ព័ត៌មានជាតិ
តំបន់សេដ្ឋកិច្ចពិសេសក្រុងបាវិត បានផ្ដល់ការងារដល់ពលរដ្ឋប្រមាណជាង ៥ ម៉ឺននាក់
តំបន់សេដ្ឋកិច្ចពិសេសខេត្តស្វាយរៀង កំពុងដំណើរការបច្ចុប្បន្នមានចំនួន ៧ ក្នុងនោះ មានរោងកច្រ សហគ្រាសចំនួន ៩៩ ក្រុមហ៊ុន ដោយផ្ដល់ការងារដល់ពលរដ្ឋក្នុងមូលដ្ឋាននិងមកពីខេត្តផ្សេងៗបានចំនួនប្រមាណជាង ៥ ម៉ឺននាក់។ នេះបើតាមការបញ្ជាក់របស់លោក លឹម សៀងហេង អភិបាលក្រុងបាវិត។
ថ្លែងប្រាប់កម្ពុជាថ្មីលោក លឹម សៀងហេង បានឱ្យដឹងថា តំបន់សេដ្ឋកិច្ចពិសេសដែលមានបណ្តុំទៅដោយឧស្សាហកម្ម រោងចក្រ សហគ្រាសនេះ គឺជាចំណែកដ៏សំខាន់ក្នុងការជួយទ្រទ្រង់សេដ្ឋកិច្ចនៅក្នុងក្រុងបាវិត និងខេត្តស្វាយរៀង ជាពិសេសគឺបានផ្តល់ប្រាក់ចំណូលដល់ពលរដ្ឋ កាត់បន្ថយភាពក្រីក្រ និងការចំណាកស្រុកជាដើម។
លោកអភិបាលក្រុង បានបន្តដូច្នេះថា« គាត់(កម្មករ) បម្រើក្នុងរោងចក្រ គាត់បានប្រាក់ចំណូលផ្ទាល់ ក្នុងម្នាក់ គឺប្រាក់ខែរបស់គាត់មិនក្រោមជាង ២០០ដុល្លារទេ បួកនឹងប្រាក់អត្ថប្រយោជន៍ផ្សេងៗទៀត ដូចជាប្រាក់ថែមម៉ោងបានជិត ៣០០ដុល្លារ ទៅជាង ៤០០ដុល្លារដែរ»។
តាមរយៈប្រាក់ចំណូលចេញពីតំបន់សេដ្ឋកិច្ចពិសេសនេះ បានជួយសម្រួលជីវភាពពលរដ្ឋរាប់ម៉ឺននាក់ទាំងផ្ទាល់ និងប្រយោលឱ្យកម្រិតនៃការរស់នៅបានល្អប្រសើរ។ នេះជាការគូសបញ្ជាក់របស់លោក លឹម សៀងហេង។
ខេត្តស្វាយរៀង ជាខេត្តស្ថិតនៅភាគខាងកើតនៃប្រទេសកម្ពុជា ដែលមានព្រំប្រទល់ជាប់ប្រទេសវៀតណាម ហើយក៏ជាខេត្ត ដែលមានតំបន់សេដ្ឋកិច្ចពិសេសមុនគេផងដែរ។
សូមបញ្ជាក់ថា ខេត្តស្វាយរៀងមានតំបន់សេដ្ឋកិច្ចពិសេសទាំងអស់ចំនួន ១២កន្លែង ប៉ុន្តែដំណើរការតែ ៧កន្លែង នៅក្រុងបាវិត ដែលតំបន់សេដ្ឋកិច្ចទាំងនោះ រួមមាន៖ តំបន់សេដ្ឋកិច្ចពិសេស មេន ហាត ធេន ស្វាយរៀង, តំបន់សេដ្ឋកិច្ច ពិសេស តាយ សេង បាវិត, តំបន់សេដ្ឋកិច្ចពិសេស ដ្រេហ្គន ឃីង (នាគរាជ), តំបន់សេដ្ឋកិច្ចពិសេស សានដុង សាន់សែល, តំបន់សេដ្ឋកិច្ចពិសេស ហាយ ផាក, តំបន់សេដ្ឋកិច្ចពិសេស ឈីលូ ជាន ពុ ចាយ និងតំបន់សេដ្ឋកិច្ចពិសេស ស៊ីន បាវិត៕
អត្ថបទ ៖ ផល ធារិត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា