ព័ត៌មានជាតិ
លំហូរការជួញដូរគ្រឿងញៀននៅខេត្តកោះកុង ថយចុះគួរឲ្យកត់សម្គាល់
គណៈកម្មាធិការត្រួតពិនិត្យគ្រឿងញៀនខេត្តកោះកុង បង្ហាញថា ឆមាសទី ១ ដើមឆ្នាំ ២០២៣ លំហូរការចែកចាយជួញដូរគ្រឿងញៀនបានថយចុះគួរឲ្យកត់សម្គាល់ ខណៈសមត្ថកិច្ចជំនាញបង្ក្រាបតឹងរ៉ឹង។
ខេត្តកោះកុង បានយកវិធានការណែនាំអប់រំ វិធានការរដ្ឋបាល និងវិធានការអនុវត្តច្បាប់ចំពោះក្រុមមុខសញ្ញាពាក់ព័ន្ធនឹងការចែកចាយជួញដូរគ្រឿងញៀនក្នុងភូមិសាស្ត្រខេត្ត ទោះបីដើមឆ្នាំ ២០២៣ បង្ក្រាបបានសារធាតុញៀនតិចតួចក៏ដោយ។
ក្នុងទិវាអន្តរជាតិប្រយុទ្ធប្រឆាំងគ្រឿងញៀន នៅថ្ងៃទី ១១ ខែកក្កដា ឆ្នាំ ២០២៣ លោក សំ ឃិតវៀន អនុប្រធានគណៈកម្មាធិការត្រួតពិនិត្យគ្រឿងញៀនខេត្តកោះកុង បានឲ្យដឹងថា កន្លងទៅ ក្រុមការងារបានផ្សព្វផ្សាយអប់រំណែនាំដល់ប្រជាពលរដ្ឋ និងសិស្សានុសិស្ស ចំនួន ៣៩៩ លើក ដែលមានមនុស្សចូលរួមសរុប ៩.៣២៧ នាក់។ វិធានការអប់រំណែនាំយល់ដឹងនេះ ធ្វើឡើងនៅតាមសាលារៀន វត្តអារាម ក្លិបសេវាកម្សាន្ត សណ្ឋាគារ ផ្ទះសំណាក់ និងតាមសារព័ត៌មានវិទ្យុ។
លោក សំ ឃិតវៀន បន្ថែមថា បញ្ហាជួញដូរគ្រឿងញៀន ត្រូវបានបង្ក្រាបបានចំនួន ៤០ ករណី ឃាត់ខ្លួនមនុស្ស ៨២ នាក់ ក្នុងនោះស្រី ១២ នាក់។ ចំណែកការដកហូតវត្ថុតាងរក្សាទុក រួមមាន ៖ ម្សៅក្រាមពណ៌សជាសារធាតុញៀនប្រភេទមេតំហ្វេតាមីន ចំនួន ៦៦៦.១៦ ក្រាម ម៉ូតូ ១២ គ្រឿង ទូរស័ព្ទដៃ ៦៣ គ្រឿង ជញ្ជីងថ្លឹងថ្នាំញៀន ៥ គ្រឿង ដាវ ១ ដើម ទូក ៨ គ្រឿង កាំភ្លើងកែច្នៃចំនួន ៣ ដើម។
អាជ្ញាធរជំនាញ ក៏លើកឡើងដែរពីបញ្ហាប្រឈម ដោយខ្វះខាតមធ្យោបាយ និងថវិកាចុះបង្ក្រាប ផ្សព្វផ្សាយអប់រំ ដែលធ្វើឲ្យការងារអនុវត្តវិធានការមួយចំនួនមានការយឺតយ៉ាវ។ ខ្វះទីកន្លែងឃុំខ្លួនឧក្រិដ្ឋជនជួញដូរគ្រឿងញៀន និងមណ្ឌលអប់រំបន្សាប ស្តារនីតិសម្បទា និងព្យាបាលអ្នកញៀនថ្នាំ។
ទោះយ៉ាងណា លោកស្រី មិថុនា ភូថង អភិបាលខេត្តកោះកុង នៅតែបន្តលើកទឹកចិត្តជំរុញដល់សមត្ថកិច្ចអាជ្ញាធរ និងមន្ត្រីជំនាញពាក់ព័ន្ធ បង្កើនការផ្សព្វផ្សាយពីផលគ្រោះថ្នាក់ដោយសារសារធាតុញៀនទៅកាន់ពលរដ្ឋ ពិសេសជាយុវជន។
លោកស្រីអភិបាលខេត្ត សង្កត់ធ្ងន់ដែរថា គ្រឿងញៀន ពុំមែនជាឱសថជួយបំបាត់ទុក្ខព្រួយ ឬ ប៉ូវថាមពលកម្លាំងកាយនោះទេ ពោលការប្រើប្រាស់គ្រឿងញៀនធ្វើឲ្យខូចសុខភាព បង្កបញ្ហាដល់គ្រួសារ បាត់បង់សណ្ដាប់ធ្នាប់សង្គម អាចស្លាប់ និងជាអំពើខុសច្បាប់ឲ។ បញ្ហាទាំងនេះ ទាមទារឲ្យមានវិធានការចូលរួមទាំងអស់គ្នាដែលមិនខ្វះបាន។
ទាក់ទិនបញ្ហាគ្រឿងញៀននេះ ត្រូវបានលោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង គូសបញ្ជាក់ថា លំហូរការចែកចាយចរាចរជួញដូរគ្រឿងញៀនមកពីប្រភពខាងក្រៅខេត្ត ពុំមានសកម្មភាពដូចពេលមុនៗ មានតែការជួញដូរបន្តិចបន្តួចប៉ុណ្ណោះ ដោយសមត្ថកិច្ចបង្ក្រាបបានជាបន្ត។
លោកឧត្ដមសេនីយ៍ទោស្នងការនគរបាលខេត្តកោះកុង បច្ចុប្បន្នសមត្ថកិច្ចរបស់លោកនៅតែបន្តតាមដានស៊ើបអង្កេតរកមុខសញ្ញាគ្រប់ពេលវេលា ករណីមានព័ត៌មានណាជុំវិញគ្រឿងញៀន។ រីឯប្រជាពលរដ្ឋ ប្រទះឃើញមានសកម្មភាពចរាចរគ្រឿងញៀន មេត្តាសូមប្រញាប់រាយការណ៍ព័ត៌មានភ្លាមៗ ទៅកាន់សមត្ថកិច្ច ដើម្បីអនុវត្តវិធានការច្បាប់៕
អត្ថបទ ៖ សិរីវឌ្ឍនៈ
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ