ព័ត៌មានជាតិ
កម្លាំងអាវុធហត្ថមានកាតព្វកិច្ចបម្រើសន្តិសុខសុវត្ថិភាពជូនរាស្ត្រប្រឆាំងដាច់ខាតអង្គការចាត់តាំងអំពើភេរវកម្មនិងក្រុមហិង្សាផ្សេងៗ
មន្ត្រីជាន់ខ្ពស់កងរាជអាវុធហត្ថរាជធានីភ្នំពេញបានថ្លែងមុននេះថា កាតព្វកិច្ចរបស់កងរាជអាវុធហត្ថរាជធានីភ្នំពេញដើម្បីផ្តល់នូវអត្ថប្រយោជន៍និងសន្តិសុខសុវត្ថិភាពសាធារណៈ សើបអង្កេតនិងទប់ ស្កាត់ឧក្រិដ្ឋកម្មដែលមានអង្គការចាត់តាំងអំពើភេរវកម្មនិងក្រុមហិង្សាផ្សេងៗទៀតដើម្បីការពារ ទ្រព្យសម្បត្តិរដ្ឋ និងឯកជនហើយគាំពារនិងជួយដល់ជនស៊ីវិលនិងកងកម្លាំងសង្គ្រោះបន្ទាន់ផ្សេងៗទៀតក្នុងករណីអាសន្នបន្ទាន់គ្រោះមហន្តរាយធម្មជាតិនិងការបះបោរចលាចលនិងជម្លោះប្រដាប់អាវុធ។ នេះគឺជាបទបញ្ជាជាប្រចាំថ្ងៃរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញដែលបានដាក់ជាទិសដៅយុទ្ធសាស្ត្រដល់កងកម្លាំងរាជអាវុធហត្ថទូទាំងរាជធានីអនុវត្តន៍គ្រប់ពេលវេលាមិនថាយប់ថ្ងៃដើម្បីបម្រើសេចក្តីសប្បាយជូនប្រជាពលរដ្ឋជាធំ។

ទន្ទឹមនឹងនេះដែរ ឧត្តមសេនីយ៍ឯក រ័ត្ន ស្រ៊ាង បានណែនាំឲ្យមន្ត្រីអាវុធហត្ថទូទាំងរាជធានីភ្នំពេញទាំងអស់បង្កើនការធ្វើអនាម័យដើម្បីបញ្ចៀសជំងឺរាតត្បាតកូវីដ១៩ពិសេសបំផុត ត្រូវអនុវត្តន៍នូវគម្លាតបុគ្គល និងគម្លាតសង្គមតែម្តង ដែលជាកត្តាសំខាន់នៃការបញ្ចៀសជំងឺកូវិដ១៩ដ៏កាចសាហាវនេះបានពីព្រោះជំងឺរាតត្បាតមួយនេះបានឆក់យកអាយុជីវិតមនុស្សរាប់លាននាក់ និងឆ្លងរាប់រយលាននាក់ហើយនៅលើពិភពលោក។

សូមបញ្ជាក់ផងដែរថា ក្រៅពីអនុវត្តន៍នូវភារកិច្ចដូចខាងលើរួចមកនោះកម្លាំងអាវុធហត្ថផ្នែកអន្តរាគមន៍ ក្នុងទីបញ្ជាការ បានរៀនបំប៉នក្បាច់គុនចំបាប់ ស្នៀតចាប់បោក ចាប់កាច់ (ក្លេ) ចេញល្បាតក្បួនម៉ូតូ ឡានតាមដងផ្លូវដើម្បីបង្កើនសមត្ថភាព និងការពារខ្លួន ពេលប៉ះទង្គិចជាមួយជនសង្ស័យ ក្នុងនោះដែរកម្លាំងផ្សេងៗទៀតនាំគ្នាធ្វើលំហាត់ប្រាណ លេងកីឡា ដើម្បីសុខភាពល្អមាំងមួនបំពេញកាតព្វកិច្ចបន្តក្នុងនាមមន្ត្រីជាអ្នកបំរើប្រជាពលរដ្ឋដោយភាពស្មោះត្រង់មិនគិតនើយហត់ឬ យប់ថ្ងៃភ្លៀងខ្យល់ឡើយដែលកម្លាំងអាវុធហត្ថទាំងអស់បន្តពង្រឹងរក្សាសន្តិសុខដោយប្រកាន់ភ្ជាប់កិច្ចការការពារ២៤ម៉ោងលើ២៤ម៉ោងតែម្ដង៕
អត្ថបទ ៖ វិមាន











-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី