ព័ត៌មានជាតិ
អ្នកនាំពាក្យ ៖ មានបណ្ដឹងចំនួន ៣២ នៅក្នុងដំណើរការឃោសនាបោះឆ្នោត រយៈពេល ២០ថ្ងៃ
មន្ត្រីជាន់ខ្ពស់ គ.ជ.ប បានឲ្យដឹងថា ចាប់ពីថ្ងៃទី ១ ដល់ព្រឹកថ្ងៃទី ២០ ខែកក្កដានេះ មានបណ្ដឹងចំនួន ៣២ ត្រូវបានប្ដឹងនៅក្នុងដំណើរការឃោសនាបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣នេះ។

លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មីថា បណ្ដឹងទាំង ៣២នោះ ត្រូវបានប្ដឹងនៅគណៈកម្មការឃុំ-សង្កាត់រៀបចំការបោះឆ្នោត។ ក្នុងចំណោមបណ្ដឹងទាំងនោះ មាន ១១បណ្ដឹង ត្រូវបានដោះស្រាយចប់រួចរាល់ ហើយ ២១បណ្ដឹងទៀត បាននិងកំពុងដោះស្រាយ។
អ្នកនាំពាក្យ គ.ជ.ប បានឲ្យដឹងបន្តថា ក្នុងចំណោមបណ្ដឹងទាំង ៣២នោះ មាន ៩បណ្ដឹងបានប្ដឹងបន្តមកកាន់គណៈកម្មការរាជធានី-ខេត្តរៀបចំការបោះឆ្នោត ហើយបណ្ដឹងទាំង ៩នោះ ក៏ត្រូវបានដោះស្រាយចប់រួចរាល់ដែរ។
លោក សោម សូរីដា បានបញ្ជាក់ថា បណ្ដឹង ១ក្នុងចំណោមបណ្ដឹងទាំង ៣២នោះ គឺពាក់ព័ន្ធទៅនឹងការបង្ហោះសារ ដែលមានការរើសអើងពូជសាសន៍ និង ១បណ្ដឹងទៀតពាក់ព័ន្ធនឹងជនមិនស្គាល់អត្តសញ្ញាណ ដែលបានយកស្លាកគណបក្សយោបាយមួយ ទៅបិទនៅលើរូបថតថ្នាក់ដឹកនាំគណបក្សប្រជាជនកម្ពុជា។
ចំណែកឯបណ្ដឹងចំនួន ៣០ផ្សេងទៀត គឺពាក់ព័ន្ធទៅនឹងការរំលោភបំពានលើមាត្រា ១៤២ថ្មី ច្បាប់ ស្ដីពី ការបោះឆ្នោតជ្រើសតាំង តំណាងរាស្រ្ដ ហើយកម្មវត្ថុនៃបណ្ដឹងនោះ គឺប្ដឹងចំពោះការប្រព្រឹត្តបទល្មើសពាក់ព័ន្ធនឹងការណែនាំ ឬញុះញង់អ្នកបោះឆ្នោត ឲ្យបំផ្លាញសន្លឹកឆ្នោត។
ការឃោសនាបោះឆ្នោតជ្រើសតាំង តំណាងរាស្រ្ដ នីតិកាលទី ៧ បានចាប់ផ្ដើមពីថ្ងៃទី ១ ខែកក្កដា នឹងបញ្ចប់នៅថ្ងៃទី ២១ ខែកក្កដា ឆ្នាំ ២០២៣។ ចំណែកឯការបោះឆ្នោត នឹងប្រព្រឹត្តទៅនៅថ្ងៃអាទិត្យ ទី ២៣ ខែកក្កដា ឆ្នាំ ២០២៣៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ