ព័ត៌មានជាតិ
កម្ពុជាចំណាយថវិកាជិត១លានដុល្លារទិញទឹកខ្មៅជ្រលក់ដៃសម្រាប់ប្រើក្នុងការបោះឆ្នោត
លោក ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងឱ្យដឹងថា កម្ពុជាបានចំណាយថវិកាជិត១លានដុល្លារ ដើម្បីទិញទឹកខ្មៅជ្រលក់ដៃលុបមិនជ្រះ សម្រាប់បម្រើឱ្យការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣នេះ។ ការបញ្ជាក់របស់ប្រធាន គ.ជ.ប បែបនេះក្នុងឱកាសបង្ហាញ និងសាកល្បងគុណភាពទឹកខ្មៅលុបមិនជ្រះ នៅថ្ងៃទី៦ ខែកក្កដានេះ ឆ្នាំ ២០២៣។

បើតាមលោក ប្រាជ្ញ ចន្ទ សម្រាប់ការបោះឆ្នោតជាតិខាងមុខនេះ កម្ពុជាបានទិញទឹកខ្មៅលុបមិនជ្រះពីក្រុមហ៊ុនប្រទេស ឥណ្ឌា ដូចការបោះឆ្នោតមុនៗដដែល ដែលមានចំនួន៥២ ០០០ដប ខណៈក្នុង១ដបមានតម្លៃ ១៧.៦៣ដុល្លារ។ លោក ប្រាជ្ញ ចន្ទ បានបន្តឱ្យដឹងថា កម្ពុជាបានចំណាយថវិកាចំនួន ៩១៦ ៧៦០ដុល្លារ លើតម្លៃទឹកថ្នាំ និងចំណាយថវិកាចំនួន ៤៦ ៥៥០ដុល្លារ លើថ្លៃដឹក។
លោក ប្រាជ្ញ ចន្ទ បានលើកឡើងថា ផ្អែកលើច្បាប់បោះឆ្នោតជ្រើសតាំងតំណាងរាស្ត្រ និងនីតិវិធីនៃការបោះឆ្នោត ទឹកខ្មៅ ជានីតិវិធី មួយក្នុងចំណោមនីតិវិធីជាច្រើនទៀតរបស់ គ.ជ.ប ដើម្បីធានាដល់ការបោះឆ្នោតប្រកបដោយភាពត្រឹមត្រូវ ស្មើភាព និងយុត្តិធម៌ ជាពិសេសធានាថា ប្រជាពលរដ្ឋមួយរូប បោះឆ្នោតបានតែមួយដងប៉ុណ្ណោះ។

ប្រធាន គ.ជ.ប រូបនេះ បានបញ្ជាក់ថា ទឹកខ្មៅជ្រលក់ដៃរបស់ក្រុមហ៊ុនឥណ្ឌាមានគុណភាពខ្ពស់ មិនងាយនឹងលុបជ្រះ ដោយទឹកខ្មៅលុនេះ មានភាពដិតជាប់ស្បែកដៃ ក្រចក និងគល់ក្រចក ព្រមទាំងកម្រិតស្ងួតលឿន មិនអាចលុបជ្រះបានភ្លាមៗឡើយ ដែលអាចធានាបានទាំងការប្រើប្រាស់ និងមិនប៉ះពាល់ដល់សុខភាពអ្នកប្រើប្រាស់៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ