ព័ត៌មានជាតិ

លោកបណ្ឌិត ប៉ែន ស៊ីម៉ន ដឹកនាំសមាជិកគណបក្សប្រជាជនកម្ពុជា ១៥០០០ នាក់ ថ្ងៃបិទក្បួនដង្ហែយុទ្ធនាការឃោសនាបោះឆ្នោតនៅខេត្តកំពត

បានផុស

១ year មុន

នៅ

ថ្ងៃសុក្រ ២១ កក្កដា ២០២៣

ដោយ

នៅព្រឹកថ្ងៃទី ២១ ខែកក្កដា ឆ្នាំ ២០២៣ នេះ ក្រោមអធិបតីភាព លោកបណ្ឌិត ប៉ែន ស៊ីម៉ន ប្រធានក្រុមការងារគណបក្សចុះមូលដ្ឋានខេត្តកំពត និងលោក ម៉ៅ ធនិន ប្រធានគណបក្សខេត្តកំពត បានដឹកនាំសមាជិក សមាជិកា របស់គណបក្សប្រជាជនកម្ពុជាខេត្តកំពត ប្រមាណជាង ១៥,០០០ នាក់ ជួបជុំនៅរង្វង់មូលទុរេន ក្រុងកំពត ដើម្បីរៀបចំពិធីដង្ហែក្បួនបិទយុទ្ធនាការឃោសនាបោះឆ្នោត ជ្រើសតាំងតំណាងរាស្ត្រ នីតិកាលទី ៧ នាថ្ងៃទី ២៣ ខែកក្កដា ឆ្នាំ ២០២៣ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឱកាសនោះដែរ សមាជិក សមាជិកា ទាំងអស់ សុទ្ធតែបានប្រកាសអំពាវនាវដល់ប្រជាពលរដ្ឋ សូមបោះឆ្នោតជូនគណបក្សប្រជាជនកម្ពុជា ដែលមានសញ្ញាទេវតាបាចផ្កា លេខរៀងទី ១៨ ដើម្បីគាំទ្រ សម្ដេចតេជោ ហ៊ុន សែន ជានាយករដ្ឋមន្ត្រី នៅអាណត្តិទី ៧ និងគាំទ្រ ឯកឧត្ដមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលអនាគត បន្តដឹកនាំប្រទេសឆ្ពោះទៅកាន់សុខសន្តិភាព និងការអភិវឌ្ឍ។

សូមជម្រាបថា សម្រាប់យុទ្ធនាការឃោសនាបោះឆ្នោតជ្រើសរើសតំណាងរាស្ត្រអាណត្តិទី ៧ រយៈពេល ២១ ថ្ងៃ ដែលបានចាប់ផ្ដើមតាំងពីថ្ងៃទី ១ ខែកក្កដា ឆ្នាំ ២០២៣ រហូតដល់ថ្ងៃទី ២១ ខែកក្កដា ឆ្នាំ ២០២៣ នេះ ត្រូវនឹងថ្ងៃបិទបញ្ចប់ ដោយជាទូទៅក្នុងយុទ្ធនាការជាង ២០ ថ្ងៃកន្លងទៅនេះ បានប្រព្រឹត្តិទៅក្រោមបរិយាកាសល្អប្រសើរ គ្មានអំពើហិង្សាណាមួយកើតឡើងនោះឡើយ៕

អត្ថបទ ៖ សឹង រ៉ាត់