ព័ត៌មានជាតិ
ស្រុកសៀមប៉ាងដំឡើងភ្លើងសូឡាបំភ្លឺផ្លូវលម្អសោភ័ណភាពពេលយប់
បង្គោលភ្លើង និងផ្ទាំងសូឡាសម្រាប់បំភ្លឺតាមដងផ្លូវចំនួនជាង ៧០ ត្រូវបានអាជ្ញាធរស្រុកសៀមប៉ាងដាក់នៅតាមចំណុចសំខាន់ៗ ដើម្បីបម្រើការធ្វើចរាចរណ៍របស់ប្រជាពលរដ្ឋទៅមកនៅពេលយប់ និងដើម្បីលើកស្ទួយផ្នែកសោភ័ណភាពនៅក្នុងទីរួមស្រុកផង។
លោក ផាត់ យុទ្ធ អភិបាលស្រុកសៀមប៉ាងបានបញ្ជាក់ថា៖ គម្រោងនេះអាជ្ញាធរស្រុកបានចំណាយថវិកាមូលនិធិប្រមាណ ៤០ លានរៀល ទិញបង្គោល និងផ្ទាំងសូឡាចំនួនជាង ៧០ ដាក់តាមដងផ្លូវ មួយចំហៀង ចាប់ពីវិទ្យាល័យតេជោសៀមប៉ាង ឆ្ពោះទៅមាត់ទន្លេ និងផ្លូវបំបែកចូលទៅស្រុកសៀមប៉ាងស្របតាមដងផ្លូវទៅផ្លូវ ១០១ ព្រំដែនកម្ពុជាឡាវ ឆ្ពោះទៅទីតាំងដីថ្មីសម្រាប់ប្រជាពលរដ្ឋដែលរងផលប៉ះពាល់ពីការរុះរើផ្ទះចេញពីចំណីមាត់ច្រាំងទន្លេបានប្រវែងជិត ៤ គីឡូម៉ែត្រ។
លោកអភិបាលស្រុកបានបញ្ជាក់ថា៖ ការរៀបចំឱ្យមានភ្លើងបំភ្លឺនៅតាមចំណុចនីមួយៗនេះ មានប្រយោជន៍សំខាន់សម្រាប់ឱ្យបងប្អូនប្រជាពលរដ្ឋយើង នៅពេលពួកគាត់មានសមាជិកគ្រួសារ ឈឺថ្កាត់ត្រូវមកមណ្ឌលសុខភាពពេលយប់ព្រលប់ ស្រួលក្នុងការបើកបរ បញ្ជូនអ្នកជំងឺ មកមណ្ឌលសុខភាពផងដែរ។
លោកបន្តថា៖ ជាងនេះទៀតបានលើកសោភ័ណភាពនៅតាមដងផ្លូវនិមួយៗ ក្នុងឱកាសពេលមានបុណ្យទាន បងប្អូនប្រជាពលរដ្ឋយើងបានសប្បាយរីករាយនិងបានធ្វើដំណើរហាត់ប្រាណបង្កើនការថែរក្សាសុខភាពបានមួយចំណែកបន្ថែមទៀត។
លោក ប៊ុន ថាលី ប្រជាពលរដ្ឋរស់នៅភូមិឃុំសេកុង ស្រុកសៀមប៉ាងបានសម្តែងការសាទរចំពោះអាជ្ញាធរស្រុកដែលបានរៀបចំឱ្យមានការអភិវឌ្ឃគ្រប់បែបយ៉ាងនៅក្នុងមួលដ្ឋានស្របតាមគោលនយោបាយរបស់រាជរដ្ឋាភិបាល គឺធ្វើឱ្យមានផ្លូវ -ស្ពាន-ទឹក-ភ្លើង។
លោកបន្តថា៖សមិទ្ធផលដែលមាននៅតាមមូលដ្ឋានពិតជារបស់យើងទាំងអស់គ្នាហើយលោក និងជួយផ្សព្វផ្សាយអប់រំណែនាំទៅម្អូនៗយុវជនយើងជួយរួមគ្នាថែរក្សាឱ្យបានល្អដើម្បីទុកជាប្រយោជន៍សម្រាប់ប្រើប្រាស់បានយូអង្វែងនៅក្នុងភូមិឃុំរបស់យើង។
សូមបញ្ជាក់ថា៖ នេះជាលើកទី២ហើយដែលអាជ្ញាធរស្រុកសៀមប៉ាងបានរៀចំដាក់ផ្ទាំងសូឡាបំភ្លឺតាមដងផ្លូវ។ នៅក្នុងឆ្នាំ២០២១ដាក់បាន៥០បង្គោល ហើយនៅឆ្នាំ២០២២ និង២០២៣នេះដាក់ចំនួន៧០បង្គោលបន្ថែមទៀតបច្ចុប្បន្នតម្លើងបាន៥០%ហើយ៕
អត្ថបទ៖ ងិនលីម
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ