅវេលាម៉ោង ១០ ព្រឹក នាថ្ងៃទី២៥ ខែ មករា ម្សិលម៉ិញ ក្រោយពីកម្ពុជាថ្មី បានសាកសួរ គឺកម្លាំងផ្នែកបានចុះទៅហៅម្ចាស់ទីតាំងឱ្យធ្វើកិច្ចសន្យា បញ្ឈប់សកម្មភាព ព្រមទាំងបានដកហូតវត្ថុតាងមួយចំនួន ពាក់ព័ន្ធនឹងល្បែងអាប៉ោង ទៅកាន់អធិការដ្ឋានតែម្ដង៕

អត្ថបទ ៖ សោ និយមរ័ត្ន