សាំង និងម៉ាស៊ូត រក្សាតម្លៃដដែល ក្នុងសប្តាហ៍នេះ

ក្រសួងពាណិជ្ជកម្ម បានប្រកាសថា សាំងធម្មតានៅបន្តរក្សាតម្លៃដដែល គឺ ៤១៥០រៀល ក្នុងមួយលីត្រ និងម៉ាស៊ូត ៤០០០រៀល ដោយតម្លៃនេះចាប់អនុវត្តពីថ្ងៃទី ២១-៣១ កក្កដា ឆ្នាំ ២០២៣។

ក្រសួងពាណិជ្ជកម្ម បច្ចុប្បន្ន​នេះប្រេងឥន្ធនៈដែលកម្ពុជាប្រើប្រាស់ គឺបាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។

សូមបញ្ជាក់ថា ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ​ប្រួលថ្លៃប្រេងឥន្ធនៈនៅលើសកលលោក៕