ព័ត៌មានជាតិ

ប.ស.ស ប្រកាសឲ្យបុគ្គលស្វ័យនិយោជន៍ទៅប្រើប្រាស់សេវាផ្នែកថែទាំសុខភាព ដោយឥតគិតថ្លៃ ចាប់ពីខែមិថុនា នេះតទៅ

បានផុស

១ year មុន

នៅ

ថ្ងៃពុធ ៥ កក្កដា ២០២៣

ដោយ

បេឡាជាតិសន្តិសុខសង្គម (ប.ស.ស) បានប្រកាសឲ្យបុគ្គលស្វ័យនិយោជន៍មានបណ្ណ ប.ស.ស ទៅប្រើប្រាស់សេវាផ្នែកថែទាំសុខភាពដោយឥតគិតថ្លៃ នៅតាមមូលដ្ឋានសុខាភិបាល ដែលបានចុះកិច្ចព្រមព្រៀងជាមួយ ប.ស.ស ចាប់ពីថ្ងៃទី ០១ ខែមិថុនា ឆ្នាំ ២០២៣ តទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ ប.ស.ស បានសម្រេចដាក់ឲ្យអនុវត្តគម្រោងសាកល្បងរបបសន្តិសុខសង្គមផ្នែកថែទាំសុខភាពសម្រាប់បុគ្គលស្វ័យនិយោជន៍ ដោយជំហានដំបូងធ្វើសម្រាប់តែបុគ្គលស្វ័យនិយោជន៍ជាអ្នកបើកបរត្រីចក្រយានយន្តដែលស្ថិតក្នុងភូមិសាស្ត្ររាជធានីភ្នំពេញតែប៉ុណ្ណោះ។

យោងតាមសេចក្ដីជូនដំណឹងរបស់បេឡាជាតិសន្តិសុខសង្គម ចុះថ្ងៃទី ៤ មិថុនា បានឲ្យដឹងថា ប.ស.ស បានដាក់ដំណើរការរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គលស្វ័យនិយោជន៍ ចាប់ពីថ្ងៃទី ០១ ខែមេសា ឆ្នាំ ២០២៣ ក្នុងន័យនេះ សមាជិក ប.ស.ស ជាបុគ្គលស្វ័យនិយោជន៍មានសុពលភាពចូលទៅប្រើប្រាស់សេវានៅតាមមូលដ្ឋានសុខាភិបាលដែលបានចុះកិច្ចព្រមព្រៀងជាមួយ ប.ស.ស, ចាប់ពីថ្ងៃទី ០១ ខែមិថុនា ឆ្នាំ ២០២៣ តទៅ។

ដើម្បីអាចធ្វើការទូទាត់ថ្លៃសេវាជូនមូលដ្ឋានសុខាភិបាល ដែលបានផ្ដល់សេវាជូនសមាជិក ប.ស.ស ជាបុគ្គលស្វ័យនិយោជន៍មានបញ្ហាសុខភាពបាន ប.ស.ស តម្រូវឲ្យមូលដ្ឋានសុខាភិបាលដែលបានចុះកិច្ចព្រមព្រៀងទាំងអស់ រៀបចំសំណើសុំទូទាត់ថ្លៃសេវាព្យាបាល និងថែទាំវេជ្ជសាស្ត្ររបស់បុគ្គលស្វ័យនិយោជន៍ ដាច់ដោយឡែកពីសំណើសុំទូទាត់ថ្លៃសេវារបស់កម្មករ និយោជិត និងមន្ត្រីសាធារណៈ អតីតមន្ត្រីរាជការស៊ីវិល និងអតីតយុទ្ធជន។

អាស្រ័យហេតុនេះ សូមលោក លោកស្រី ជាអគ្គនាយក នាយក និងប្រធាន មូលដ្ឋានសុខាភិបាលទាំងអស់ មេត្តាជ្រាប និងសហការអនុវត្តដោយស្មារតីទទួលខុសត្រូវខ្ពស់៕

អត្ថបទ ៖ សំអឿន

Related Topics:ប.ស.ស