ព័ត៌មានជាតិ

ឃុំពង្រក្នុងស្រុកកោះសូទិន ផ្លូវតូចធំក្នុងភូមិ ក្រាលដោយបេតុង និងកៅស៊ូទាំងអស់

បានផុស

២ years មុន

នៅ

ថ្ងៃព្រហស្បតិ៍ ៦ កក្កដា ២០២៣

ដោយ

ឃុំពង្រជាឃុំមួយនៅក្នុងស្រុកកោះសូទិនខេត្តកំពង់ចាម។ បច្ចុប្បន្នស្ថានភាពហេដ្ឋារចនាសម្ព័ន្ធមានការអភិវឌ្ឍរីកចម្រើន។ ផ្លូវតូចធំនៅក្នុងឃុំបានវិវឌ្ឍន៍ប្រែក្លាយពីផ្លូវដីមកជាផ្លូវកៅស៊ូ និងបេតុងស្ទើរគ្មានសល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខឹម ប៉ោទាង មេឃុំពង្រ

ក្នុងកិច្ចសម្ភាសជាមួយ«កម្ពុជាថ្មី» លោក ខឹម ប៉ោទាង មេឃុំពង្រមានប្រសាសន៍ថា បច្ចុប្បន្នឃុំពង្រមានការប្រែប្រួលខុសគ្នាដូចមេឃនិងដី។ និយាយពីហេដ្ឋារចនាសម្ព័ន្ធក្នុងមូលដ្ឋានមានភាពរីកចម្រើន ផ្លូវតូចធំនៅក្នុងឃុំបានអភិវឌ្ឍក្លាយជាផ្លូវបេតុងទាំងអស់។

លោកមេឃុំបន្តថា មិនថាតែផ្លូវធ្វើដំណើរចូលតាមភូមិ សូម្បីតែផ្លូវចូលទៅចម្ការរបស់ប្រជាពលរដ្ឋ ក៏ត្រូវបានអភិវឌ្ឍន៍ជាផ្លូវបេតុងផងដែរ។

ពាក់ព័ន្ធទៅនឹងការអភិវឌ្ឍន៍ដូចសព្វថ្ងៃនេះ លោកមេឃុំអះអាងថាដោយសារមានការគិតគូរពីប្រមុខរាជរដ្ឋាភិបាល តាមរយៈការដាក់ចេញគោលនយោបាយឧបត្ថម្ភគាំទ្រការអភិវឌ្ឍក្នុងមូលដ្ឋាន។

ឃុំពង្រមានភូមិចំនួន ៨ ក្នុងនោះមានភូមិកំពង់ឪជ្រឹង, ព្រែករំដេងកើត, ព្រែករំដេងលិច, ពង្រកើត, ពង្រលិច, ដើមស្តៅ, ប៉ាក់ណាម និងអន្លង់ដូង។ ក្នុងឃុំមានពលរដ្ឋរស់នៅសរុប ១ ៣៩២ គ្រួសារ ស្មើចំនួន ៤០៨៤ នាក់។

ពលរដ្ឋជាង ៨៥% ប្រកបរបរកសិកម្មមានដាំដុះដំណាំស្រូវ ពោត សណ្តែក និងថ្នាំជក់ និងចិញ្ចឹមសត្វជាដើម៕