ព័ត៌មានជាតិ
ផ្សារណាត់ RUA ចម្ការដូង រៀបចំឡើងដើម្បីជួយបណ្ដុះគំនិតឲ្យនិស្សិតចេះធ្វើទីផ្សារ និងក្លាយជាសហគ្រិន
មជ្ឈមណ្ឌលអភិវឌ្ឍន៍ធុរកិច្ច (Business Development Center-BDC) ក្រោមការផ្ដួចផ្ដើមរបស់ថ្នាក់ដឹកនាំ នៃសាកលវិទ្យាល័យភូមិន្ទកសិកម្ម នឹងរៀបចំបើកផ្សារណាត់ RUA ចម្ការដូង ជារៀងរាល់ថ្ងៃសៅរ៍ នៅទីតាំងមហា វិទ្យាល័យសេដ្ឋកិច្ចកសិកម្ម និងអភិវឌ្ឍន៍ជនបទ ចាប់ពីថ្ងៃ ១៥ ខែកក្កដា ឆ្នាំ ២០២៣តទៅ។ ការបង្កើតផ្សារណាត់ RUA នេះ ដើម្បីជួយបណ្ដុះគំនិតឲ្យនិស្សិតចេះធ្វើទីផ្សារ និងក្លាយជាសហគ្រិន។

លោក សិទ្ធ គឹមសេង ជំនួយការផ្នែកអភិវឌ្ឍន៍ធុរកិច្ច នៃសាកលវិទ្យាល័យភូមិន្ទកសិកម្ម បានឲ្យសារព័ត៌មានកម្ពុជាថ្មី ដឹងថា គោលបំណងនៃការបង្កើតផ្សារណាត់ RUA នេះឡើងគឺ៖ ទី១. ចូលរួមបណ្ដុះផ្នត់គំនិតអាជីវកម្ម និងបង្កើតបរិយាកាសសម្រាប់និស្សិតស្វែងយល់ពីអាជីវកម្ម ទី២.ជំរុញឲ្យនិស្សិតបង្កើតគំនិតច្នៃប្រឌិត និងនវានុវត្តន៍នៃការបង្កើតផលិតផល និងបំពេញតម្រូវការទីផ្សារ ទី៣. បង្កើតនូវបរិយាកាសចំពោះការរៀន ប្រកបដោយអាជីវកម្មសម្រាប់និស្សិត និងស្វែងរកទីផ្សារលក់ផលិតផលស្រាប់របស់និស្សិត និងសហគមន៍ឲ្យកាន់តែប្រសើរ ទី៤. ជួយគាំទ្រនិស្សិតឲ្យចេះស្វែងរកប្រាក់ចំណូលអំឡុងពេលសិក្សា ទី៥. ត្រៀមខ្លួនក្លាយជាសហគ្រិនជោគជ័យនៃការប្រកបអាជីវកម្ម និងចូលរួមចំណែកអភិវឌ្ឍន៍សង្គមជាតិជាដើម។

លោក សិទ្ធ គឹមសេង បញ្ជាក់ថា ផលិតផលដែលត្រូវដាក់លក់ក្នុងផ្សារណាត់ RUA មានដូចជា៖ ផលិតផលកែច្នៃ រុក្ខជាតិលម្អ ផលិតផលសាច់សត្វ ត្រី និងបន្លែ គ្រាប់ពូជ ជី សម្ភារៈកសិកម្ម និងកាហ្វេធម្មជាតិ។ ជាងនេះទៀត អ្នកដែលត្រូវលក់ក្នុងផ្សារណាត់នេះ មានក្រុមនិស្សិតផែនការអាជីវកម្ម នៃសាកលវិទ្យាល័យភូមិន្ទកសិកម្ម និងបងប្អូនសហគមន៍មកពីបណ្ដាខេត្តនានា។ លើសពីនេះ ផ្សារណាត់ RUA ចម្ការដូង ក៏ផ្ដល់ឱកាសឲ្យសាធារណជន និងអ្នករស់នៅជុំវិញ សាកលវិទ្យាល័យភូមិន្ទកសិកម្ម អាចទិញផលិតផល កសិកម្មរបស់និស្សិត និងរីករាយជាមួយបរិយាកាសនៅទីនោះផងដែរ។

លោក សិទ្ធ គឹមសេង បន្ថែមទៀតថា ផ្សារណាត់ RUA នេះ នឹងបើកលក់រៀងរាល់ថ្ងៃសៅរ៍ចុងសប្ដាហ៍ ចាប់ពីម៉ោង ៧:៣០ នាទីព្រឹក ដល់ម៉ោង ៦ល្ងាច តទៅ។ គម្រោងបើកជាប្រចាំនៅថ្ងៃសៅរ៍ និងថ្ងៃអាទិត្យ នៅគម្រោងបន្ទាប់ទៀត ដែលការចូលរួមសហការឧបត្ថម្ភគាំទ្រដោយ ធនាគារអភិវឌ្ឍន៍ជនបទ និងកសិកម្ម ហៅកាត់ថា (ARDB)៕
អត្ថបទ៖ សួស សិត




-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?