ព័ត៌មានជាតិ

សូមសរសើរ ប្រជាពលរដ្ឋដែលចូលរួមប្រមូលសំរាមជាមួយអាជ្ញាធរ

បានផុស

៤ years មុន

នៅ

ថ្ងៃសៅរ៍ ៣១ តុលា ២០២០

ដោយ

ភ្នំពេញ ៖ ចាប់តាំងពីបងប្អូនកម្មករប្រមូលសំរាមនិងអ្នកបើកបររថយន្តដឹកសំរាមនាំគ្នាធ្វើកូដកម្មមិនចុះមកប្រមូលសំរាមធ្វើឲ្យប្រជាពលរដ្ឋភាគច្រើនលោកមានការយល់ដឹងពីការទុកដាក់សំរាមរហូតដល់ស្ម័គ្រចិត្តចូលរួមសកម្មភាពប្រមូលសំរាមជាមួយអាជ្ញាធរថែមទៀតផង។

ជាក់ស្តែងនៅថ្ងៃទី៣១ ខែតុលានេះ គេសង្កេតឃើញបងប្អូនប្រជាពលរដ្ឋរស់នៅសង្កាត់ច្បារអំពៅទី២ខណ្ឌច្បារអំពៅរាជធានីភ្នំពេញបាននាំគ្នាចូលរួមប្រមូលសំរាមជាមួយអាជ្ញាធរសង្កាត់ដើម្បីឲ្យមូលដ្ឋានសង្កាត់គ្មានសំរាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីលោកយ៉ិន វុធ ចៅសង្កាត់ច្បារអំពៅទី២បានឲ្យដឹងថា បច្ចុប្បន្ននេះបងប្អូនប្រជាពលរដ្ឋតាមបណ្តាភូមិក្នុងសង្កាត់ច្បារអំពៅទី២បានចូលរួមប្រមូលសំរាមពិសេសចេះទុកដាក់និងវិចខ្ចប់សំរាមបានល្អទៀតផង។

លោកចៅសង្កាត់បន្តថា លោកមានក្តីរំភើបរីករាយពេលមានការចូលរួមថែរក្សាបរិស្ថានពីសំណាក់បងប្អូនប្រជាពលរដ្ឋ។

ទាក់ទិននិងករណីខាងលើនេះលោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានថ្លែងថា ក្នុងអំឡុងពេលដែលបងប្អូនកម្មករអតីតស៊ិនទ្រី មិនបានមកប្រមូលសំរាម គឺធ្វើឲ្យប្រជាពលរដ្ឋក្នុងមូលដ្ឋានខណ្ឌលោកបានលះបង់ពេលវេលាចូលរួមទុកដាក់និងវិចខ្ចប់សំរាមបានល្អ ខុសពីមុនដែលប្រជាពលរដ្ឋមួយចំនួននាំយកសំរាមបោះចោលតាមដងផ្លូវប៉ះពាល់ដល់អ្នកធ្វើដំណើរនិងថែមទាំងជះក្លិនស្អុយទៀតផង។

លោកអភិបាលខណ្ឌច្បារអំពៅសុំឲ្យបងប្អូនប្រជាពលរដ្ឋលោកចូលរួមថែរក្សាបរិស្ថានក្នុងមូលដ្ឋានរបស់យើងជារៀងរហូត ដើម្បីឲ្យមូលដ្ឋានខណ្ឌយើងគ្មានសំរាមសូម្បីតែបន្តិច៕
ដោយ ៖ នរា