ព័ត៌មានជាតិ
រដ្ឋមន្ត្រីសុខាភិបាល ជំរុញគ្រូពេទ្យ បន្តរៀនសូត្របន្ថែមទៀត ដើរឲ្យទាន់ការវិវត្តន៍ នៃជំងឺថ្មីៗ
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានជំរុញឲ្យក្រុមគ្រូពេទ្យ នៃមន្ទីរពេទ្យមិត្តភាពខ្មែរ-សូវៀត បន្តរៀនសូត្របន្ថែមទៀត ដើម្បីដើរឲ្យទាន់សកម្មភាព ការវិវត្តន៍ នៃជំងឺដែលចេះតែវិវត្តថ្មីៗ ជារៀងរាល់ថ្ងៃ ដូចជា ជំងឺកូវីដ-១៩ ជាដើម។
ការជំរុញនេះបានធ្វើឡើងកាលពីថ្ងៃទី ១១ កក្កដា ក្នុងឱកាសលោករដ្ឋមន្ត្រី ប្រគល់ប័ណ្ណសរសើរ របស់រាជរដ្ឋាភិបាលកម្ពុជា ជូនថ្នាក់ដឹកនាំ និងមន្ត្រីសុខាភិបាល នៃមន្ទីរពេទ្យមិត្តភាពខ្មែរ-សូវៀត។
លោករដ្ឋមន្ត្រី បានបន្តថា «នៅពេលមានការរីករាលដាលជំងឺឆ្លងដ៏កាចសាហាវណាមួយនោះ មិនមានប្រទេសណាមួយ មានស្តង់ដារ នៃការព្យាបាលទេ គឺ ព្យាបាលតាមបទពិសោធន៍ជាក់ស្ដែង នៃប្រទេសរៀងៗ ខ្លួន ទម្រាំយើងមានឱសថសម្រាប់ធ្វើការព្យាបាលជំងឺមួយនេះ»។
លោករដ្ឋមន្ត្រី បានបន្តទៀតថា ដូចនេះក្រុមគ្រូពេទ្យ ត្រូវខិតខំស្រាវជ្រាវ និងរៀនសូត្របន្តទៀត ដើម្បីដើរឲ្យទាន់ការវិវត្តន៍ នៃជំងឺថ្មីៗ និងប្លែកៗ ដែលកំពុងកើតឡើងជារៀងរាល់ថ្ងៃ ដូចជា ជំងឺកូវីដ-១៩ ជាឧទាហរណ៍ស្រាប់។
យ៉ាងណាក៏ដោយ លោករដ្ឋមន្ត្រី បានថ្លែងអំណរគុណដល់ក្រុមគ្រូពេទ្យ និងបុគ្គលិកទាំងអស់ នៃមន្ទីរពេទ្យមិត្តភាពខ្មែរ-សូវៀត ដែលបានលះបង់ពេលវេលាផ្ទាល់ខ្លួន ជួយព្យាបាលជំងឺកូវីដ-១៩ ក្នុងកាលៈទេសៈដ៏ពិបាក ប៉ុន្តែ កម្ពុជា បានឆ្លងរួច និងទទួលបានការកោតសរសើរពីគ្រប់មជ្ឈដ្ឋាន ទាំងជាតិ និងអន្តរជាតិ ក្រោមការដឹកនាំចង្អុលបង្ហាញផ្ទាល់ពីសំណាក់ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។
លោកសាស្ត្រាចារ្យ ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត បានគូសរម្លឹកថា មន្ទីរពេទ្យមិត្តភាពខ្មែរ-សូវៀត បានចូលរួម និងដើរតួនាទីសំខាន់លើការងារទប់ស្កាត់ការព្យាបាល ការចាក់វ៉ាក់សាំង ដើម្បីបង្ការទប់ស្កាត់ការរីករាលដាលជំងឺកូវីដ-១៩ នៅ កម្ពុជា និងបានទទួលអ្នកជំងឺកូវីដ-១៩ សម្រាកសរុបចំនួន ៣,៥៥២ នាក់ ធ្វើសំណាកបានចំនួនជាង ៧ ម៉ឺន ៤ ពាន់នាក់ (៧៤,១២៦) សំណាក និងធ្វើតេស្តរហ័សបានចំនួនជាង ៦ ម៉ឺន( ៦២,២២៦) តេស្ត។
ជាមួយគ្នានេះ ក្រុមគ្រូពេទ្យ ក៏ចូលរួមចំណែកជួយបណ្ដុះបណ្ដាលដល់ក្រុមគ្រូពេទ្យ គិលានុបដ្ឋាក នៅតាមបណ្ដាខេត្តនានាផងដែរ៕
អត្ថបទ ៖ សំអឿន
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ