ព័ត៌មានជាតិ

កូនស្រីអភិបាលរាជធានីភ្នំពេញ ទទួលការចាប់អារម្មណ៍ជាថ្មីពីមហាជន ក្រោយឈ្នះការប្រកួតសិស្សពូកែជុំសកល

បានផុស

២ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

កូនស្រីអភិបាលរាជធានីភ្នំពេញ ឃួង ស៉ីណាម៉ាលីន ដែលធ្លាប់ទទួលបានការចាប់អារម្មណ៍ពីសំណាក់មហាជន ម្តងរួច មកហើយ កាលពីឆ្នាំ២០២២ ជានារីម្នាក់ក្នុងពិធីចូលចែចូវ ដែលបានរៀបចំតាមលំអានប្រពៃណីខ្មែរពីបរមបុរាណ ជាមួយនឹងកូនប្រុសលោក អ៊ាង សុផល្លែត រដ្ឋលេខាធិការនៃក្រសួងបរិស្ថាន។ ឥឡូវនេះ កញ្ញាយកបានការចាប់អារម្មណ៍ពីសាធារណជនម្តងទៀត ក្រោយឈ្នះមេដាយមាស និងទទួលបានពានរង្វាន់ ក្នុងការប្រកួតវគ្គពាក់កណ្តាលផ្តាច់ព្រ័ត្រ The World Scholar’s Cup (Global Round) នៅទីក្រុងសេអ៊ូល ប្រទេសកូរ៉េខាងត្បូង និងជាប់ទៅប្រកួតវគ្គផ្តាច់ព្រ័ត្រនៅសកលវិទ្យាល័យ Yale(Yale University) សហរដ្ឋអាមេរិក ពានរង្វាន់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈផេកបណ្តាញទំនាក់ទំនងសង្គមហ្វេសប៊ុករបស់ លោក ឃួង ស្រេង អភិបាលរាជធានីភ្នំពេញ បានសម្តែងការអបអរសាទរ និងមោទនភាពចំពោះកូនស្រី ហើយទទួលបានការចាប់អារម្មណ៍ពីសាធារណជន ដោយមានការចែករំលែក យ៉ាងច្រើន បន្ទាប់ពីលោកផុសរូបភាពប៉ុន្មានសន្លឹក និងសរសេររៀបរាប់ថា “អបអរសាទរកូនស្រី ដែលបានឈ្នះមេដាយ មាស និង ទទួលបានពានរង្វាន់ចំណាត់ថ្នាក់លេខ៥ ខាងតែងសេចក្តីជាក្រុម រួមនឹងមេដាយមាស និងប្រាក់៤ នៃវិញ្ញាសារប្រកួតផ្សេងៗទៀត ក្នុងចំណោមសិស្សានុសិស្សជាង២០០០នាក់ មកពីបណ្តាប្រទេសជាង២០ ចូលរួម ព្រមទាំងជាប់ទៅប្រកួតវគ្គផ្តាច់ព្រ័ត្រ នៅសកលវិទ្យាល័យ Yale(Yale University)នៃសហរដ្ឋអាមេរិក ក្នុងកម្មវិធីប្រកួតពានរង្វាន់ពិភពលោក (World Scholar’s Cup) វគ្គពាក់កណ្តាលផ្តាច់ព្រ័ត្រ(Global Round) នៅទីក្រុងសេអ៊ូល ប្រទេសកូរ៉េខាងត្បូងនាថ្ងៃទី១៩ ខែកក្កដាឆ្នាំ២០២៣នេះ”។

ទន្ទឹមនេះ លោក អ៊ាង សុផល្លែត រដ្ឋលេខាធិការនៃក្រសួងបរិស្ថាន ក៏បានសម្តែងការអបអរចំពោះយុវតីឆ្នើមរូបនេះផងដែរ និងលម្អិតបន្ថែមលើភាពជោគជ័យ ដែលកញ្ញា ឃួង ស៉ីណាម៉ាលី ធ្វើបាន គឺរួមមាន៖
១. មេដាយមាស សម្រាប់ការប្រកួតសរសេរតែងសេចក្តីជាក្រុម
២. មេដាយប្រាក់ សម្រាប់ការប្រកួតការជជែកវែកញែកជាក្រុម
៣. មេដាយមាស សម្រាប់ការប្រកួតសរសេរតែងសេចក្តីជាបុគ្គល
៤. មេដាយប្រាក់ សម្រាប់ការប្រកួតការជជែកវែកញែកជាបុគ្គល
៥. ទទួលបានសិទ្ធចូលប្រកួតផ្តាច់ព្រាត់ពានរង្វាន់នៅ សកលវិទ្យាល័យយេល (Yale University)។

សម្រាប់ជោគជ័យក្នុងការប្រកួតវគ្គពាក់កណ្តាលផ្តាច់ព្រាត់ (Global Round) នៅទីក្រុងសេអ៊ូល ប្រទេសកូរ៉េខាងត្បូងនាថ្ងៃទី១៩ ខែកក្កដា ឆ្នាំ២០២៣ ដែលមានសិស្សចូលរួមមកពីជាង ២០ប្រទេស ទើបតែបញ្ចប់ទៅនេះ ក៏មានសិស្សឆ្នើមកម្ពុជាប៉ុន្មានរូបទៀតផងដែរ ដែលបានបោះជំហានទៅកាន់វគ្គផ្តាច់ព្រ័ត្រនៅ សកលវិទ្យាល័យយេល (Yale University) សហរដ្ឋអាមេរិក។

គួរបញ្ជាក់ថា ជារៀងរាល់ឆ្នាំ The World Scholar’s Cup តែងអញ្ជើញក្រុមដែលមានសមត្ថភាពមកពីគ្រប់ជុំ ក្នុងតំបន់ ដើម្បីធ្វើផ្តល់ឱកាសសម្រាប់សិស្សឆ្នើមនៅតាមបណ្តាប្រទេសលើពិភពលោក អាចបង្ហាញសមត្ថភាព ជាកម្រិតស្តង់ដារទទួលស្គាល់ជាសកល។ កន្លងមក ក៏មានសិស្សឆ្នើមកម្ពុជាជាច្រើនរូបហើយដែរ បានចូលរួមប្រកួត៕