ព័ត៌មានជាតិ
តើការលើកលែងទិដ្ឋាការរវាងកម្ពុជា និងប្រទេសអាស៊ានមានរយៈពេលប៉ុន្មានថ្ងៃ?
ការធ្វើដំណើរចេញ-ចូល ឬ ឆ្លងកាត់ទៅកាន់ប្រទេសណាមួយតម្រូវឱ្យអ្នកដំណើរត្រូវមានលិខិតឆ្លងដែន ក៏ដូចជាឯកសារមួយចំនួន ជាពិសេស ត្រូវសុំទិដ្ឋាការ ឬហៅថា វីសា (visa) ទើបអាចទទួលបានសិទ្ធិធ្វើដំណើរទៅប្រទេសនោះ។ ប៉ុន្តែយ៉ាងណា នៅក្នុងក្របខណ្ឌអាស៊ាន ការធ្វើដំណើរចេញ-ចូលរបស់ពលរដ្ឋខ្មែរទៅកាន់ប្រទេសដែលជាសមាជិកអាស៊ាន គឺត្រូវបានលើកលែងទិដ្ឋាការ។
អនុលោមតាមកិច្ចព្រមព្រៀងក្របខណ្ឌអាស៊ានស្ដីពីការលើកលែងទិដ្ឋាការ រាល់ការធ្វើដំណើរដោយគ្មានទិដ្ឋាការនៅក្នុងតំបន់អាស៊ាននេះ គឺដើម្បីជួយជំរុញសកម្មភាពពាណិជ្ជកម្ម និងលំហូរភ្ញៀវទេសចរណ៍ ព្រមទាំងអនុញ្ញាតឱ្យប្រជាពលរដ្ឋអាស៊ានអាចធ្វើដំណើរឆ្លងកាត់ព្រំដែនគ្នាទៅវិញទៅមក ដោយមិនចាំបាច់សុំទិដ្ឋាការជាមុន និងកាត់បន្ថយការចំណាយថវិការបស់ពលរដ្ឋ។
ការលើកលែងទិដ្ឋាការរវាងកម្ពុជា និងបណ្ដាប្រទេសជាសមាជិកអាស៊ាន មានរយៈពេលកំណត់ផ្សេងៗគ្នា និងអាស្រ័យតាមប្រភេទលិខិតឆ្លងដែន។ ជាក់ស្ដែង ការធ្វើដំណើរ និងស្នាក់នៅរវាងកម្ពុជា និងព្រុយណេ ដោយមិនចាំបាច់ទិដ្ឋាការ មានសុពលភាព ១៤ថ្ងៃ ទាំងលិខិតឆ្លងដែនការទូត លិខិតឆ្លងដែនផ្លូវការ និងលិខិតឆ្លងដែនធម្មតា។
កម្ពុជា និងឥណ្ឌូណេស៊ី បានលើកលែងទិដ្ឋាការលើលិខិតឆ្លងដែនការទូត និងផ្លូវការ រយៈពេល១៤ថ្ងៃ ខណៈការលើកលែងទិដ្ឋាការលើលិខិតឆ្លងដែនធម្មតា មានរយៈពេល៣០ថ្ងៃ។ រីឯការលើកលែងទិដ្ឋាការរវាងកម្ពុជា និងហ្វីលីពីន មានរយៈពេល៣០ថ្ងៃសម្រាប់អ្នកកាន់លិខិតឆ្លងដែនការទូត និងលិខិតឆ្លងដែនផ្លូវការ ហើយរយៈពេល២១ថ្ងៃសម្រាប់លិខិតឆ្លងដែនធម្មតា។
ចំណែកកម្ពុជា និងឡាវ អាចស្នាក់នៅដោយមិនចាំបាច់ទិដ្ឋាការបានរហូតដល់រយៈពេល៩០ថ្ងៃសម្រាប់លិខិតឆ្លងដែនការទូត និងលិខិតឆ្លងដែនផ្លូវការ ប៉ុន្តែ សម្រាប់លិខិតឆ្លងដែនធម្មតា រយៈពេលត្រឹម៣០ថ្ងៃ។ ចំពោះការធ្វើដំណើររវាងកម្ពុជា ជាមួយម៉ាឡេស៊ី វៀតណាម និងសិង្ហបុរី មិនចាំបាច់សុំទិដ្ឋាការរយៈពេល៣០ថ្ងៃដូចៗគ្នាសម្រាប់លិខិតឆ្លងដែនទាំង៣ប្រភេទ។
ដោយឡែក កម្ពុជា និងមីយ៉ាន់ម៉ា ក៏ដូចជាប្រទេសថៃ អាចស្នាក់នៅដោយមិនចាំបាច់ទិដ្ឋាការបានរយៈពេល១៤ថ្ងៃសម្រាប់លិខិតឆ្លងដែនធម្មតា និង៣០ថ្ងៃសម្រាប់លិខិតឆ្លងដែនការទូត និងលិខិតឆ្លងដែនផ្លូវការ។
រាល់ការធ្វើដំណើរដោយគ្មានទិដ្ឋាការនេះទៀតសោត ក៏នៅតែតម្រូវឱ្យអ្នកដំណើរត្រូវមានលិខិតឆ្លងដែនមានសុពលភាពយ៉ាងតិច៦ខែ ត្រូវទិញធានារ៉ាប់រងសុខភាព និងឯកសារចាំបាច់មួយចំនួនទៀតតាមតម្រូវការរបស់ប្រទេសគោលដៅដដែល៕
ដោយ៖ ធឿន វ៉ាន់សុង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?