​ក្រសួងព័ត៌មាននឹងរៀបចំសិក្ខាសាលាស្តីពី នីតិវិធីនៃការចូលរួមសង្កេតការណ៍បោះឆ្នោត

អគ្គនាយកដ្ឋានព័ត៌មាន និងសោធទស្សន៍ បានរៀបចំសិក្ខាសាសម្រាប់ គណ:ប្រតិភូសង្គេតការណ៍បោះឆ្នោតអន្តរជាតិប្រមាណ ៣០០រូប ដែលអញ្ជើញមកចូលរួមសង្គេតការណ៍បោះឆ្នោតជ្រើសតាំងតំណាងរាស្ត្រ នីតិកាលទី៧ ចាប់ពីថ្ងៃទី២១ ដល់ទី២៤ ខែកក្កដា ឆ្នាំ២០២៣។

សិក្ខាសាលានេះរៀបចំឡើងស្តីពី នីតិវិធីនៃការចូលរួមសង្កេតការណ៍ជូនអ្នកសង្គេតការណ៍អន្តរជាតិ សន្និសិទអន្តរជាតិ ស្តីពីសន្តិភាព និងលទ្ធប្រជាធិបតេយ្យ និងសន្និសិទសារព័ត៌មាន ស្តីពីការសរុបព្រឹត្តការណ៍របស់អ្នកសង្គេតការណ៍ដំណើរការណ៍បោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣។ ក្នុងអំឡុងពេលសិក្ខាសាលានេះ គណ:ប្រតិភូបានរៀបចំកម្មវិធីដូចខាងក្រោម៖

១. ថ្ងៃទី២១ ខែកក្កដា ឆ្នាំ២០២៣ វេលាម៉ោង ១៥:០០នាទីរសៀល នៅសណ្ឋាគារសុខា(ជ្រោយចង្វារ) សិក្ខាសាលាស្តីពី នីតិវិធីនៃការចូលរួមសង្កេតការណ៍ជូនអ្នកសង្គេតការណ៍អន្តរជាតិ។

២. ថ្ងៃទី២២ ខែកក្កដា ឆ្នាំ២០២៣ វេលាម៉ោង ១៤:០០នាទីរសៀល នៅសណ្ឋាគារសុខា(ជ្រោយចង្វារ) សន្និសិទអន្តរជាតិស្តីពីសន្តិភាព និងលទ្ធប្រជាធិបតេយ្យ។

៣. ថ្ងៃទី២៤ ខែកក្កដា ឆ្នាំ២០២៣ នៅសណ្ឋាគារសុខា(ជ្រោយចង្វារ) សន្និសិទសារព័ត៌មាន ស្តីពីការសរុបព្រឹត្តការណ៍របស់អ្នកសង្គេតការណ៍ដំណើរការណ៍បោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣៕