ព័ត៌មានជាតិ

លោកជំទាវម៉ែន សំអន ឧបត្ថម្ភប្រាក់បៀវត្ស ដើម្បីចូលរួមជួយដល់ការប្រយុទ្ធប្រឆាំងកូវីដ ១៩ រយៈពេល ៥ខែ ជូនទៅក្រសួងសុខាភិបាល

បានផុស

៤ years មុន

នៅ

ថ្ងៃអង្គារ ២៦ មករា ២០២១

ដោយ

ភ្នំពេញ ៖ លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នារសៀលថ្ងៃទី២៦ មករា ឆ្នាំ២០២១បានឧបត្ថម្ភប្រាក់បៀវត្ស ដើម្បីចូលរួមជួយដល់ការប្រយុទ្ធប្រឆាំងកូវីដ ១៩ រយៈពេល ៥ខែ ជូនទៅក្រសួងសុខាភិបាលដើម្បីរួមចំណែកជាមួយរាជរដ្ឋាភិបាលកម្ពុជា ដើម្បីចូលរួមទិញវ៉ាក់សាំងប្រឆាំងវីរុសកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបរិច្ចាគនេះ ធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ។

សូមបញ្ជាក់ថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅល្ងាចថ្ងៃទី២៥ មករាឆ្នាំ២០២១ បានប្រកាសឧបត្ថម្ភប្រាក់បៀវត្សចំនួន៧ខែបន្ថែមទៀត ដើម្បីរួមគ្នាបន្តទិញវ៉ាក់សាំងកូវីដ១៩មកសម្រាប់ចាក់ជូនប្រជាពលរដ្ឋកម្ពុជាទូទាំងប្រទេសដោយឥតគិតថ្លៃ៕

ដោយ ៖ វិមាន