ព័ត៌មានជាតិ

លោក សាយ សាមាន៖ ប្តេជ្ញាចិត្តប្រើប្រាស់គ្រឿងចក្រពីក្រសួងឲ្យចំគោលដៅ សម្រាប់បម្រើតម្រូវការប្រជាពលរដ្ឋ

បានផុស

៤ years មុន

នៅ

ថ្ងៃអង្គារ ២៦ មករា ២០២១

ដោយ

ការប្តេជ្ញារបស់ប្រធានមន្ទីរសាធារណការនិងដឹកជញ្ជូនខេត្តរតនគិរីរូបនេះ គឺ ក្នុងឱកាសពិនិត្យមើលគ្រឿងចក្រចំនួន៨គ្រឿង ដែលមន្ទីរទទួលបានពីក្រសួង ហើយបានដឹកយកមកដល់ខេត្តរតនគិរីកាលពីថ្ងៃទី២៥ ខែមករា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ដើម្បីជួយសម្រួលដល់ការជួសជុលថែទាំផ្លូវថ្នល់ឲ្យកាន់តែមានប្រសិទ្ធភាពខ្ពស់ ក្រសួងសាធារណការ និងដឹកជញ្ជូនបានប្រគល់គ្រឿងចក្រដ៏ថ្មីសន្លាងចំនួន៨គ្រឿងជូនដល់មន្ទីរសាធារណការនិងដឹកជញ្ជូនខេត្ត ហើយលោកព្រមទាំងបុគ្គលិកមន្ទីរសាធារណការទាំងអស់ និងយកគ្រឿងចក្រនេះ ទៅប្រើប្រាស់កសាងហេដ្ឋារចនាសម្ព័ន្ធនានា ឲ្យចំគោលដៅ ដើម្បីបំពេញរាល់តម្រូវការធ្វើដំណើររបស់ប្រជាពលរដ្ឋ។

លោក សាយ សាមាន ក៏បានថ្លែងអំណរគុណយ៉ាងជ្រាលជ្រៅ ចំពោះប្រមុខរាជរដ្ឋាភិបាលក៏ដូចជាក្រសួងសាធារណការ និងដឹកជញ្ជូន ដែលបានយកចិត្តទុកដាក់ ផ្តល់គ្រឿងចក្រ ដល់មន្ទីរសាធារណការ និងដឹកជញ្ជូនតាមបណ្តាលខេត្ត ដើម្បីទុកប្រើប្រាស់ដើម្បីបំរើជាប្រយោជន៍រួមផងដែរ។

សូមបញ្ជាក់ថា ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនក៏បានចែកជូនគ្រឿងចក្រដូចគ្នានេះដល់មន្ទីរសាធារណការ និងដឹកជញ្ជូនចំនួន៨គ្រឿងដល់មន្ទីរក្រោមឱវាទទាំង២៥ រាជធានី-ខេត្តផងដែរ៕

អត្ថបទ៖ វុទ្ធឦសាន

សូមចុចអាន៖ ៥០ភាគរយទៀតទេ បងប្អូនច្បារអំពៅនឹងមានសួនច្បារនិងទីលានហាត់ប្រាណ នៅចន្លោះស្ពានព្រះមុនីវង្សចាស់ថ្មី