ព័ត៌មានជាតិ
ប្រទេសណាខ្លះ ដែលអាចទូទាត់ឆ្លងដែនជាមួយកម្ពុជា?
កម្ពុជា បានពង្រីកប្រព័ន្ធប្រតិបត្តិការទូទាត់ឆ្លងដែន តាមរយៈការស្កេន QR Code ឬ KH QR ជាមួយប្រទេសថៃ និងម៉ាឡេស៊ី ខណៈបាននិងកំពុងពង្រីកការអភិវឌ្ឍប្រព័ន្ធទូទាត់ឆ្លងដែន ជាមួយប្រទេសចំនួន៦បន្ថែមទៀត រួមមាន ប្រទេសវៀតណាម, ឡាវ, មីយ៉ាន់ម៉ា, ចិន ឥណ្ឌា និង Rwanda ដើម្បីជំរុញការប្រើប្រាស់រូបិយវត្ថុក្នុងស្រុក ជំនួសប្រាក់ដុល្លារក្នុងពាណិជ្ជកម្ម និងការវិនិយោគរវាងបណ្តាប្រទេសដៃគូពាណិជ្ជកម្ម។
![](https://www.kampucheathmey.com/wp-content/uploads/2023/07/១-29-1024x614.jpg)
សម្រាប់កម្ពុជា និងថៃ បានដាក់ឲ្យប្រើប្រាស់នូវប្រព័ន្ធប្រតិបត្តិការទូទាត់ឆ្លងដែន តាមរយៈការស្កេន QR Code បានជាងរយៈពេល៣ឆ្នាំហើយ ពោលចាប់ពីខែកុម្ភៈ ឆ្នាំ២០២០មក។ ការដាក់ឱ្យដំណើរការនូវប្រព័ន្ធឌីជីថលនេះ បានធ្វើឲ្យអ្នកប្រើប្រាស់អេស៊ីលីដាម៉ូបាលនៅកម្ពុជា អាចស្កេនទូទាត់ប្រាក់នៅប្រទេសថៃ បានរហូតដល់៥២លានរៀលនៅក្នុងមួយថ្ងៃ។ ដោយឡែកពេលពលរដ្ឋថៃ មកកម្ពុជា អាចទូទាត់ចំណាយនានា តាមរយៈការស្កេនលើ KHQR នៃពាណិជ្ជកររបស់ធនាគារដែលជាសមាជិករបស់បាគង( Bakong)។ ចំណេកកម្ពុជា និងម៉ាឡេស៊ី បានប្រកាសដាក់ឱ្យដំណើរការជាផ្លូវការនូវការទូទាត់ឆ្លងដែន តាមរយៈប្រព័ន្ធបាគងរបស់ធនាគារជាតិនៃកម្ពុជា (NBC) ជាមួយធនាគារ Maybank កាលពីឆ្នាំ ២០២១ ដែលអនុញ្ញាតឱ្យមានការផ្ទេរប្រាក់រវាងប្រទេសទាំង ២ កាន់តែរហ័ស ងាយស្រួល និងទទួលបានភ្លាមៗ។
![](https://www.kampucheathmey.com/wp-content/uploads/2023/07/312711799_447162584224225_1121345134369090434_n-1024x682.jpg)
លោកស្រី ជា សិរី ទេសាភិបាលរងធនាគារជាតិនៃកម្ពុជា បានលើកឡើងថា កម្ពុជាបានតភ្ជាប់ជាមួយប្រទេសថៃ និងម៉ាឡេស៊ី ដោយប្រជាជនកម្ពុជា អាចស្កេនទូទាត់នៅប្រទេសទាំងពីរនេះ ចេញពីគណនីលុយរៀលរបស់ខ្លួននៅកម្ពុជាបាន ហើយប្រជាជនថៃ និងម៉ាឡេស៊ី ក៏អាចស្កេនទូទាត់ជាប្រាក់រៀលនៅកម្ពុជាផងដែរ។
លោកស្រី បន្តដូច្នេះថា «យន្តការនេះតម្រូវឱ្យអ្នកទិញ និងអ្នកលក់ មានគណនីជាប្រាក់រៀល ដោយនេះក៏ជាកត្តាជំរុញការប្រើប្រាស់ប្រាក់រៀលនៅកម្ពុជាផងដែរ»។
លោកស្រី ជា សិរី បានបន្ថែមថា ធនាគារជាតិនៃកម្ពុជា ក៏បាននិងកំពុងបង្កើនកិច្ចសហការជាមួយប្រទេសជាច្រើនទៀត នៅក្នុងតំបន់អាស៊ី ក៏ដូចជាទៅប្រទេស អាហ្វ្រិក អាមេរិកឡាទីន និងអឺរ៉ុបជាដើម ដើម្បីបង្កើនវិសាលភាព ក្នុងការប្រើប្រាស់ប្រព័ន្ធទូទាត់ដែលមានសុវត្ថិភាព ចំណាយទាប និងទទួលបានប្រាក់ឆាប់រហ័ស សំដៅគាំទ្រ និងជំរុញវិស័យទេសចរណ៍ ការវិនិយោគ ពាណិជ្ជកម្ម និងការផ្ទេរប្រាក់របស់ប្រជាជនខ្មែរ ជាពិសេសពលករដែលកំពុងបម្រើការនៅក្រៅប្រទេស។
សូមបញ្ជាក់ថា បច្ចុប្បន្ន ធនាគារ ដែលជាសមាជិកបាគងរបស់ធនាគារជាតិនៃកម្ពុជា (NBC) មានចំនួន ៤៨ស្ថាប័ន នៅទូទាំងប្រទេស៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៥ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម២ ថ្ងៃ ago
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍