គ.ជ.ប អំពាវនាវឱ្យរក្សាភាពស្ងប់ស្ងាត់នៅថ្ងៃស និងថ្ងៃបោះឆ្នោត

គណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវដល់គណបក្សនយោបាយ បេក្ខជន ភ្នាក់ងារគណបក្សនយោបាយ អ្នកគាំទ្រ និងប្រព័ន្ធផ្សព្វផ្សាយរក្សាភាពស្ងប់ស្ងាត់ចាប់ពីម៉ោង ១០ៈ០០ យប់ថ្ងៃទី ២១ ខែកក្កដា រហូតដល់ម៉ោង ១២ យប់ថ្ងៃទី ២៣ ខែកក្កដា។

គ.ជ.ប អំពាវនាវឱ្យអាជ្ញាធរគ្រប់លំដាប់ថ្នាក់ ដែលទទួលខុសត្រូវការងារសន្តិសុខ សណ្ដាប់ធ្នាប់ត្រូវផ្ដល់កិច្ចសហប្រតិបត្តិការដល់ គ.ជ.ប និងគណៈកម្មការរៀបចំការបោះឆ្នោតគ្រប់លំដាប់ថ្នាក់ ដើម្បីរក្សាសុវត្ថិភាព សន្ដិសុខ ជាពិសេសចាត់វិធានការទប់ស្កាត់បាតុភាពទាំងឡាយដែលមានបំណងបំផ្លាញសន្លឹកឆ្នោត តាមរយៈការប្រើគ្រប់មធ្យោបាយទុច្ចរិត រារាំងប្រជាពលរដ្ឋមិនឱ្យទៅបោះឆ្នោត ធ្វើឱ្យមានការភាន់ច្រលំ និងបាត់ទំនុកចិត្តលើការបោះឆ្នោត បង្ករការរំខានដល់ដំណើរការបោះឆ្នោត និងរាប់សន្លឹកឆ្នោត។

គណៈកម្មាធិការជាតិរៀបចំការបោះឆ្នោត នឹងចាត់វិធានការដែលរំលោភលើច្បាប់ស្ដីពីការបោះឆ្នោតជ្រើសតាំងតំណាងរាស្ត្រ៕