ព័ត៌មានជាតិ

ឆ្នាំ ២០២៣ សណ្ឋាគារលំដាប់ពិភពលោកចំនួនពីរគ្រោងបើកដំណើរការនៅខេត្តព្រះសីហនុ

បានផុស

១ year មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

លោក ឡុង ឌីម៉ង់ អភិបាលរងខេត្តព្រះសីហនុបានឲ្យដឹងថា សណ្ឋាគារលំដាប់ពិភពលោកចំនួនពីរ គ្រោងបើកដំណើរការនៅខេត្តព្រះសីហនុនៅឆមាសទី ៤ ឆ្នាំ ២០២៣។

កាលពីពេលថ្មីៗនេះ លោក ឡុង ឌីម៉ង់ បានជួបថ្នាក់ដឹកនាំសណ្ឋាគារដ៏ធំកម្រិតពិភពលោកចំនួនពីរ ដើម្បីផ្ដល់ព័ត៌មានរួមទាំងទស្សនៈវិស័យ លើវិស័យសណ្ឋាគារ និងបដិសណ្ឋារកិច្ច ក៏ដូចជាផែនការមេអភិវឌ្ឍន៍ខេត្តព្រះសីហនុទៅជាខេត្តពិសេសគំរូពហុបំណង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួប លោក ឡុង ឌីម៉ង់ បានជួបពិភាក្សានាយកចាត់ការទូទៅសណ្ឋាគារ Sofitel Phnom Penh Phokeetra និងអនាគតនាយកចាត់ការទូទៅសណ្ឋាគារ Novotel ដែលនឹងមានវត្តមាននៅខេត្តព្រះសីហនុក្នុងត្រីមាសទី ៤ ឆ្នាំនេះ។

លោកអភិបាលរងខេត្តលើកឡើងពីគោលបំណងចង់ឲ្យមានបណ្ដាញសណ្ឋាគារលំដាប់ពិភពលោកបែបនេះ មកវិនិយោគនៅខេត្តព្រះសីហនុឱ្យបានច្រើន។ លោកបញ្ជាក់ថា ពេលនេះជាពេលវេលាដល់សមស្របបំផុត ដោយសារកត្តាសន្តិភាព ស្ថេរភាពនយោបាយ ស្ថេរភាពម៉ាក្រូសេដ្ឋកិច្ច របស់កម្ពុជា។

បើតាមលោកអភិបាលរងខេត្ត រដ្ឋបាលខេត្តព្រះសីហនុត្រៀមខ្លួនជានិច្ចក្នុងកិច្ចសហការ គាំពារដល់វិនិយោគិនទាំងក្នុងនិងក្រៅប្រទេសទាំងអស់។

ខេត្តព្រះសីហនុ ជាខេត្តដែលមានឆ្នេរសមុទ្រស្រស់ស្អាត សម្បូរដោយធនធានធម្មជាតិ កោះ និងត្រូវបានប្រសិទ្ធនាមថា “តារារៈនាទិសនារតី”។ វិស័យទេសចរណ៍ បានចូលរួមចំណែកយ៉ាងសំខាន់នៅក្នុងការអភិវឌ្ឍសេដ្ឋកិច្ចខេត្តទាំងមូល។

បើតាមរបាយការណ៍របស់មន្ទីរទេសចរណ៍ខេត្តព្រះសីហនុ បច្ចុប្បន្ននៅខេត្តព្រះសីហនុមានសណ្ឋាគារចំនួន ៨០ កន្លែង កំពុងដំណើរការអាជីវកម្ម៕