ប.ស.ស ប្រមូលភាគទានផ្នែកប្រាក់សោធនពីនិយោជក និងកម្មករបានជិត៧០លានដុល្លារ

បេឡារបបសន្តិសុខសង្គម (ប.ស.ស)បានប្រមូលភាគទានរបបសន្តិសុខសង្គមផ្នែកប្រាក់សោធនពីនិយោជក និងកម្មករនិយោជិតបានប្រមាណជិត៧០លានដុល្លារអាមេរិក។

លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានឱ្យដឹងថា របបសន្តិសុខសង្គមផ្នែកប្រាក់សោធនត្រូវបានរារដ្ឋាភិបាលអនុវត្តនៅខែតុលា ឆ្នាំ២០២២ ហើយរហូតមកដល់ដើមឆ្នាំ២០២៣នេះបានចុះបញ្ជី​សហគ្រាសគ្រឹះស្ថានចំនួន១៥៥៤៤មានកម្មករនិយោជិរ២៦២៩៥៥៣នាក់ ដោយប្រមូលភាគទានរបបសន្តិសុខសង្គមផ្នែកប្រាក់សោធនពីនិយោជក និងកម្មករជិតចំនួន២៧៩ពាន់២៧៨លានរៀល ស្មើនឹងប្រមាណ៦៨លាន៩៤០ពាន់ដុល្លារអាមេរិក។

ការបង់ប្រាក់ភាគទានរបបសន្តិសុខសង្គមផ្នែកប្រាក់សោធនពីនិយោជក និងកម្មករជិតនេះតម្រូវឱ្យបង់ចំនួន៤ភាគរយនៃចំនួនប្រាក់ឈ្មួលរបស់កម្មករនិយោជិតក្នុងនោះនិយោជកត្រូវបង់២ភាគរយនិងកម្មករនិយោជិតបង់២ភាគរយ។ នៅពេលកម្មករនិងយោជិតដល់អាយុ៦០ឆ្នាំដែលត្រូវចូលនិវត្តនឹងទទួលបានប្រាក់សោធនដូចមន្ត្រីរាជការបម្រើការងារនៅតាមស្ថានប័នរដ្ឋដែរទៅតាមប្រាក់ឈ្មួលដែលម្នាក់ៗទទួលបាន។

លោករដ្ឋមន្ត្រីបានបន្តថា រហូតមកដល់ពេលនេះរាជរដ្ឋាភិបាលបានអនុវត្តរបបសន្តិសុខសង្គមចំនួន៣រួមមានទី១, របបសន្តិសុខសង្គមផ្នែកហានិភ័យការងារដែលបានអនុវត្តនៅខែវិច្ឆិកាឆ្នាំ២០០៨សម្រាប់វិស័ឯកជនដែលបានចុះបញ្ជិសហគ្រាសគ្រឹះស្ថានចំនួន២២៩៣១មានកម្មករនិយោជិត២២៩៩៨០២នាក់និងវិស័យសាធារណៈអនុវត្តនៅខែមករាឆ្នាំ​២០២១ ដែលបានចុះបញ្ជីស្ថាប័នចំនួន៣៥មានសមាជិក២២៩៤១៣នាក់។ទី២របបសន្តិសុខសង្គមផ្នែកថែ​​ទាំ​សុខភាពដែលបានអនុវត្តនៅខែកញ្ញាឆ្នាំ២០១៦ដោយមានចុះបញ្ជីសហគ្រាសគ្រឹះស្ថានចំនួន២២៩៣១មានកម្មកនិយោជិត២២៩
៩៨០២នាក់សម្រាប់វិស័យេកជននិងវិស័យសាធាររណៈអនុវត្តនៅខែមករាឆ្នាំ២០១៨បានចុះបញ្ជីស្ថាប័នចំនួន៣៩មានសមាជិកចំនួន៤៣៩២៤៣នាក់និងទី៣របបសន្តិសុខសង្គមផ្នែកប្រាក់សោធន៕

អត្ថបទ៖ សំអឿន